1 Ŋirw. 8:29 - Ebaibul

²⁹ Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

1 Ŋirw. 8:29 Iomraidhean Croise

1 Ŋirw. 11:13

Nyeelielaari ayoŋ apukan daadaŋ; ainakini ayoŋ lokoku kon kipuka ekabila epei, aŋuna a eketiyan kaŋ a Daudi ka aŋuna a Yerusalem a ŋolo aseu ayoŋ aruwor etaun kaŋ.”

1 Ŋirw. 11:36

Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

1 Ŋirw. 14:21

Apaki ŋin arae Reoboam lokoku a Solomon epukat Yudaya. Arae ŋikaru a Reoboam ŋatomoniomwon ka epei apaki ŋina esyakinia akipuka Yudaya, ido abu iŋes kipuka Yudaya alo Yerusalem ŋikaru ŋitomon ka ŋikanikaarei. Kipuka iŋes Yudaya alotaun a ŋolo abu Ekapolon toseu toyakaun ekiro keŋ alotaunio a daadaŋ a ŋulu a ŋikabilae a Ŋisirael. Arae ekiro a toto a Reoboam Naama, arae iŋes Amonait.

1 Ŋirw. 8:16

‘Ameun akoloŋit ŋina ayaunia ayoŋ ŋituŋa kaŋ Ŋisirael anakwap a Ijipit, mam etaun edio ŋolo aseu ayoŋ alokabila ke edio a ŋolo a Ŋisirael, ŋolo emaikina todukokinae Akai ikotere ekiro kaŋ eyakaun nen; nai abu ayoŋ oseu Daudi akipuka ŋituŋa kaŋ Ŋisirael.’

1 Ŋirw. 8:43

ekelipit kiira anakuj aneni erae akibois ŋina iboiyo iyoŋ, ido kitiya lopite daadaŋ ŋolo ikinyaritor iyoŋ igelaanot ŋin, ikotere ŋituŋa daadaŋ anakwap eyenunete ekiro kon ka ikikerete iyoŋ, lopite ŋolo ikikeritotor ŋituŋa kon Ŋisirael. Ŋakiro ŋun nai ikes iteyenikinete ŋituŋa atemar adaun akituruwor Akai na ŋina adau ayoŋ akiduk ŋinakilipet neni kon.

1 Ŋirw. 8:52

Kiira adyekitoi a eketiyan kon ka adyekitoi a ŋituŋa kon a Ŋisirael, kiira ikes apaki daadaŋ ŋina ikinyaraata ikes iyoŋ,

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

2 Ŋirw. 19:16

Okoe Ekapolon, topupok ka kiira; toŋaa ŋakonyen kon, Okoe Ekapolon kiŋolik, ido topupok ŋakiro ŋuna irworit Senakerib ikiyanyit iyoŋ Akuj ŋina iyari.

2 Ŋirw. 21:4

Toduk iŋes ŋamuroeta ŋuna ilipere ŋakujo ŋunagelae tooma Akai ka Akuj, neni koloŋ abala Ekapolon, “Yerusalem bon iŋes ekelipere ayoŋ.”

2 Ŋirw. 21:7

Abu kiwuak etorube ŋolo ecieunitae ŋolo ka akuj a ŋinaberu a ŋina anyaritae Asera tooma kai ka Akuj, neni koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ane alo Yerusalem, iŋes aseu ayoŋ anakwap a daadaŋ a ŋina a ŋikabilae a ŋulutomon ka ŋiarei a Ŋisirael atemar ekelipere ayoŋ ŋikaru ka ŋikaru.

2 Ŋirw. 23:27

Abu Ekapolon totub tema, “Alemari ayoŋ Yudaya daŋ ejoŋo akitere lopite ŋolopei abunio olemarya alo Isirael ŋituŋa a Isirael. Aŋeri ayoŋ tari Yerusalem neni sek erae etaun ŋolo aseunit ayoŋ. Aŋeri nabo tari Akai na ŋina sek abu ayoŋ otema ekelipeneneere ayoŋ.”

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

2 Ŋakiro a ŋirwa 20:8

Adaut ŋiletok ŋul akiboi anakwap a na ka ikidukokis iyoŋ Akai aŋuna a ekiro kon ebasi,

2 Ŋakiro a ŋirwa 33:4

Toduk iŋes ŋamuroeta ŋuna ilipere ŋakujo ŋunagelae tooma Akai ka Akuj neni koloŋ abala Ekapolon, “Yerusalem bon iŋes ekelipere ayoŋ.”

2 Ŋakiro a ŋirwa 33:7

Abu kiwuak Kai ka Akuj etorube ŋolo ka akuj a ŋina anyaritae Asera, etorube ŋolo ecieuni iŋes, kiwuak Kai ŋin ŋina koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ka ne Yerusalem, iŋes aseu ayoŋ anakwap a daadaŋ a ŋina a ŋikabilae a Ŋisirael atemar ekelipere ayoŋ ŋikaru ka ŋikaru.

2 Ŋakiro a ŋirwa 6:20

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

2 Ŋakiro a ŋirwa 6:40

Nai tokona okoe Akuj kaŋ, kiŋolik ka kiira akilip ŋina ilipyo anakibois a na.

Neem. 1:6

kiŋolik eketiyan kon ka kiira akilip a eketiyan kon, ŋina tokona elipi ayoŋ alokiŋaren kon naparan ka nakwaare aŋuna a ŋiketiyak kon, a ŋituŋa a Isirael, alimorit ayoŋ ŋasecisya a Ŋisirael ŋuna aseci isua aneni kon, ikisec ayoŋ kaapei ka ekal kaŋ.

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Ŋikiru. 138:2

aryediki ayoŋ elip neni kon eŋoliyarit Kai kon ŋina asegan, ido alakara neni kon aŋuna ka amina kon a ŋina nyiryaŋiryaŋa ka akikinyoma kon, anerae itopoloo iyoŋ ekiro kon ka akirot kon akilo ŋiboro daadaŋ.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Dan. 6:10

Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Dan. 9:18

Okoe Akuj kaŋ, kiirarae ayoŋ, kiŋoliu, ido kiŋolik ekasile ŋolo ayakaun lotaun ŋolo eyai ekiro kon. Nyikilipi isua neni kon aŋuna ikitamia atemar ikirae ŋulu ikiyookino, nai erae aŋuna ikiyenia atemar irae iyoŋ ŋina elal nooi akisyon.

Sakar 12:4

Apaki ŋin, ewuakini ayoŋ akuryanu naŋolei ŋuna a ŋimoe a Yerusalem daadaŋ ka esimatimataari ŋikametok a ŋaŋolei a ŋun daadaŋ. Eyoki ayoŋ ŋituŋa a Yudaya, nai etumudukani ŋaŋolei a ŋimoe kec.

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:14

Nai emaikina iyes inakisi ŋainakineta kus anakibois a ŋina eseuni Ekapolon anakwap a ekabila kus a apei, emaikina iyes inakis a nen ŋainakineta kus ŋuna epeyo ka emaikina iyes kitiyata a nen ŋakiro daadaŋ ŋuna ikicik iyes Ekapolon akitiya.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 16:2

Emaikina iyes inakis neni ke Ekapolon Akuj kus amuronot ŋina a Paska, anamesekin ka anaatuk kus, kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:6

Nai inakisi anakibois a ŋina eseuni Ekapolon erae akibois ŋina ilipere enyaritae ekiro keŋ; nen ikicamakinitae iyes ainakinia amuronot ŋina a Paska eboŋ edoiyori akoloŋ, esaa ŋolo paaran irotokinioto iyes alo Ijipit.

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.