1 Ŋirw. 8:42 - Ebaibul

⁴² anerae iirarete ŋituŋa ekiro kon ŋolo epol nooi ka ŋiticisyo ŋulu itiya iyoŋ ŋulu ka aumokin ka ŋuna ka apedor kon a ŋina itenitor akiŋarakin, ani ebuni igelaanot ŋin akilip iŋoliunit Kai na,

1 Ŋirw. 8:42 Iomraidhean Croise

1 Ŋirw. 8:41

“Ikwaŋinapei, ani keyai ituŋanan ŋinigelaanot daŋ ŋini nyerae ipei a ŋituŋa kon a Ŋisirael, a ŋini ebunit a ŋuna a ekiro kon anakwap ka ace a ŋina alwanan,

2 Ŋirw. 17:36

nai toryediko kilipa neni ke Ekapolon a ŋolo ikiyauni iyes anakwap a Ijipit anapedor keŋ a ŋina apolon nooi. Itemokino iyes tokerito iŋes ka neni keŋ itemokino iyes inanakis ŋamuronisya.

2 Ŋirw. 19:19

Tokona Ekapolon, iyoŋ ŋolo irae Akuj kosi, tolakunae isua aneni a Senakerib, ikotere toyenut ŋakwapin a daadaŋ atemar iyoŋ bon irae Akuj.”

2 Ŋakiro a ŋirwa 32:31

Ani tari iyakuunete ŋikepukak a Babilon ŋituŋa kec neni a Esekia akiŋit iŋes akujuwuanut ŋina abu kitiyakin nakwap keŋ, abu Akuj tocamak iŋes akitiya ŋuna acamit aŋuna ka akikatakin iŋes, anerae acamit Akuj aanyun ŋakiro daadaŋ ŋuna ayakasi lotau a Esekia.

Ŋikiru. 136:12

Abu iŋes yau ikes ka apedor a ŋina etiron, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 89:13

Epol nooi agogoŋu kon, itopolooritae nooi apedor kon.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 15:14

Iirarete ŋituŋa a ŋakwapin ŋakiro nu tomaranikis make; ikamuni ekabule Ŋipilistin.

Awos. 3:19

Ayeni kire ayoŋ atemar nyikimyekini iyes erwosit a Ijipit toloto mati kereikin atemar ikimyek iŋes iyes toloto.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 9:15

Kerae ekyaarite ayoŋ akan kaŋ akiar iyoŋ ka ŋituŋa kon a ŋidekesyo, kemam tokona iyes ŋini eyai nakwap kus na.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Yer. 27:5

Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Yer. 31:11

Aiu Ekapolon ŋituŋa a Yakob, alaku ikes aneni a ŋulu egogoŋ akilo ikes.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Esek. 20:33

Alimu Ekapolon Akuj ebe, “Ikwapei kire jik ayarya ayoŋ, ekepukae ayoŋ iyes a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Sakar 14:16

Epote nai ŋituŋa anakwapin a daadaŋ a ŋuna itijiete Yerusalem akitipeiyor a ŋolokaru Yerusalem akilip neni a Erwosit, Ekapolon ŋolo Etiron, ido kinumunuma ŋasuban ŋuna a ŋisakaitei.

Ekim. 15:14

Ituŋanan ŋinigelaanot ŋini iboiyete kaapei ka iyes, kori ŋini ecamit akiboi kaapei ka iyes jik, ido tocamite ainakin ainakinet ŋina epeyo, ainakinet ŋina ebob eure keŋ aneni ke Ekapolon, epedori akitiya ŋun lopite ŋolo itiyaata iyes.

Ŋitic. 8:27

Tonyou nai Pilipo, tolot. Ayai lorot ŋol ekile ŋolo anakwap a ŋina a Esiopia ŋolo arae ekolup. Apolokinit iŋes ŋisiliŋa daadaŋ ŋulu a Kandace, a ŋina epukat Esiopia. Kelosit sek ekile lo Yerusalem akilip.

Ŋikis. 3:24

“Okoe Ekapolon Akuj, isyak iyoŋ akitoodikin ayoŋ eketiyan kon apolou ka apedor kon. Akuj ani ŋina alokidiama, kori alokwap epedori akitiya ŋiticisyo ŋulu ka apedor a ŋina apolon lopite ŋolo itiyaa iyoŋ?

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

Yos. 4:24

Erae ŋun ikotere akiteyenunia ŋituŋa daadaŋ anakwap atemar egogoŋ Ekapolon Akuj ka erae ikotere iyes itopoloorete Ekapolon Akuj kus ŋikaru ka ŋikaru.”

Yos. 7:9

Ŋina tokona edolyoto ŋakiro nu neni a Ŋikanaani ka ŋituŋa ŋulu ka akwap kec daadaŋ, ikirimokinete ikes isua kidiŋ kitiyata ŋuna nyiirarere nabo jik ekiro kosi anakwap. Nyaanu tokona ŋakiro ŋuna itiyae iyoŋ torubakinia ekiro kon itopolooritae?”