1 Ŋirw. 8:38 - Ebaibul

³⁸ kiira akilip kec. Ani kilip idio a ŋituŋa kon a ŋisirael, toyenete ca ikes alotai kec ŋican ŋulu eyakatar, kikyaa ŋakan keŋ iŋoliyarit lowae ŋolo eyai Akai na;

1 Ŋirw. 8:38 Iomraidhean Croise

1 Ŋirw. 8:22

Towo nai Solomon alokiŋaren Namuroet ŋina ke Ekapolon iteete ŋituŋa a Isirael daadaŋ, kikyaa ŋakan keŋ topeta.

1 Ŋirw. 8:37

“Ani keyakaun eron nakwap, kori edeke, kori kerem ŋimanikorin, kori kelemun ŋituŋa, kori kebu emaase, kori ekutelek, kori ani kiritasi ŋimoe ikes alotaun kec idio, kori ŋulucan ca daadaŋ epote neni kec kerae edeke daŋ,

1 Ŋirw. 8:39

ekelipit kiira anakuj aneni erae akibois ŋina iboiyo iyoŋ, ekelipit kisyoni, kiŋarak; kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

2 Ŋakiro a ŋirwa 6:29

akilip ca daadaŋ ka adyekitoi ca daadaŋ ŋina elimuni idio kec, kori ŋina elimunete ŋituŋa kon Ŋisirael, toyenete ca ikes alotai kec ŋican ŋulu eyakatar, ido kikyaa ŋinituŋanan ŋakan keŋ iŋoliyarit lowae ŋolo eyai Akai na;

Yob 7:11

“Aŋun, nyeliliŋi ayoŋ jik, erwori ayoŋ ŋakiro anaryeba a ŋina a etau kaŋ, arubakini ayoŋ eŋuruŋura anaŋoit a ŋina ka akiyar kaŋ.

Ŋikiru. 42:11

Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”

Ŋikiru. 42:6

Elelebun akiyaloloŋ lotau kaŋ; aŋun, akatamuni ayoŋ iyoŋ Akuj anakwap a Yorodan ka anakwap a Erimon, ta alomoru Misar.

Ŋikiru. 42:9

Atemari ayoŋ neni ka Akuj a ŋina erae akaiunan kaŋ ebe, “Kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit ŋican anadedeŋu a ŋimoe kaŋ?”

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Awos. 9:29

Tema Moses neni keŋ, “Alomar a ne alotaun bon, ekyaari ayoŋ ŋakan kaŋ neni ke Ekapolon; ido todaun agiro ka mam nabo ŋakako eyakaun. Aŋun, iyenuni iyoŋ atemar erae akwap daadaŋ ŋina ke Ekapolon.

Ŋakit. 14:10

Eyeni ŋolotau ŋuna itoŋoito iŋes, mam ituŋanan emorete ka ŋinice alelyanu ŋina eyai lotau keŋ.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Ŋilep. 13:12

Ani kelomu edeke anakuwan a ituŋanan toburusiya amuny ka akuwan daadaŋ ŋinapei anakou tari nakejen nenidapal, lopite ŋolo eŋolikina esacaradoti,

Yona 2:4

Abu ayoŋ otema, “Ekeritar ayoŋ aneni kon; alipite nabo apedorya ayoŋ akiŋoliunia eŋolik Akai kon ŋina Asegan?

Ŋirom. 7:24

Erae nai epite ŋolo ayakar ayoŋ lo: Ayoŋ elope anaosou kaŋ ewuapit ekisil ŋolo ka Akuj, nai alopite a ŋolo araakar ituŋanan, ewuapit ekisil ŋolo ka asecit. Okoe nyipeituŋanan a ŋipapan ayoŋ! Ŋae akaiuni ayoŋ anakuwan a na, a ŋina akarikorit natwanare? Alakara ayoŋ neni ka Akuj a ŋina epedori aiun ayoŋ alotooma Ekapolon yok Yesu Kristo!

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.