1 Pet. 1:12 - Ebaibul

¹² Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

1 Pet. 1:12 Iomraidhean Croise

Awos. 25:20

Emaikina Ŋisubuna ŋul epetarito ŋabebenuk kec kidiama, erounito ŋabebenuk kec akibois ŋina a akisyonio. Emaikina ikes iteosi, iŋoliyarito nakibois ŋina a akisyonio.

Ŋakit. 1:23

Tocamutu akimyekin ŋuna abala ayoŋ iyes kimyekisi; akabukokini ayoŋ iyes ŋatameta kaŋ; eketuruwori ayoŋ iyes ŋulu iyenunete ŋakiro kaŋ.

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 53:1

Ŋae anup ŋakiro ŋuna aponi isua kiirarae? Neni a ŋae aponi kitoodikinae apedor a Ekapolon?

Dan. 10:1

Alokaru a ŋolo a ŋiuni ipukat erwosit Cirus ŋolo a Perisia aponi kisileerekinoe akirot neni a Daniel a ŋolo anyaritae Belitesasar. Arae akirot ŋin ŋina a kire, arae akirot ŋina ke ejie a ŋolo apolon. Abu Daniel toyenu akirot ŋin kedau aryamun ayenun ŋakiro anakisileerekinet.

Dan. 12:13

Nai iyoŋ Daniel, torubak irae ŋolo ikinyoma tari nasalunet, tari kitwana daŋ, iyaruni iyoŋ ikotere iryamuni eropit kon akoloŋit ŋina esidyon.”

Dan. 12:9

Abu iŋes tema, “Tolot a ne Daniel, anerae emaikina ŋakiro nu kidoŋo erae ŋuna imunono ka togolitetei jik tari akoloŋit ŋina esalunia akwap.

Dan. 2:19

Aponi nai kisileerekinoe Daniel anakiruja nakwaare ŋakiro ka abu Daniel kipur Akuj ŋina anakuj.

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 8:13

Abu nai ayoŋ eira emalaika irworo, tema emalaika ece neni a emalaika a ŋolo erworo, “Apaki ŋina etya ai eayete ŋakiro ŋuna eŋolikin anakisileerekinet, ido kisiyookinoe? Ŋakiro ŋuna ka akisileerekinet a ŋainakineta a ŋuna epeyo a ŋinakoloŋit, ŋuna ayaut ekasile aŋuna ka aŋerit Akuj ka ŋuna epotorere akibois ŋina ka Akai ka Akuj ta ŋuna epudaere ŋimalaikan.”

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

Luk. 2:26

Alimokinit Etau ŋolo Asegan iŋes atemar nyetwani eriŋa nyiŋolikina Kristo ŋolo ke Ekapolon.

Luk. 9:6

Torotokis ikes, kimanimana ŋirerya daadaŋ iseraete Ŋakiro ŋuna Ajokak, nabo kitaŋaleununuyete ŋituŋa daadaŋ.

Yoa. 15:26

“Ebuni ekeŋarakiniton, ŋolo eyakuuni ayoŋ aneni a Papa. Erae iŋes Etau ŋolo irworo ŋuna a kire; ebuni iŋes akiteyenun ayoŋ.

Ŋitic. 10:44

Ani eriŋa Petero irworo ŋakiro ŋun, min Etau ŋolo Asegan lotuŋa daadaŋ ŋulu apupete ŋakiro ŋun.

Ŋitic. 16:10

Ani keanyuwa Paulo atakanikinet ŋin, kiitanae isua atipei alosit Makedonia, anerae ikipotu oyenutu atemar kikinyar Akuj isua alimonokin Ŋakiro ŋuna Ajokak neni kec.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋitic. 4:8

Toboŋok Petero ŋolo eleleba Etau ŋolo Asegan ikes tema, “Ŋikepukak ŋulu a ŋituŋa ka ŋikatukok!

Ŋitic. 8:25

Ani kedaut Petero ka Yoana akiteyenun ka erwor ŋakiro ke Ekapolon, toboŋosi Yerusalem elimonokinete Ŋakiro ŋuna Ajokak lorerya ŋulu alalak ŋulu a Samaria.

Ŋirom. 1:15

Aŋun, ekeburit ayoŋ alimonokin Ŋakiro ŋuna Ajokak neni kus daŋ, a ŋulu iyakasi Roma.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

1 Ŋikor. 2:10

Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

2 Ŋikor. 1:22

ewuak iŋes emacar keŋ neni yok ka ewuak Etau keŋ lotai yok erae ibore ŋini ikiteyenuni iwon atemar eryamunio ibore ŋini adau iŋes akiikin.

2 Ŋikor. 6:6

Aŋuna ka asegis alotai kosi, anayenut, anatitinyikinit ka anarimao, ikitoodiun isua ikirae ŋiketiyak ŋulu ka Akuj alotooma Etau ŋolo Asegan, ka anamina kosi a ŋina a kire

Ŋigal. 1:12

Pa aryamuni ayoŋ ikes aneni a idiotuŋanan kori pa abu idiotuŋanan eketatamik ayoŋ ŋakiro ŋun. Arae Yesu Kristo elope iŋes abu totakanu neni kaŋ, eketeyenik ayoŋ ŋakiro ŋun.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

1 Ŋites. 2:9

Anerae ŋikaitotoi, itamunito iyes epite ŋolo etiyaere isua ka agogoŋu nooi akuwar ka apaaran, ikotere nyikisiyaloloŋ isua iyes alotooma apaki ŋina ikilimonokinia isua iyes Ŋakiro ŋuna Ajokak ŋuna ka Akuj.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.

Ŋibur. 4:2

Anerae ikiira ŋakiro ŋuna ajokak ŋuna ka akieŋun a ŋin lopite ŋolo eiraryata atapapaa yok analoŋisat. Nai ŋina eiraryata ikes ŋakiro ŋun, emam ibore ŋini ajokan ŋini apotu ikes toryamut, anerae apotu towout akinup ŋakiro ŋun.

1 Pet. 1:25

nai erubakini akirot ŋina ke Ekapolon jik.” Akirot ŋin, ikes Ŋakiro ŋuna Ajokak ŋuna aponi ikiserakin iyes.

1 Pet. 4:6

Ŋakiro nu iŋes aponere tolimonokinere Ŋakiro ŋuna Ajokak tari neni a ŋulu atwaka, ikotere tari ketubokinitae ikes alokuwane, toyara akiyar ŋina ke etau alotooma Akuj.

Akis. 5:11

Nabo abu ayoŋ eŋoliya, eira ŋitoilon a ŋimalaikan a ŋulu adolito ŋalipyo ka ŋamilyonin! Awuasi ikes irikaunito ekicoloŋ kaapei ka ŋisubuna ŋuluomwon ta ŋikatukok,