1 Ŋirw. 8:65 - Ebaibul

⁶⁵ Abu Solomon kitiya ŋasuban ŋun apaki ŋin ka abu atukot a Ŋisirael daadaŋ, ŋituŋa ameun aneni alomarere Amas tari nayonae ŋina alo Ijipit, kitiyata ŋasuban ŋun alokiŋaren Ekapolon Akuj yok. Yaasi ikes ŋirwa ŋikanikaarei, ido kiyatakis ŋirwa ŋice ŋikanikaarei, toruwor ŋirwa daadaŋ ŋitomon ka ŋiomwon.

1 Ŋirw. 8:65 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

1 Ŋirw. 3:15

Tokyenyu nai Solomon; toyenu atemar kirujae iŋes. Tolot iŋes Yerusalem, towo alokiŋaren Asaduku ŋina ka Acamunet a Ekapolon, inak a nen neni a Ekapolon ŋainakineta ŋuna epeyo ka ŋuna a ekisil. Abu daŋ kitemok ŋasuban aŋuna aŋiketiyak keŋ a daadaŋ.

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

1 Ŋirw. 4:24

Epukat Solomon akwap daadaŋ ŋina alo To aŋolol ŋina enyaritae Eupurate ameun aneni enyaritae Tipisa tari Gasa, arae iŋes apolokinit ŋirwosi daadaŋ ŋulu alo To aŋolol Eupurate, esilito iŋes ka ŋikidunyet keŋ daadaŋ.

1 Ŋirw. 8:2

Tocunun ŋikilyok daadaŋ alo Isirael neni a erwosit Solomon apaki ŋina a ŋasuban a ŋuna a elap a ŋolo a ŋikanikaarei, a ŋolo enyaritae Esanim.

1 Ŋirw. 8:66

Ani epete ŋirwa ŋitomon ka ŋikan, tolimok Solomon ŋituŋa kielaros toloto. Kiterereŋo ŋituŋa erwosit, ido toloto lorerya elelyanete ka elakara alotai kec aŋuna ajokak a daadaŋ a ŋuna etiya Ekapolon neni a Daudi a eketiyan keŋ ka neni a Ŋisirael a ŋituŋa keŋ.

2 Ŋirw. 14:25

Abu iŋes tomeme nabo akwap daadaŋ neni koloŋ arae akwap a Ŋisirael, kikama ameun aneni enyaritae Leboamas alowae a ŋolo alo Kwap akitodol nanam ŋina atwan alowae a ŋolo alo Kuju. Etiyae iŋes ŋun lopite ŋolo alimunitor Ekapolon ŋolo erae Akuj a Ŋisirael anakituk a Yona a ekadwaran a ŋolo arae lokoku ka Anitai a ŋolo alo Gaseper.

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋirw. 23:33

Abu Parao Neko toen iŋes aneni anyaritae Ribila anakwap ka Amas, todaun Yeoas epite ŋolo iboikinor Yerusalem akipuka. Toreik Parao ŋituŋa a Yudaya akitac ocur neni keŋ, totacae neni keŋ ŋatalantae amiat ŋulu ke esilipa ka etalantait ŋolo ke egolid.

1 Ŋakiro a ŋirwa 1:16

Ŋiaripadi, Ŋisemari ka Ŋiamasi.

1 Ŋakiro a ŋirwa 13:5

Aŋun, abu Daudi tocunak Ŋisirael daadaŋ, akisyakin alo To a anaŋolol a ŋina enyaritae Sikor alo Ijipit tari Kide neni enyaritae Leboamas, aŋuna ka ayaun Asaduku ŋina ka Acamunet ka Akuj a ŋina arae Ekapolon alo Kirias-Yearim.

2 Ŋakiro a ŋirwa 30:13

Apotu ŋituŋa ŋulu alalak tocununos Yerusalem elap ŋolo a ŋiarei akinumunum ŋasuban ŋuna a ŋamugati a ŋuna emam ŋakinyalet.

2 Ŋakiro a ŋirwa 30:23

Apotu nai ŋituŋa daadaŋ tocamut akitiya ŋirwa ŋice ŋikanikaarei ŋasuban ŋun, aŋun, apotu torubakis itiyaete ka alelyanu ŋirwa ŋikanikaarei.

Awos. 23:31

Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Esek. 47:19

Alowae a ŋolo alo Kwap, isyakini ekukoru kus alo Tamar, tomyaa tari locowae ŋulu a Meribas-Kades, tomek a nen ayonae ŋina a Ijipit, toloma nanam Mediteranian.

Amos 6:14

Alimu Ekapolon Akuj ŋina Etiron ŋakiro nu ebe, ‘Okoe Ŋisirael, ekesimani ayoŋ iyes ŋituŋa ŋulu ikitijikinete iyes, ikireunete ka ikisicanete ikes iyes ŋinapei alo Lebo-Amas tari nayonae ŋina eyai Araba.’ ”

Amos 6:2

Toloto kiŋolikis etaun Kaline, a nen, toloto Amas lotaun ŋolo apolon, ido totiyaaros a nen, toloto Gas lotaun ŋolo a Ŋipilistin. Itamete iyes atemar igogoŋ iyes akilo ŋituŋa a ŋakwapin a ŋun a? Kori elal akwap kus akilo ŋuna kec a?

Ekim. 34:5

neni ilugokinia tomyaa nayonae ŋina a Ijipit, kisalakin nanam Mediteranian.

Ekim. 34:8

ka ameun alo Moru Or emyaari tari Leboamas, tomyaa nabo tari Sedad,

Yos. 13:3

Ameun aneni enyaritae Sikor alo Kide Ijipit akitodol lokukoru a Ekiron alo Kuju, imaritae nen daadaŋ erae akwap a Kanaan. Eraakasi ŋirwosi a Ŋipilistin ŋikan; epei ŋolo a Gasa, epei ŋolo ka Acidod, epei ŋolo ka Acikelon, epei ŋolo a Gas ka epei ŋolo a Ekiron ta ŋulu ka Apim.

Yos. 13:5

Eriŋa akwap ŋina a Ŋigibili ka akwap a Lebanon daadaŋ alowae a ŋolo alo Kide; ameun alo Baaligad anakeju a emoru Erimon tari Lebo-Amas.

Yos. 15:1

Akwap ŋina akorakinio ekabila a Yuda a ŋikalya, adolit ekukoru Edom alowae a ŋolo alo Kwap ka adolit naloŋisat Sin ŋina eyai lowae ŋolo alo Kwap jik.

Yos. 15:4

Ani enyouni a nen, kidir neni enyaritae Asimon, tomek ayonae ŋina enyaritae ŋina a Ijipit, toremokin nanam Mediteranian. Ekukoru alowae a ŋolo alo Kwap ŋol.

Yos. 19:35

Ŋitaunio ŋulu awuato ŋarwatatain ŋuna adukuk nooi ikes lu: Sidim, Ser, Amas, Rakas, Kineres,

Ŋikat. 3:3

Ŋakwapin ŋun ikes nu: Ŋakwapin ŋakan ŋuna a ŋikapolok a ŋikan a ŋulu a Ŋipilistin ka ŋakwapin a Ŋikanaani, a Ŋisidoniani ka Ŋiipi, eboiyete ŋituŋa ŋul alomoru a ŋulu a Lebanon, ameun alomoru Baal-Erimon akitodol Lebo-Amas.