1 Ŋirw. 9:24 - Ebaibul

²⁴ Kedau nakoku a Parao acunar alotaun a Daudi kelot kai keŋ ŋina adukokinit Solomon iŋes, abu Solomon toduk arwatata nakititis ŋina alowae a ŋolo alo Kide Akai ka Akuj.

1 Ŋirw. 9:24 Iomraidhean Croise

2 Sam. 5:7

Tari daŋ kelimunito ikes ikoŋina, abu Daudi kikama aduketait a Sion ŋinajiet. Enyaritae tokona etaun ŋol ebe “Etaun a Daudi.”

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

1 Ŋirw. 11:27

Ŋakiro ŋuna aŋeryo Yeroboam erwosit ikes nu: Kebu Solomon toduk akititis ido kebu togolonok neni keorori anarwatata a ŋina ke etaun a Daudi a papa keŋ.

1 Ŋirw. 3:1

Toyenakin Solomon ka Parao, erwosit ŋolo a Ijipit anakiit Solomon nakoku a Parao. Yau Solomon aberu ŋin akiboi lotaun a Daudi akitodol ŋina erikakinia Solomon akiduk akai keŋ ka Akai ke Ekapolon ta arwatata ŋina eryamit Yerusalem.

1 Ŋirw. 7:8

Todukok iŋes akai keŋ a elope ikwaan ka ŋaduketa ŋunace. Adukitoe akai ŋin kaku akibois ŋina atubere ŋakiro. Todukok daŋ iŋes aberu keŋ nakoku a Parao akai ŋina ekwaan ka ŋina keŋ.

2 Ŋakiro a ŋirwa 32:5

Abu nai Esekia kisitiya ŋituŋa ka agogoŋu. Kitemonokis neni amunaara anarwatata daadaŋ, todukonokis narwatata ŋaduketa ŋuna aoyak ka todukokis arwatata ace kiŋa ŋinaŋorot sek, kititioto nabo akititis ŋina ayai lotaun a Daudi. Abu daŋ Esekia kitiyau ŋakwaaras ka ŋaupala ŋuna alalak nooi.

2 Ŋakiro a ŋirwa 8:11

Abu Solomon ya nakoku a Parao alotaun a Daudi, kisiboik kai ŋina abu iŋes toduk aŋuna a nakoku a Parao, anerae abu Solomon tema, “Nyemaikina aberu kaŋ iboi alokai a Daudi a erwosit a Ŋisirael, anerae esegak ŋakiboisyo ŋuna ewuakin Asaduku ŋina ka Acamunet ke Ekapolon.”