1 Pet. 1:21 - Ebaibul

²¹ Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 1:21 Iomraidhean Croise

Ŋikiru. 42:5

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Yer. 17:7

“Erereŋ ŋituŋa ŋulu ikinyomito Ekapolon, ŋulu eyai akikinyomit kec neni ke Ekapolon.

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Yoa. 12:44

Tocelu Yesu nooi tema, “Ŋini akanupi ayoŋ, anup iŋes tari ŋolo ekeyakuunit ayoŋ, meere ayoŋ bon.

Yoa. 14:1

“Nyiyaloloŋo, tonupa Akuj, tonupae ayoŋ daŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 17:1

Kedau Yesu akirwor ŋakiro ŋun, kireo nakuj, kilip tema, “Papa, adolu apaki, kitopoloo Lokoku kon, ikotere ikitopoloo Lokoku kon iyoŋ.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Yoa. 17:5

Papa, inakinae ayoŋ apolou tokona alokiŋaren kon, apolou ŋinapei ikiyakar ayoŋ ka iyoŋ eriŋa tari akwap nyesubuna.

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

Ŋitic. 4:10

itemokino nai iyes daadaŋ ka ŋituŋa ŋulu a Isirael daadaŋ toyenut atemar, ewuoi ekile lo alokiŋaren kus eŋale nooi aŋuna ka apedor a ŋina ke ekiro a Yesu a ŋolo a Nasaret. Yesu ŋol, iŋes ŋolo ipotu iyes kibubukis lomusalaba, nai abu Akuj kiteyaru.

Ŋirom. 10:9

Ani kilimu ka akituk kon atemar, “Erae Yesu Ekapolon” ka tonup alotau kon atemar abu Akuj kiteyaru iŋes alokatwak, iiun iyoŋ.

Ŋirom. 4:24

Egiritae aŋuna yok daŋ a ŋulu elosi Akuj acamun erae ŋulu iyookino, iwon ŋulu ikinupit Akuj ŋina eteyaruni Yesu Ekapolon yok alokatwak.

2 Ŋikor. 6:15

Ikokinete Kristo ka Satan ecamunosi ai? Nyo epedori akimorikin ekanupan ka ŋini nyerae ekanupan?

Ŋiep. 1:15

Aŋuna a ŋakiro a ŋun ka aŋuna adaunia ayoŋ akiirar anupit kus neni ke Ekapolon Yesu, ka amina ŋina iyakatar iyes aŋuna a ŋituŋa a ŋulu ka Akuj a daadaŋ,

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

1 Tim. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka akicikakinet a ŋina ka Akuj a ŋina erae Akaiunan yok ka aŋuna ka akicikakinet a Yesu Kristo a ŋolo erae akigeno yok,

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

Ŋibur. 6:1

Aŋun, oloto tokona kiŋaren etatama ŋakiro ŋuna apolok ŋuna ikamunito Kristo, ido emyekisi ŋakiro ŋuna ageunio akitatam anakiro ka Akuj. Nyitemokino tokona nabo ikiboŋokini akitatam ŋakiro ŋuna koloŋ kegeunio akitatam, ŋakiro ŋun ikes nu: akiŋer ŋakiro ŋuna ikirikorete natwanare ka ananupit Akuj;

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

1 Pet. 1:11

Apotu ikes kikatakis ayenun apaki ŋina itiyakinotor ŋakiro nu ka epite ŋolo eponiata. Apaki ŋin, iŋes etoodikinit ikes Etau ŋolo a Kristo, ŋolo ayai tooma kec atemar etitinyikini Kristo ŋican, nai ekaku eryamuni apolou.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.