1 Ŋirw. 8:54 - Ebaibul

⁵⁴ Ani irikakini Solomon akilip keŋ daadaŋ ka adyekitoi keŋ neni ke Ekapolon, tonyou aneni eŋoliyaritor Namuroet ŋina ke Ekapolon, aneni sek aryedikio iŋes ikyaarit ŋakan kidiama nakuj.

1 Ŋirw. 8:54 Iomraidhean Croise

1 Ŋirw. 8:22

Towo nai Solomon alokiŋaren Namuroet ŋina ke Ekapolon iteete ŋituŋa a Isirael daadaŋ, kikyaa ŋakan keŋ topeta.

2 Ŋakiro a ŋirwa 7:1

Ani irikakini Solomon akilip, totiyaun akim anakuj tonomiya ŋainakineta ka ŋamuronisya ŋuna epeyo, ido abu akica ŋina ka ayakau a Akuj kilelebun Kai ka Akuj.

Ŋikiru. 95:6

Potu, oryediko elipa iŋes; oryediko alokiŋaren Ekapolon, Ekasuban yok!

Luk. 11:1

Apeikoloŋit kilip Yesu aiwace. Ani irikakini, abu epei alokidiŋ ŋikasyomak keŋ, tolimok iŋes tema, “Ekapolon, kitatamae isua akilip, ikwaŋina koloŋ etatamya Yoana ŋikasyomak keŋ.”

Luk. 22:41

Torotok iŋes aneni kec tari neni ebai neni edoe amoru imasaryo, ido toryedik kilip.

Luk. 22:45

Ani enyouni Yesu aneni elipya, toboŋo torukau ŋikeekasyomak kejotoorosi, kiinaasi ŋakiro ŋuna anomorito ŋikecetai.

Ŋitic. 20:36

Ani irikakini Paulo erwori, toryediko kaapei ka ikes daadaŋ, kilipa.

Ŋitic. 21:5

Tari ŋina alimunitere ŋun, ani edaun ŋarwa ŋuna arukitere isua ka ikes, kitemokinetei isua arotokin. Ikitenakis isua ŋikanupak daadaŋ ka ŋaberu kec ta ŋidwe daŋ, tolotoi kiŋa etaun nacukut ŋina ka anam, toryedikoe kilipae, ido totyakatei.