1 Ŋirw. 9:15 - Ebaibul

¹⁵ Erae lu ŋiticisyo ŋulu abu Solomon toreik ŋituŋa akitiya: Akiduk Akai ke Ekapolon, akai keŋ a elope ka akiduk arwatata nakititis ŋina a etaun ta akiduk ŋarwatatain ŋuna a Yerusalem, Asor, Megido ka Geser.

1 Ŋirw. 9:15 Iomraidhean Croise

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

1 Ŋirw. 11:27

Ŋakiro ŋuna aŋeryo Yeroboam erwosit ikes nu: Kebu Solomon toduk akititis ido kebu togolonok neni keorori anarwatata a ŋina ke etaun a Daudi a papa keŋ.

1 Ŋirw. 12:4

“Abu papa kon ikiinak isua egogos ŋolo apotyon, nai tokona kitowowok ŋiticisyo a papa kon ŋulu atyonok ka egogos keŋ ŋolo apotyon ŋolo abu iŋes ikiinak isua. Iŋes nai ikitiyanakinia isua iyoŋ.”

1 Ŋirw. 3:1

Toyenakin Solomon ka Parao, erwosit ŋolo a Ijipit anakiit Solomon nakoku a Parao. Yau Solomon aberu ŋin akiboi lotaun a Daudi akitodol ŋina erikakinia Solomon akiduk akai keŋ ka Akai ke Ekapolon ta arwatata ŋina eryamit Yerusalem.

1 Ŋirw. 4:12

Baana lokoku a Ailid, iŋes epukat Taanak, Megido ka Bes-sean daadaŋ akwap ŋina edunyasi ka Saresan ŋina ayai kwap etaun Yesireel, ido anyoun alo Bes-sean tari Abel-Meola, akitodol yaye Yokimeam;

1 Ŋirw. 5:13

Kisyak erwosit Solomon areanakin ŋituŋa a Isirael daadaŋ etic, todol ekimar a ŋulu areikinitae akitiya ŋalipyo ŋatomoniuni.

1 Ŋirw. 6:38

Ani edoli ŋikaru ŋitomon ka epei ipukat Solomon, elap ŋolo a ŋikanikauni ŋolo enyaritae Bul, kirikak Solomon akiduk Akai daadaŋ lopite ŋolo amaikina edukere. Abu Akai ŋin ya ŋikaru ŋikanikaarei eduki Solomon.

1 Ŋirw. 9:10

Ekaku a ŋikaru a ŋatomoniarei kedau Solomon akiduk ŋakais nu ŋaarei: Akai ŋina ke Ekapolon ka akai ke erwosit.

1 Ŋirw. 9:21

ikes ŋipiya a ŋiletok a ŋituŋa ka akwap a ŋin ŋulu kepotu Ŋisirael nyemunyasi a nen, abu Solomon toreik ŋul daadaŋ akitiya etic, ido eriŋa tari tokona ereikinitae ikes etic.

1 Ŋirw. 9:24

Kedau nakoku a Parao acunar alotaun a Daudi kelot kai keŋ ŋina adukokinit Solomon iŋes, abu Solomon toduk arwatata nakititis ŋina alowae a ŋolo alo Kide Akai ka Akuj.

2 Ŋirw. 12:20

Apotu ŋikapolok ŋulu ewuapito Yoas anapolou totuko, tolukis iŋes, toarakis kai a Milo ŋina ayai lorot ŋolo elosere Sila.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 9:27

Ani iŋolikini erwosit Aasia ŋolo a Yudaya ŋakiro ŋuna etiyasi, kigaŋ agaari keŋ toem lowae ŋolo ayai etaun ŋolo anyaritae Bes-agan. Erisit Yeu iŋes ka abu tolimok ŋirukitos keŋ tema, “Toguma iŋes daŋ toara!” Togumakis ikes iŋes nagaari alorot a ŋolo elosi Gur, togumakis ikes iŋes diyete etaun ŋolo enyaritae Ibileam. Toem Aasia tari lotaun Megido totwana a nen.

1 Ŋakiro a ŋirwa 20:4

Ekaku a ŋun, apotu Ŋipilistin kiiryakin ka Ŋisirael alo Geser; abu nai Sibecai ŋolo arae Eusasit toar Sipai ŋolo arae lopapait a Ŋirepai, ido apotu Ŋisirael tobwaŋa Ŋipilistin.

