1 Ŋirw. 8:6 - Ebaibul

⁶ Ani irikakin todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a Ŋikerubim.

1 Ŋirw. 8:6 Iomraidhean Croise

2 Sam. 6:17

Yaut ŋituŋa Asaduku ŋina a Ekapolons, tolomuniata tooma, kiwuakis nakibois keŋ ŋina etemokinitoe tooma eema ŋolo egurokinit Daudi nen aŋuna ka Asaduku. Inak Daudi neni ke Ekapolon ŋainakineta ŋuna epeyo ka ŋuna ke ekisil.

2 Sam. 6:2

Torotokis iŋes ka ŋikilyok ŋul alo Baala a ŋina alo Yudaya akiom Asaduku ŋina ka Acamunet. Enyaritae Asaduku ŋin a ekiro ke Ekapolon a ŋolo Etiron, a ŋolo eyai kidiŋ Ŋisubuna ŋulu a ŋabebenuk ŋulu icekinitae kidiama Asaduku.

1 Ŋirw. 6:16

Topaka iŋes agule kwap Kai. Arae aoyau a agule a ŋin alokwap tari kidiama ŋimitae ŋikanikaomwon. Apakaritae agule ŋin a ŋakito a ŋuna a Cedar. Abu iŋes todukok agule ŋin tooma Akai ka Akuj erae akibois ŋina asegan ka akibois ŋina asegan nooi.

1 Ŋirw. 6:19

Abu Solomon kitemok akibois ŋina asegan tooma jik Akai ka Akuj ikotere iwuakini nen Asaduku ŋina ka Acamunet a Ekapolon.

1 Ŋirw. 6:27

Abu Solomon kiwuak ŋitorubei ŋul tooma jik Akai; apetara ŋabebenuk a ŋitorubei a ŋul, adolit abebenukat ŋina ewasyan a apei narwatata apei ka ŋina ewasyan a ŋoloce daŋ adolit narwatata ŋinace; atapakina ŋabebenuk kec ŋuna alokidiŋ kec.

1 Ŋirw. 8:3

Ani kedaut ŋikasikou a Ŋisirael daadaŋ acunun todakasi ŋisacaradotin Asaduku,

1 Ŋirw. 8:4

ido yaa Asaduku ŋin ŋina ka Acamunet ke Ekapolon; kitipeiyoryata edakito kaapei ke Eema ŋolo elipyata ikes, yaasi ikes ŋiboro daadaŋ ŋulu ke etal ŋulu aya tooma Eema ŋol. Arae ŋisacaradotin ka ŋilepi etipeiyoryata ŋiboro ŋul daadaŋ.

1 Ŋirw. 8:7

Apetarito Ŋikerubim ŋabebenuk kec alokidiama akibois ŋina ewuakinitae Asaduku, aŋun, arapuwarito Ŋikerubim kidiama Asaduku ka ŋipirin ŋulu awuar Asaduku.

1 Ŋakiro a ŋirwa 22:19

Inakinos tokona alotai ka anakiyar kus, kiwara Ekapolon Akuj kus. Apesi kisyakis akiduk akibois ŋina asegan ŋina ke Ekapolon Akuj, ikotere iyaunete Asaduku ŋina ka Acamunet ke Ekapolon ka ŋiboro ŋulu asegak ŋulu ka Akuj tooma Akai ŋina idukokinete aŋuna ke ekiro a Ekapolon.”

2 Ŋakiro a ŋirwa 5:7

Ani irikakin, todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a ŋisubuna ŋulu a ŋabebenuk.

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Ŋikiru. 80:2

okoe ekeyokon a Ŋisirael, kitoodiun neni a ŋatekerin a Epuraim, ka Benjamin ta Manase. Kitoodiu agogoŋu kon; bua toiunae isua!

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Awos. 37:9

Apetarito Ŋisubuna ŋabebenuk kec kidiama, arounito ŋabebenuk kec akibois ŋina a akisyonio eteosi Ŋisubuna ŋul eŋoliyarito nakibois ŋina a akisyonio.

Isa. 37:16

“Okoe Ekapolon ŋolo a ŋajoresyo, Akuj a Isirael, iyoŋ ŋina iyai kidiama ŋisubuna ŋulu a ŋabebenuk, irae iyoŋ Akuj, iyoŋ bon irae Akuj anakwapin a daadaŋ anakwap.

Esek. 10:5

Apaki ŋin, apedoritae akiirar eruye a ŋabebenuk a ŋisubuna ŋulu a ŋabebenuk tari iyai nalapatu ŋina alokiŋa Akai ka Akuj, ekoni eruye ŋol irworikini etoil ka Akuj a ŋina etiron.

Esek. 41:4

Abu iŋes kipim aoyau a agule a ŋin alosepyon, toryamu eriyan ŋiwaetin daadaŋ erae ŋimitae ŋitomon. Ayai agule ŋin yaye ŋina alokidiŋ ameun alopuke. Tema nai ekile ŋol neni kaŋ, “Erae Akibois na ŋina Asegan Nooi.”

1 Sam. 4:4

Aŋun, aponi kiyakiyarae ŋituŋa Silo, yaut ŋul alo Silo Asaduku ŋina ka Acamunet ke Ekapolon a ŋolo Etiron, a ŋolo anupito Ŋisirael atemar eyai kidiŋ ŋitorubei ŋulu a Ŋisubuna a ŋulu eya ŋabebenuk a ŋulu aya Nasaduku. Ayakasi apaki ŋin ŋidwe ke Eli ŋulusapa, Opini ka Pineas, neni ayai Asaduku ŋina ka Acamunet ka Akuj.