1 Pet. 1:6 - Ebaibul

⁶ Tolelyana aŋuna a ŋakiro a ŋun, tari tokona kiyaloloŋete daŋ apaki ŋina edit na aŋuna a ŋakikatanakineta a ŋuna alalak.

1 Pet. 1:6 Iomraidhean Croise

Ŋikiru. 119:28

Aup etau kaŋ akiyaloloŋ; kisimukekinae ayoŋ alotooma akirot kon.

Ŋikiru. 119:75

Okoe Ekapolon, ayeni ayoŋ atemar itubi iyoŋ ŋakiro anakiyookino, ido anakikinyoma kon, ikisican iyoŋ ayoŋ.

Ŋikiru. 34:19

Eryamununui ituŋanan ŋini iyookino ŋican ŋulu alalak, nai eiununui Ekapolon iŋes alocan a ŋul a daadaŋ.

Ŋikiru. 35:10

A etau kaŋ a daadaŋ, atemari ayoŋ ebe, “Okoe Ekapolon, ŋae ikwaanatar iyoŋ? Iununui iyoŋ ŋulu epalag aneni a ŋulu egogoŋ akilo ikes, iununui iyoŋ ŋulu epalag aneni a ŋulu edemanarete ikes ŋiboro kec.”

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ŋikiru. 9:14

ikotere ayoŋ aeikini ŋikipurisyo kon daadaŋ alopukei a ŋituŋa kon a ŋulu a Sion, olelyan a nen aŋuna ikiiunia iyoŋ ayoŋ.

Ŋikiru. 95:1

Potu, epuro Ekapolon; oeikisi ka alelyanu neni ka Akuj a ŋina erae akaiunan yok!

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 26:37

Torukosi iŋes ka Petero ka ŋidwe a Sebedeo ŋuluarei. Togeu akibul iŋes ka kiyaloloŋ nooi.

Mat. 5:12

Tolakara ka tolelyana, anerae epol nooi eropit kus anakuj; ŋikadwarak daŋ ŋulu koloŋ, esicanitae ikwaŋinapei.

Luk. 1:47

elelyani etau kaŋ aŋuna ka Akuj Ekaiunan kaŋ,

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Luk. 2:10

Tolimok emalaika ikes tema, “Nyikuryaketa, akainunit ayoŋ iyes Ŋakiro ŋuna Ajokak ŋuna italakarete nooi ŋituŋa daadaŋ.

Yoa. 16:22

Ikote nenipei ŋakiro aneni kus: iyaloloŋete iyes tokona, nai akaanyuni ayoŋ iyes nabo, ido tolelyana ŋitai kus. Emam idiotuŋanan elemari alelyan ŋin aneni kus.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋirom. 12:12

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋirom. 5:2

Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

Ŋirom. 9:2

Erae ŋun kire atemar epol nooi akiyaloloŋ kaŋ ka nyedaun aryeba ŋina eyai lotau kaŋ aŋuna a ŋituŋa kaŋ. Erworo ayoŋ aŋuna a ŋituŋa a ŋulu ke ekabila kaŋ.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋipil. 2:26

Iburakinit iŋes nooi abunore aanyun iyes daadaŋ ka ebulit, anerae ipotu iyes kiirasi atemar adyaka iŋes.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

Yak. 1:2

Ŋikaitotoi, kimarakisi erae ŋakiro ŋuna ilelyaniata apaki ŋina iryamuniata iyes ŋakikatakineta ŋuna egelegelya;

Yak. 1:9

Itemokino Ekristoit ŋolo ekulyakana elakara apaki ŋina itopoloorya Akuj iŋes

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!

1 Pet. 3:17

Anerae ejok aryamun ŋican aŋuna ka akitiya ŋuna iyookino, erae kerae na acamit ŋina ka Akuj; akilo aryamun ŋican aŋuna ka akitiya ŋuna aronok.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Sam. 2:1

Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!