1 Ŋirw. 8:25 - Ebaibul

²⁵ Aŋun nai, okoe Ekapolon Akuj a Ŋisirael, kisiyook aŋuna a eketiyan kon a Daudi a papa kaŋ ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

1 Ŋirw. 8:25 Iomraidhean Croise

1 Ŋirw. 2:4

Nen nai isiyookinio Akuj akirot keŋ ŋina abu ekeik ayoŋ ebala, ‘Ani kiyok ŋiletok kon epite ŋolo eyaryata, toyarete eketopoloorito ayoŋ erae ŋulu ikinyoma alotai kec a daadaŋ ka anakiyar kec a daadaŋ, nyikipiyori iyoŋ aryamun ekile ŋolo iboikin lokicoloŋ kipuka Ŋisirael.’

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

1 Ŋirw. 8:24

Idau iyoŋ akisiyookin akiikinet kon neni a eketiyan kon a Daudi a papa kaŋ; ibu iyoŋ Akuj tolimu akiikinet ŋin ka isiyook iyoŋ ŋun anapedor kon, lopite ŋolo eyakatar nakoloŋit na.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Ŋikiru. 119:9

Alipite epedoryata ŋisorok akiwuapakin ŋipitesyo kec erae ŋulu ajokak? Erae anakiwuapit akirot kon.

Ŋikiru. 132:12

Ani kiwuap ŋidwe kon ŋulusapa acamunet kaŋ ka ŋakiro kaŋ ŋuna alosi ayoŋ akitatam ikes, ŋidwe kec daŋ ŋulusapa ipukaete erae ŋirwosi ŋikaru ka ŋikaru.”