1 Ŋirw. 8:24 - Ebaibul

²⁴ Idau iyoŋ akisiyookin akiikinet kon neni a eketiyan kon a Daudi a papa kaŋ; ibu iyoŋ Akuj tolimu akiikinet ŋin ka isiyook iyoŋ ŋun anapedor kon, lopite ŋolo eyakatar nakoloŋit na.

1 Ŋirw. 8:24 Iomraidhean Croise

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

1 Ŋirw. 8:15

Tema erwosit, “Kipuroe Ekapolon, Akuj a Ŋisirael, ŋina esiyook anapedor keŋ ŋuna abu kiik neni a papa kaŋ a Daudi ebala,

1 Ŋirw. 8:23

Kilip tema, “Okoe Ekapolon, Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet ka amina ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot kon a ŋitai kec a daadaŋ.

1 Ŋirw. 8:25

Aŋun nai, okoe Ekapolon Akuj a Ŋisirael, kisiyook aŋuna a eketiyan kon a Daudi a papa kaŋ ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

Ŋikiru. 138:2

aryediki ayoŋ elip neni kon eŋoliyarit Kai kon ŋina asegan, ido alakara neni kon aŋuna ka amina kon a ŋina nyiryaŋiryaŋa ka akikinyoma kon, anerae itopoloo iyoŋ ekiro kon ka akirot kon akilo ŋiboro daadaŋ.

Yos. 21:45

Mam akirot apei daŋ ŋina ajokan ŋina abu Ekapolon kiik Ŋisirael ŋina abu nyiyookin. Apotu ŋakiro daadaŋ kiyookinos.

Ŋikat. 13:11

Tonyou nai Manoa kiwuapak aberu keŋ, todolo neni ayai ekile ŋol; kiŋit Manoa ekile ŋol tema, “Arae iyoŋ ekile ŋolo ibu kirwor neni ka aberu a na a?” Toboŋok ekile ŋol tema, “Arae ayoŋ.”