1 Pet. 1:4 - Ebaibul

⁴ ido ikiyeni atemar ikiryamuni ŋarereŋisyo ŋuna alalak, ŋuna idaritor Akuj ŋituŋa keŋ. Ikidaritor iŋes iyes ŋarereŋisyo ŋun anakuj, aneni nyebosyata kori nyinyasunotor kori nyeŋopiaryata.

1 Pet. 1:4 Iomraidhean Croise

Ŋikiru. 31:19

Epol nooi ajokis aŋiboro a ŋulu ajokak, Ŋina idaritor iyoŋ ŋulu ikitopoloorito iyoŋ, eyenete ŋituŋa daadaŋ ajokis kon ka idau iyoŋ akitoodikin neni a ŋulu ikikinyomito iyoŋ.

Ŋikiru. 47:4

Abu iŋes toseu akwap ŋina eruwor ŋina yok, akwap ŋina ikijoikini iwon Ŋisirael ŋulu ikirae ŋituŋa keŋ.

Isa. 66:22

Erubakinio enyaritae ekiro kus ka ŋiletok kus lopite ŋolo erubakiniata nakuj ka akwap ŋunakitet eyakasi.

Esek. 47:12

Elomunete alokipetotyo a ŋuluarei, a ŋulu ka a ŋolol ŋikito ŋulu a ŋikabilae a daadaŋ ŋulu enyamyo ŋaraito kec. Nyeiniyarete ŋakwii a ŋikito a ŋul, kori nyeraraun kwap ŋaraito kec, nai erayete ikes ŋaraito ŋuna ajokak a ŋololap, anerae eleleunito ŋakipi neni kec anakibois a ŋina asegan. Eruwor ŋaraito kec akimuj ka eruwor ŋakwii kec ekitoe ŋolo ikitaŋaleuni.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mar. 10:17

Ani erotokini Yesu iwace, tomotun epeikile neni keŋ, toryedik alokiŋaren keŋ, kiŋit iŋes tema, “Eketataman ŋolo ajokan, nyo itemokino ayoŋ etiya oryamunia akiyar ŋina nyedaun?”

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

1 Ŋikor. 9:25

Ekakeran daadaŋ ŋolo itatamio, ipukae iŋes ekibure daadaŋ, ikotere eryamunia ebokot ŋolo nyeropari; ikitiyae iwon daŋ ikwaŋinapei, ikotere oryamuniata ebokot ŋolo eropari.

Ŋigal. 3:18

Anerae ani kerae anakiwuapit Ŋikisila eryamunere iwon ainakinet ŋina ka Akuj, iŋes atemar nyeriŋa ikiryamuni ainakinet ŋin anakiikinet a ŋina ka Akuj. Nai arae nakiikinet ŋina ka Akuj abunio Aburaam toryamunia ainakinet ŋin.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 1:14

Etau ŋol iŋes erae akitoodikinet neni yok atemar eryamunio iwon ŋarereŋisyo ŋuna adau Akuj akiikin neni a ŋituŋa keŋ apaki ŋina elakunia Akuj ŋituŋa keŋ jik, ikotere nai kipuroe apolou keŋ.

Ŋiep. 1:18

Elipit ayoŋ Akuj toŋaar ŋatameta kus, ikotere toyenut akigeno ŋina adau iŋes anyarakin iyes ka epite ŋolo elalaata ŋarereŋisyo ŋuna epolok, ŋuna adau Akuj akiikin ainakin ŋituŋa keŋ;

Ŋikol. 1:12

Tolakanaros neni ka Akuj Papa, ŋolo ikitemok iyes aryamun atyaketait a ŋarereŋisyo a ŋuna iŋadakinit Akuj aŋuna a ŋituŋa keŋ a Napukan keŋ a ŋina ka akica.

Ŋikol. 1:5

Iyakatar iyes anupit ka amina, anerae igenosi iyes ibore ŋini iŋadakinitae nakuj aŋuna kus. Ipotu iyes kiirasi ŋuna ka akigeno a ŋin apaki ŋina ikilimokinere iyes ekiŋaren ŋakiro ŋuna a kire ŋuna erae Ŋakiro ŋuna Ajokak.

Ŋikol. 3:24

anerae iyenete iyes atemar Ekapolon iŋes ikiinakini iyes eropit ŋolo iŋadakinit iŋes aŋuna a ŋituŋa keŋ. Kristo iŋes erae Ekapolon ŋolo a kire, ŋolo ijaanakinete iyes.

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Ŋibur. 10:34

Ipotu iyes tomora ka ŋulu aya mabus ŋican kec, ipotu daŋ tocamut ka alelyan eŋataryo ŋiboro kus, aŋuna iyeniata iyes atemar iyakatar ŋiboro ŋulu ajokak akilo, ŋulu eroparete.

Ŋibur. 9:15

Aŋuna a ŋakiro a ŋun, Kristo eyaunit akimorikina a ŋituŋa ka Akuj a Nacamunet a ŋina Kitete, ikotere nai toanyuniata ŋituŋa ŋulu adau Akuj anyarare arereŋu ŋina a jik ŋina ikiik Akuj. Epedor ŋun, anerae abu Kristo totwan ikotere elacakinia ŋituŋa anaronis kec a ŋina etiyaete ikes eriŋa Acamunet ŋina ke ekiŋaren eyai.

Yak. 1:11

Elomuni akoloŋ erirae nooi tonom ekitoe; tosodi aturot keŋ toraraun, ido toŋopia akibuses keŋ. Ikwaŋinapei, ekabaran daŋ eŋopiyari alotooma etic keŋ.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.