1 Ŋirw. 8:11 - Ebaibul

¹¹ nyepedosi ŋisacaradotin akitiya ŋiticisyo kec a nen, anerae abu edou toburusiya nen, kilelebikin akica ŋina akwaŋan kya ŋina ke Ekapolon Kai ke Ekapolon.

1 Ŋirw. 8:11 Iomraidhean Croise

1 Ŋirw. 8:10

Ani elomunete ŋisacaradotin anakibois a ŋina asegan nooi, toburusiya edou Akai ke Ekapolon,

1 Ŋirw. 8:12

Tema nai Solomon, “Edaunit sek Ekapolon alimor atemar eboiyenene iŋes alodou a ŋolo nyecai.

2 Ŋakiro a ŋirwa 5:14

nyepedosi ŋisacaradotin akitiya ŋiticisyo kec a nen, anerae abu adis toburusiya nen, aŋuna abunio akica ke Ekapolon kilelebun Kai ka Akuj.

Ŋikiru. 90:16

Kitoodik ŋiketiyak kon ŋiticisyo kon ka kitaanyuwa ŋiletok kec apedor kon ŋina ailiilon.

Awos. 29:43

Nen iŋes ikiryamun ayoŋ ka Ŋisirael, ido ituruwori apolou kaŋ nen akibois ŋina italeuno.

Awos. 40:34

Ekaku, kimuko edou Eema ŋolo iryamununoi, kilelebikin akica ŋina ke Ekapolon ŋina akwaŋan kya tooma Eema ŋolo iryamununoi.

Awos. 40:35

Todaun Moses epite ŋolo elomarya tooma Eema ŋol, anerae abu edou kimuko Eema ŋol ka abu akica ŋina ke Ekapolon kilelebikin tooma Eema ŋolo iryamununoi.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Esek. 10:4

Abu nai akica ŋina ka Akuj tolomu aneni a ŋisubuna a ŋulu a ŋabebenuk, min lopuke ŋolo ka Akai ka Akuj; kilelebun edou Kai ka Akuj ka kilelebun akwaŋis ŋina ka akica a Ekapolon nalapatu ŋina ka Akai ka Akuj.

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Esek. 44:4

Abu ekile ŋol okoya ayoŋ eketoryo lopuke ŋolo eŋoliyarit lowae ŋolo alo Kuju, okoya kiŋaren Akai ka Akuj. Ani aŋoleŋolekini ayoŋ a nen, eŋolik akica ŋina ke Ekapolon ileleba Kai a Ekapolon, abu ayoŋ oramakin kwap obuburiyar.

Ŋilep. 9:23

Toloto Moses ka Aron tolomasi loeema ŋolo elipere. Ani elomunete a nen, apotu kiterereŋo ŋituŋa; totakanu neni a ŋituŋa daadaŋ akica ŋina ke Ekapolon.

Ŋilep. 9:6

Tema Moses neni kec, “Ŋakiro ŋun ikes abu Ekapolon ikicikak iyes akitiya, ikotere etakanuni akica ŋina ke Ekapolon neni kus.”

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋitic. 7:55

Nai abu Stepano ŋolo eleleba Etau ŋolo Asegan kireo nakuj, toanyuwa akica ŋina ka apolou a ŋina ka Akuj ka Yesu ewuoi alowae a ŋolo aloteten Akuj.

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.