1 Ŋirw. 8:35 - Ebaibul

³⁵ “Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na, ikoŋete enyarito ekiro kon, tokiwa asecit aŋuna isicania iyoŋ ikes,

1 Ŋirw. 8:35 Iomraidhean Croise

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

2 Sam. 24:13

Aŋun, abu Gad tolot neni a Daudi kiŋit iŋes tema, “Emaikina mono yaunae ŋikaru ŋiuni ŋulu a eron nakwap kon a? Kori emaikina iyoŋ iemi anakwap kon ŋilapyo ŋiuni ikiwuapito ŋimoe kon a? Kori emaikina edeke eyakaun nakwap kon ŋirwa ŋiuni a? Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 8:33

“Apaki daadaŋ ŋina ereuniata ŋimoe kec ŋituŋa kon Ŋisirael aŋuna aseciata neni kon, ido toboboŋut ŋituŋ kon neni kon, kiŋita akisyonio alokiro kon ilipete ka edyakanarosi neni kon alo Kai a na,

1 Ŋirw. 8:34

ekelipit kiira anakuj, ido kisyoni asecit a ŋituŋa kon a Ŋisirael, kinyaku ikes nakwap ŋina ibu iyoŋ inak neni atapapaa kec.

2 Ŋakiro a ŋirwa 6:24

“Apaki daadaŋ ŋina ereuniata ŋimoe kec ŋituŋa kon Ŋisirael aŋuna aseciata aneni kon, ido toboŋut ŋituŋa kon neni kon, kiŋita akisyonio alokiro kon ilipete ka edyakanarosi neni kon alo Kai a na,

2 Ŋakiro a ŋirwa 6:26

“Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na ikoŋete enyarito ekiro kon, tokiwa asecit aŋuna isicania iyoŋ ikes,

Yob 12:15

Ani pa kecamaki Akuj kilim akiru, eoni neni sek eya ŋakipi; ani kecamaki Akuj akiru kilim, eburusiyarete ŋakipi akwap.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Esek. 14:13

“Lokoku a ituŋanan, ani keseca ŋituŋa a akwap alotooma amamukau anupit neni kaŋ, ido esican ayoŋ akwap ŋin, alemari ayoŋ akimuj oinak ikes eron tomunya ŋituŋa ka ŋibaren keŋ;

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Ŋilep. 26:19

Alemari ayoŋ asyian kus ŋina iturotor iyes, mam akiru ilimi ka eoni akwap kus deu ikwa asuwat.

Agai 1:10

Aŋakiro aŋun, awounia kidiama ŋakipi keŋ, awout ŋalup akitara ŋinyomen.

Sakar 14:17

Ani keŋero ŋituŋa ka akwap ka adio akitipeiyor Yerusalem akilip neni ke Erwosit Ekapolon ŋolo etiron, emam akiru eryamunete.

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Luk. 4:25

“Nai akalimokini ayoŋ iyes atemar, alalak ŋapuseru alo Isirael ŋirwa ŋulu ke Eliya, ŋina aŋopiyarya akiru ŋikaru ŋiuni ka ŋilapyo ŋikanikapei, bu eron ŋolo aronon nooi nakwap ŋin daadaŋ.

Ŋirom. 10:9

Ani kilimu ka akituk kon atemar, “Erae Yesu Ekapolon” ka tonup alotau kon atemar abu Akuj kiteyaru iŋes alokatwak, iiun iyoŋ.

Ŋirom. 15:9

Etiyae iŋes ŋun ikotere ipurete ŋituŋa ŋulu nyerae Ŋiyudayan Akuj aŋuna ka akisyon keŋ. Ikwaŋina igiritere Nakigireta ebe; “Aŋun, eketalakari ayoŋ iyoŋ aneni a ŋulu nyerae Ŋiyudayan. Ayeikini ayoŋ, ido epur ekiro kon.”

Ŋikis. 11:16

tocoito, anerae acepaki ikisuparyo iyes akitiyanakin ŋakujo ŋace ka akilip neni kec,

Ŋikis. 11:17

ani kitiyata iyes ŋun, ikiŋoikini Ekapolon iyes ka nyimyek akiru kilim ka nyepedo akwap akira ŋaraito, tosodi itwakete iyes atipei kimyekis akwap ŋina ajokan ŋina ikiinakinit Ekapolon iyes.

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.

Akis. 11:6

Eyakatar ikes apedor ŋinagolyet adis, ikotere nyilim akiru apaki ŋina elimonokiniata ikes ŋakiro ŋuna ka Akuj. Eyakatar ikes tari apedor lolelyan ŋulu a ŋakipi akituluwor ikes ŋaokot; eyakatar ikes tari apedor ŋinakisicanet akwap a ŋakisicaneta a daadaŋ ŋapakio daadaŋ ŋuna ecamitotor ikes.