1 Ŋirw. 8:30 - Ebaibul

³⁰ Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ topupok, ido ikisyon.

1 Ŋirw. 8:30 Iomraidhean Croise

1 Ŋirw. 8:34

ekelipit kiira anakuj, ido kisyoni asecit a ŋituŋa kon a Ŋisirael, kinyaku ikes nakwap ŋina ibu iyoŋ inak neni atapapaa kec.

1 Ŋirw. 8:36

ekelipit kiira anakuj, ido kisyoni asecit a ŋiketiyak kon, a ŋituŋa kon a Ŋisirael. Kitatam ikes ŋipitesyo ŋulu ajokak ŋulu emaikina ikes kiwuapa; kiyakik akiru nakwap kec ŋina idau iyoŋ ainakin neni a ŋituŋa kon ikwapei akwap ŋina eruwor ŋina kec.

1 Ŋirw. 8:39

ekelipit kiira anakuj aneni erae akibois ŋina iboiyo iyoŋ, ekelipit kisyoni, kiŋarak; kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

1 Ŋirw. 8:43

ekelipit kiira anakuj aneni erae akibois ŋina iboiyo iyoŋ, ido kitiya lopite daadaŋ ŋolo ikinyaritor iyoŋ igelaanot ŋin, ikotere ŋituŋa daadaŋ anakwap eyenunete ekiro kon ka ikikerete iyoŋ, lopite ŋolo ikikeritotor ŋituŋa kon Ŋisirael. Ŋakiro ŋun nai ikes iteyenikinete ŋituŋa atemar adaun akituruwor Akai na ŋina adau ayoŋ akiduk ŋinakilipet neni kon.

1 Ŋirw. 8:49

ekelipit kiira anakuj aneni erae akibois ŋina iboiyo iyoŋ, akilip ka adyekitoi kec, ido kiŋarak ikes anatyonis a ŋin.

2 Ŋakiro a ŋirwa 20:6

kilip tema, “Okoe Ekapolon Akuj atapapaa kosi, meere mono iyoŋ Akuj ŋina iyai nakuj a? Meere mono iyoŋ ipukat ŋapukasinei daadaŋ a ŋakwapin a? Eyakasi nakan kon apedor ka agogoŋu, iŋes nai emamukar ituŋanan ikitepegi iyoŋ.

2 Ŋakiro a ŋirwa 6:21

Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ; topupok ido ikisyon.

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Ŋikiru. 123:1

Neni kon Ekapolon erereunit ayoŋ, neni kon a ŋolo ipukat anakuj.

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ŋikiru. 85:2

Idau iyoŋ akisyon aronis a ŋituŋa kon; isyoni iyoŋ ikes anasecisya kec a daadaŋ.

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Awos. 34:7

ayakar ayoŋ amina kaŋ ŋina nyiryaŋiryaŋa aŋuna a ŋanyameta a ŋalipyo, esyoniyenene aronis, akisyaanu ka asecit, nyemyeanakini ayoŋ akisican ŋulu edyakarito; esicaneene ayoŋ aŋuna ka asecit a ŋikauruunak ŋidwe kaapei ka ŋidwe kec ta ŋipapae kec tari nanyemet kec ŋina a ŋauni ka ŋina a ŋaomwon.”

Ekal. 5:2

Nyikirikirak akirworo, kori nyicamak etau kon kikirikirak akiikin akirot alokiŋaren Akuj, anerae eyai Akuj nakuj ka iyai iyoŋ nakwap; aŋun, emaikina ŋakiro ŋuna ilimuni iyoŋ ekudyoko.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Dan. 6:10

Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Dan. 9:19

Okoe Ekapolon, kiirarae isua, okoe Ekapolon kisyoni isua, okoe Ekapolon, topupokinae, ido kitiya ŋuna ikiŋita, okoe Akuj kaŋ aŋuna ka akipuryo iyoŋ, Nyidid akitiya ŋun! Anerae enyaritae etaun kon ka enyaritae ŋituŋa kon a ekiro kon.”

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Mat. 6:12

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Mat. 6:9

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.