1 Pet. 1:8 - Ebaibul

⁸ Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

1 Pet. 1:8 Iomraidhean Croise

Eete a Ŋie. 1:7

Iyoŋ ŋolominat kaŋ, tolimokinae ayoŋ neni imyaari iyoŋ ŋamesekin kon adak ka neni itowoeya iyoŋ ikes kidiŋ apaaran emwanuni akoloŋ. Kaanukiro emaikina ayoŋ olot akiwarit iyoŋ losipanin a ŋamesekin a ŋikonei kon?

Eete a Ŋie. 5:16

Ebobok nooi ŋakiro ŋuna irworo iŋes, ikisupari iŋes alopitesyo keŋ a daadaŋ. Okoe ŋapesur a Yerusalem, epite ŋolo eyakar ŋolominat kaŋ ka lokone kaŋ iŋes ŋol.

Eete a Ŋie. 5:9

Alipite ejokia ŋolominat kon akilo ŋuluce, iyoŋ ŋina ibus nooi akilo ŋunace? Alipite ejokia ŋolominat kon akilo ŋuluce, ikimaimaya iyoŋ isua?

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Yoa. 14:24

Ituŋanan daadaŋ ŋini nyakamina ayoŋ, nyiricakini ŋakiro kaŋ. Ŋakiro daadaŋ ŋuna ipupete iyes, meere ŋuna kaŋ, nai erae ŋuna a Papa a ŋolo ekeyakuunit ayoŋ.

Yoa. 16:22

Ikote nenipei ŋakiro aneni kus: iyaloloŋete iyes tokona, nai akaanyuni ayoŋ iyes nabo, ido tolelyana ŋitai kus. Emam idiotuŋanan elemari alelyan ŋin aneni kus.

Yoa. 20:29

Tolimok Yesu iŋes tema, “Inup iyoŋ, anerae ikiŋolik ayoŋ a? Erereŋ ŋulu enupito pa iŋolikinito!”

Yoa. 8:42

Toboŋok Yesu ikes tema, “Kerae torae Akuj Papa kus, kikiminasi iyes ayoŋ, anerae abunit ayoŋ aneni ka Akuj. Pa abunit ayoŋ aŋuna kaŋ, nai iŋes ekeyakuuni ayoŋ.

Ŋitic. 16:34

Ya iŋes Paulo ka Silas kai keŋ, inak ikes akimuj. Tolakaros iŋes ka ŋituŋa keŋ, aŋuna aponiata ikes tonupa Akuj.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

2 Ŋikor. 1:22

ewuak iŋes emacar keŋ neni yok ka ewuak Etau keŋ lotai yok erae ibore ŋini ikiteyenuni iwon atemar eryamunio ibore ŋini adau iŋes akiikin.

2 Ŋikor. 12:4

Abu iŋes kiira ŋakiro ŋuna nyepedori idiotuŋanan akirwor ŋuna nyepedoryo alimun.

2 Ŋikor. 4:18

Nyikiwuakinit isua ŋatameta kosi loboro ŋulu etakanete, nai loboro ŋulu nyetakanete; ibore ŋini ite iyoŋ, nyeropari, nai ŋini nyetakani, eropari ŋikaru ka ŋikaru.

2 Ŋikor. 5:7

Anerae ikiyari iwon ananupit, meere aŋuna ikiŋolyanakini.

2 Ŋikor. 9:15

Olakaros neni ka Akuj aŋuna ka ainakinet keŋ a ŋina apolon a ŋina nyepedoryo alimun.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋipil. 1:25

Aŋuna anupitor ayoŋ ŋun, ayeni atemar arubakini ayari ekeŋarak iyes daadaŋ, ikotere kiyatakinor anupit kus ka alelyan ŋina ebunit ananupit.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Ŋibur. 11:1

Anupit iŋes ayenut kire atemar erae ŋakiro ŋuna ikigeno iwon ŋuna a kire, anupit iŋes amamukau ka aŋayaŋayat aloboro a ŋulu nyikite iwon.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.

1 Pet. 1:6

Tolelyana aŋuna a ŋakiro a ŋun, tari tokona kiyaloloŋete daŋ apaki ŋina edit na aŋuna a ŋakikatanakineta a ŋuna alalak.

1 Pet. 2:7

Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.