1 Ŋirw. 8:22 - Ebaibul

²² Towo nai Solomon alokiŋaren Namuroet ŋina ke Ekapolon iteete ŋituŋa a Isirael daadaŋ, kikyaa ŋakan keŋ topeta.

1 Ŋirw. 8:22 Iomraidhean Croise

1 Ŋirw. 8:54

Ani irikakini Solomon akilip keŋ daadaŋ ka adyekitoi keŋ neni ke Ekapolon, tonyou aneni eŋoliyaritor Namuroet ŋina ke Ekapolon, aneni sek aryedikio iŋes ikyaarit ŋakan kidiama nakuj.

2 Ŋirw. 11:14

Ani edoli iŋes nen, kiŋolik erwosit ŋolo ariŋa eseunio ewoi alopir a ekek a Akai ka Akuj, lopite ŋolopei sek ewoenenea erwosit a nen. Erimokinito iŋes kidiŋ ŋikarikok a ŋasigarya ka ŋikakutak ŋarupepe, tocelas ŋituŋa daadaŋ elelyanete, tokusete ŋarupepe. Abu arwosit Asalia tocilicili ŋilowi keŋ, kiworou tema, “Erae ibore en aruruma ŋina demaret arwosit apukan, Erae ibore en aruruma ŋina demaret erwosit apukan!”

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

Esir 9:5

Apaki ŋina ka amuronot a ŋina ke eboŋ, abu ayoŋ anakiredakin akiron ka ecilicilaara ekaaso ka akaulat kaŋ oryedik, ekyaa ŋakan kaŋ apetarit neni ke Ekapolon Akuj kaŋ,

Yob 11:13

“Ani kitiya iyoŋ alotau kon ŋuna iyookino, ipedori akikyaar ŋakan kon neni eyai Akuj.

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ŋikiru. 63:4

Ekepuri ayoŋ iyoŋ ŋirwa daadaŋ ŋulu ka akiyar kaŋ, ido ekyaari ayoŋ ŋakan kaŋ elip anyarit ekiro kon.

Awos. 33:10

Apaki daadaŋ ŋina iŋolikiniata ŋituŋa edou emini lopuke ke Eema, anyounete ŋituŋa daadaŋ kilipa alopukei a ŋiemae kec.

Awos. 9:29

Tema Moses neni keŋ, “Alomar a ne alotaun bon, ekyaari ayoŋ ŋakan kaŋ neni ke Ekapolon; ido todaun agiro ka mam nabo ŋakako eyakaun. Aŋun, iyenuni iyoŋ atemar erae akwap daadaŋ ŋina ke Ekapolon.

Awos. 9:33

Aŋun, abu Moses torotok aneni ayai Parao, toloma kiŋa etaun, ido kikyaa ŋakan keŋ neni ke Ekapolon; kikwaa a kiru tojoŋoto ŋakako adoiunun, tojoŋo akiru abukuno nakwap ŋin.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

1 Tim. 2:8

Eitanit nai ayoŋ atemar anakiboisyo a daadaŋ, a ŋuna ilipyata Ŋikristo, itemokino ŋikilyok kilipa ikiarito ŋakan ŋuna emam asecit; tomam aŋoit kori ebura eyakatar.