1 Ŋirw. 8:66 - Ebaibul

⁶⁶ Ani epete ŋirwa ŋitomon ka ŋikan, tolimok Solomon ŋituŋa kielaros toloto. Kiterereŋo ŋituŋa erwosit, ido toloto lorerya elelyanete ka elakara alotai kec aŋuna ajokak a daadaŋ a ŋuna etiya Ekapolon neni a Daudi a eketiyan keŋ ka neni a Ŋisirael a ŋituŋa keŋ.

1 Ŋirw. 8:66 Iomraidhean Croise

Akisy. 47:7

Ekaku a ŋun, yau Yosepu papa keŋ kitoodiya neni a Parao, kiterereŋ Yakob Parao.

1 Ŋirw. 8:1

Ekaku nai a ŋun, tonyarau Solomon ŋikasikou ka ŋikarikok a ŋikabilae a Ŋisirael daadaŋ ta ŋatekerin a Ŋisirael, potu ŋul neni a erwosit Solomon a ŋolo ayai Yerusalem, ikotere yaut kiŋa alo Sion alotaun a Daudi, Asaduku ŋina ka Acamunet ke Ekapolon.

1 Ŋirw. 8:47

ani nai ketamut ikes anakwap a ŋina erikoryo ŋuna kepotu kitiyata, ido tokiwa, todyekanaros neni kon anakwap a ŋulu erikorete ikes, temasi ‘Ikisec isua ka ikitiya ŋuna nyiyookino; ikitiya isua ŋuna a ŋileec;’

1 Ŋirw. 8:65

Abu Solomon kitiya ŋasuban ŋun apaki ŋin ka abu atukot a Ŋisirael daadaŋ, ŋituŋa ameun aneni alomarere Amas tari nayonae ŋina alo Ijipit, kitiyata ŋasuban ŋun alokiŋaren Ekapolon Akuj yok. Yaasi ikes ŋirwa ŋikanikaarei, ido kiyatakis ŋirwa ŋice ŋikanikaarei, toruwor ŋirwa daadaŋ ŋitomon ka ŋiomwon.

1 Ŋirw. 9:1

Ani irikakini Solomon akiduk Akai ke Ekapolon ka akai ke erwosit ta ŋaduketa daadaŋ ŋuna abu iŋes totamak adukokin,

2 Ŋakiro a ŋirwa 29:36

Apotu nai Esekia ka ŋituŋa daadaŋ tolelyana a ŋakiro a ŋuna abu Akuj kitiya aŋuna a ŋituŋa keŋ, anerae aponi kitiyae etal ŋol anapaki a ŋina auruwuana.

2 Ŋakiro a ŋirwa 30:26

Abu alelyanu ŋina apolon nooi toyakaun Yerusalem, anerae ŋinapei alorwa a Solomon alokoku a Daudi a ŋolo arae erwosit a Ŋisirael, mam alelyanu abu toyakaun Yerusalem ŋina ekoni ŋin.

2 Ŋakiro a ŋirwa 7:10

Ani edoli ŋirwa ke elap ŋatomoniarei ka ŋiuni, elap ŋolo a ŋikanikaarei, kimyek Solomon ŋituŋa toloto lorerya kec elelyanete ka elakara alotai kec aŋuna ajokak aŋuna etiya Ekapolon neni a Daudi ka neni a Solomon ta neni a Ŋisirael a ŋituŋa keŋ.

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Neem. 9:25

Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Ŋikiru. 122:6

Kilipa aŋuna ke ekisil a Yerusalem ibasi, “Ikilipi kiboiyete ejok ŋulu ikiminasi iyoŋ Yerusalem.

Ŋikiru. 122:9

Aŋuna ka Akai ke Ekapolon a ŋolo erae Akuj yok, elipi ayoŋ aŋuna ka ajokis kon Yerusalem.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Sepan. 3:14

“Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋikis. 12:12

Tosodi ilelyanete iyes alokiŋaren Ekapolon, iyes kaapei ka ŋidwe kus ŋulusapa ka ŋulupesur, ŋipi ka ŋapi kus ka ŋilepi ŋulu iboiyete alotaunio kus ŋulu emam akwap ekorakinitae ikes, kori eruwor ŋina kec.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 12:7

Tosodi imujete iyes a nen aneni eyai Ekapolon Akuj kus, imujete iyes a nen kaapei ka ŋituŋa a ŋikalya kus, ilakara aŋuna a ŋakiro a daadaŋ a ŋuna itiyata iyes aŋuna ikiterereŋio Ekapolon iyes.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Yos. 22:6

Abu nai Yosua kiterereŋ ikes, ido kitoboŋo lorerya kec.