1 Ŋakiro a ŋirwa 6:67

Anakwap ke Epuraim a ŋina elalak ŋikamukumukui, keponi tokorakinae ikes ŋitaunio lu: Sekem (iŋes etaun eiunor ituŋanan), Geser,

2 Ŋakiro a ŋirwa 35:22

Nai abu Yosia toŋer akimyekin Neko, kitusubun meere erwosit aŋuna ka akitijikin Neko, toŋer akiirar ŋakiro ŋuna erworo Akuj aneni a Neko. Abu tolot kitijikis Neko anakadipaalat a ŋina a Megido.

2 Ŋakiro a ŋirwa 8:1

Ekaku a ŋikaru a ŋatomoniarei, kedau Solomon akiduk Akai ke Ekapolon ka ŋina keŋ ke elope,

Ŋikiru. 51:18

Analakari kon ka alope, kitiya ŋuna ajokak Sion; todukok nabo ŋarwatatain a Yerusalem.

Sakar 12:11

Epoloor nooi akigworo a Yerusalem apaki ŋin, ikokini akigworo ŋina abu toyakaun Adad Rimon, nakadipaalat a emukura ŋolo enyaritae Megido.

Yos. 10:33

Apaki ŋin, abu erwosit Oram ŋolo a Geser tosut akiŋarakin ŋituŋa a Lakis, nai abu Yosua kilou iŋes ka ŋituŋa keŋ tomunya daadaŋ nyidoŋ tari ipei.

Yos. 11:1

Ani iirari erwosit Yabin ŋolo ka Asor ŋakiro ŋun, kiyakiya ŋituŋa neni a Yobab a erwosit a Madon ka neni a ŋolo a Simiron ta neni a ŋolo ka Akisap.

Yos. 16:10

Nai apotu ikes nyiritasi Ŋikanaani ŋulu alomito Geser. Tari tokona arubakis Ŋikanaani erukito ka ŋituŋa a Epuraim, nai ereikinitae ikes akitiya aŋuna a ŋituŋa a Epuraim.

Yos. 16:3

Totiyaar nai lowae ŋolo alo To akwap a Ŋiyapeles, kidir Bes-Oron ka Geser toremokin nanam Mediteranian.

Yos. 17:11

Ayakasi Isakar ka Aser ŋitaunio ŋulu arae ŋulu a Manase; ikes lu: Bes-Can ka ŋirerya keŋ, Ibileam ka ŋirerya keŋ, Dor ka ŋirerya keŋ, En-Dor ka ŋirerya keŋ, Taanak ka ŋirerya keŋ, Megido ka ŋirerya keŋ.

Yos. 19:36

Adama, Rama, Asor,

Yos. 21:21

Aponi ikes inakinae anakwap a ŋina a ŋikamukumukui a ŋina ke Epuraim ŋitaunio lu: Sekem, arae Sekem etaun ŋolo adoonokinete ŋulu ebucakin akiar ŋuluce, Geser,

Ŋikat. 1:29

Apotu ŋituŋa a ekabila a Epuraim nyiritasi Ŋikanaani ŋulu eboiyete alo Geser, nai eboiyete Ŋikanaani kaapei ka ikes alo Geser.

Ŋikat. 4:2

Abu nai Ekapolon kipotok ikes napedor a erwosit Yabin a ŋolo a Kanaan a ŋolo epukat alo Asor; arae ekapolokiniton a ŋasigarya keŋ Sisera ŋolo eboi alo Aroses-Agoim.

Ŋikat. 5:19

Apotu ŋirwosi toloto lojie, ido apotu kitijioto ŋimoe, apotu ŋirwosi a Kanaan kitijioto ŋimoe, apotu ikes kitijioto ŋimoe alo Taanak alodiyete ŋakipi a Megido, nai nyeŋatara ikes esilipa edio.

Ŋikat. 9:20

Nai ani pa kitiyato ŋun, emaikina atwanare togeu aneni ka Abimelek tomunya ŋikapolok ŋulu a Sekem ka ŋulu a Bes-Milo ka emaikina atwanare togeu alokapolok a Sekem ka ŋulu a Bes-Milo toar Abimelek.”

Ŋikat. 9:6

Tocunakinos nai ŋikapolok a Sekem ka ŋituŋa a Bes-Milo daadaŋ, toloto kituruwosi Abimelek erwosit alodiyete ekuyon ŋolo ayai neni asipokinitae epir ŋolo ayai diyete Sekem.