1 Ŋirw. 9:5 - Ebaibul

⁵ ŋun nai eturubakinia ayoŋ, apukan kon alo Isirael ŋikaru ka ŋikaru, lopite ŋolo eikinitor ayoŋ papa kon Daudi abala, ‘Nyikiŋopikini iyoŋ aryamun ituŋanan ŋini ilunyokin lokicoloŋ kipuka ŋituŋa a Isirael.’

1 Ŋirw. 9:5 Iomraidhean Croise

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

1 Ŋirw. 2:4

Nen nai isiyookinio Akuj akirot keŋ ŋina abu ekeik ayoŋ ebala, ‘Ani kiyok ŋiletok kon epite ŋolo eyaryata, toyarete eketopoloorito ayoŋ erae ŋulu ikinyoma alotai kec a daadaŋ ka anakiyar kec a daadaŋ, nyikipiyori iyoŋ aryamun ekile ŋolo iboikin lokicoloŋ kipuka Ŋisirael.’

1 Ŋirw. 6:12

“Erae ŋakiro nu ŋuna ka Akai a na a ŋina iduki iyoŋ, ani ca kiwuap iyoŋ ŋikisila kaŋ, ŋuna atubunit ayoŋ ka tolot iwuapit ŋakiciketa kaŋ daadaŋ, esiyookini nai ayoŋ akiikinet kaŋ aneni kon, akiikinet ŋina abu ayoŋ eik Daudi papa kon.

1 Ŋirw. 8:15

Tema erwosit, “Kipuroe Ekapolon, Akuj a Ŋisirael, ŋina esiyook anapedor keŋ ŋuna abu kiik neni a papa kaŋ a Daudi ebala,

1 Ŋirw. 8:20

Esiyook tokona Ekapolon ŋakiro ŋuna abu kiik; anerae elunyokin tokona ayoŋ napukan a papa kaŋ a Daudi, eboikin lokicoloŋ ŋolokipukaet Ŋisirael, lopite ŋolo eikinitor Ekapolon, ido adau ayoŋ adukun Akai aŋuna a ekiro ke Ekapolon Akuj ŋina a Ŋisirael.