1 Pet. 1:17 - Ebaibul

¹⁷ Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

1 Pet. 1:17 Iomraidhean Croise

Akisy. 47:9

Toboŋok Yakob Parao tema, “Erae ŋikaru kaŋ anakwap a na amiat apei ka ŋatomoniuni. Ekudyoko ka etyoko ŋikaru ŋulu a akiyar kaŋ ŋul, nyikwaan ka ŋikaru a akiyar atapapaa kaŋ apaki ŋina awosyata akaoyan.”

1 Ŋakiro a ŋirwa 29:15

Iyeni iyoŋ Ekapolon atemar ikilosi isua anakiyar a na ikwa ŋipeyok ka ŋigelaanotin lopite ŋolo koloŋ atapapaa kosi. Ikwaan ŋirwa kosi anakwap ka etorube, ido ikimamukar isua akigeno.

2 Ŋakiro a ŋirwa 19:7

Tocamutu tokona akitopoloorit Ekapolon alotai kus; totamete ejok anakiro a ŋuna itiyaete iyes, anerae aneni ke Ekapolon Akuj yok, emam amodyanakin kori, ariit neni a ŋice, kori ŋakaluŋuluŋui.”

Yob 34:19

Ŋini nyeriito ka ŋikepukak, kori nyemina ŋikabarak akilo ŋikulyakanotin, anerae erae ikes daadaŋ ŋisubuna keŋ a?

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Ŋikiru. 89:26

Akanyarae iŋes ayoŋ etemari, ‘Irae iyoŋ papa kaŋ, Akuj kaŋ, ataaba ŋina aiunor ayoŋ.’

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Sepan. 3:9

“Apaki ŋin, elocokini ayoŋ epite ŋolo irworotor ŋituŋa kaŋ, toruwor erwor ŋolo ajokan, ikotere ikes daadaŋ enyaraete ekiro ŋolo ke Ekapolon, ido kitiyanakis Ekapolon ecamuna kaapei.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Mat. 6:9

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

2 Ŋikor. 1:2

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

2 Ŋikor. 5:6

Aŋun, ikiyakar isua atitinyu jwi jwi. Ikiyeni atemar ani ca eriŋa isua ikiyari alokuwane a lo, ikilwaka aneni eyai Ekapolon.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

2 Ŋikor. 7:11

Toanyuwasi ŋuna abu Akuj kitiya aŋuna ka akiyaloloŋ kus! Abu akiyaloloŋ ŋin ikiinak iyes alelakinit akitiya ka akitoodiun atemar emam ŋuna ikikamunito iyes! Ipotu iyes toŋoa aŋuna apotu totakanut, ipotu tokuryaketa aŋuna epedorete akitiyakin nabo. Apotu ŋakiro ŋun ikiinakis iyes akiitan aanyun ayoŋ, ekimuye ŋolo kigaŋet ayoŋ ka akisican ŋolo aratan.

Ŋigal. 2:6

Nai ikes ŋulu asibito ŋikarikok, apotu nyakalimokis ayoŋ ŋakiro ŋace ŋuna kitet. (Aneni kaŋ, nyerae ikes ŋikarikok, aŋuna ke epite a ŋolo paaran ayakatar ikes; anerae nyetubonokini Akuj aŋuna ke etakane.)

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Ŋiep. 3:14

Aŋakiro a ŋun, aryediki ayoŋ alokiŋaren Akuj Papa,

Ŋiep. 6:9

Ŋikapolok, totiŋito ŋipi kus ikwaŋinapei, lopite ŋolo ejok alokiŋaren Ekapolon; tojoŋoto akitukuryan ikes. Toyenete atemar iraakasi iyes ka ŋipi kus ŋulu ke Ekapolon a epei a ŋolo eyai nakuj, a ŋolo etubonokini ŋituŋa daadaŋ alopite a epei, emam atyakatyak.

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋikol. 3:25

Ŋini daadaŋ itiyae aronis, isicanio emam atyakatyak aŋuna a ŋakiro a ŋuna aronok a ŋuna itiyae iŋes.

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

1 Pet. 3:15

Nai kipuro Kristo alotai kus ka kitopoloosi iŋes erae Ekapolon. Totenito ŋisaae daadaŋ aboŋokin ŋinituŋanan ikiŋisi iyes alimor akigeno ŋina eyai tooma kus;