1 Ŋirw. 8:32 - Ebaibul

³² ekelipit kiira iŋes anakuj, kitiya neni keŋ ŋuna iyookino aneni kon, totubok ŋiketiyak kon, kisileereu ŋini esecit, kisican iŋes aŋuna itiyat. Ekelipit kisileereu ŋulu iyookino erae ŋulu iyookino, torop ikes alotooma akiyookino kec.

1 Ŋirw. 8:32 Iomraidhean Croise

2 Sam. 22:21

“Abu Ekapolon okorop ayoŋ aŋuna ka akiyookino kaŋ; abu iŋes okorop ayoŋ alopite a ŋolo emamukar ibore ŋini aronon ŋini etiyat ayoŋ,

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

1 Ŋirw. 2:33

Elipi ayoŋ min asecit ŋina abukorere ŋaokot kec nakou a Yoab ka ŋiletok keŋ ŋikaru ka ŋikaru. Nai neni a Daudi ka ŋiletok keŋ ka ekal keŋ ta apukan keŋ, elipi min ekisil a Ekapolon ŋikaru ka ŋikaru.”

Esta 9:25

Nai ani irari erwosit ŋakiro ŋuna ka atuko ka Aman, abu tolimu anakiro a ŋuna egiri iŋes atemar kisicanae Aman aŋuna ka aronis a ŋina atuku iŋes akitiya neni a Ŋiyudayan. Tolimu iŋes atemar kinenekinoe Aman ka ŋidwe keŋ ŋulusapa nakito.

Ŋikiru. 18:25

Isiyoonokini iyoŋ ŋakiikinet kon neni a ŋulu ikikinyomito iyoŋ; itiyae iyoŋ ŋuna ajokak neni a ŋulu emam aronis;

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Awos. 23:7

Nyilomasi nakiro ŋuna etubokinere ituŋanan pa esecit, ido toarae ituŋanan ŋin emam ibore aronon itiyat, kori toarae ituŋanan ŋin emam ibore esecit; anerae atubokini ayoŋ ituŋanan ŋini itiyae aronis ŋin.

Awos. 34:7

ayakar ayoŋ amina kaŋ ŋina nyiryaŋiryaŋa aŋuna a ŋanyameta a ŋalipyo, esyoniyenene aronis, akisyaanu ka asecit, nyemyeanakini ayoŋ akisican ŋulu edyakarito; esicaneene ayoŋ aŋuna ka asecit a ŋikauruunak ŋidwe kaapei ka ŋidwe kec ta ŋipapae kec tari nanyemet kec ŋina a ŋauni ka ŋina a ŋaomwon.”

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 17:15

Ituŋanan ŋini itojokit ŋulu aronok ka ituŋanan ŋini nyitojokit ŋulu iyookino, erae ŋul daadaŋ ŋisiilyanotin aneni a Ekapolon.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Ekim. 5:27

Kedau esacaradoti akitamat aberu ŋin ŋakipi, ani kelomit aberu ŋin ka kimunonit ŋakiro aneni a ekile keŋ, apaki ŋina edolyoto ŋakipi ŋuna emasi iŋes nakook keŋ einakinete iŋes aryeba ŋina apipilan nooi, togolokin aperyet anakook keŋ ka tobuu akook keŋ. Eruwor aberu ŋin ŋina ilamam alotuŋa keŋ.

Ŋirom. 2:13

Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino.

Ŋirom. 7:9

Ayari koloŋ ayoŋ elope eriŋa nyepona Ŋikisila. Nai ani ebuni akiciket, toyaru asecit,

Ŋikis. 25:1

Ani kiburakinosi ŋituŋa ŋiarei, toŋoikinos, ido yaasi ŋakiro kec loikiiko totubo ŋikatubok ŋakiro kec, tolimut atemar iyookinit ipei nai nyiyookinit ŋinice,

1 Sam. 2:25

Ani kesec ituŋanan ipei neni a ŋinice, epedori ituŋanan ice akirwor neni ke Ekapolon aŋuna a ekasecan a ŋol. Nai ani kesec ituŋanan aneni ke Ekapolon, ŋae epedori akirwor aŋuna keŋ?” Nai apotu ŋidwe ke Eli ŋul nyiirasi ŋuna alimokini papa kec, anerae arae acamit ŋina ke Ekapolon atemar totwaka ikes.