1 Ŋirw. 7:48 - Ebaibul

⁴⁸ Aŋun, abu Solomon kitiyau ŋiboro lu daadaŋ ŋulu aya Kai ke Ekapolon: Namuroet ŋina etiyaunitae a egolid, emesa ŋolo etiyaunitae a egolid ŋolo arae ŋolo a ŋamugati a ŋuna ka ayakau a ŋina a Akuj,

1 Ŋirw. 7:48 Iomraidhean Croise

2 Ŋirw. 12:13

Nai amam alosiliŋa a ŋul ŋulu aponi togyelere ŋabakuli ŋuna a esilipa, ŋausi ŋuna inokere ŋitaae, ŋabakuli ŋuna ewuasere, kori ŋarupepe, kori idiobore ŋini itiyaunitae a egolid, kori a esilipa.

2 Ŋirw. 24:13

Kiwok Nebukadinesar ebari daadaŋ ŋolo ayai Kai ka Akuj ka ŋolo alokai ke erwosit. Tobwaŋabwaŋa iŋes ŋiboro ŋulu etiyatae a egolid ŋulu aya Kai ka Akuj, ŋulu koloŋ kitiyauni erwosit Solomon ŋolo a Ŋisirael. Apotu ŋakiro ŋun kitiyakin kitiyakinotor ŋuna asir sek Ekapolon kirwor.

2 Ŋirw. 25:15

Abu ekapolokiniton ŋasigarya ŋuna eyokiyete erwosit ya ŋasuwa ŋuna epuruyere ekinyate kaapei ka ŋabakulei ŋuna awatanakinere ŋituŋa ŋakipi; etiyaunitae ikes daadaŋ a egolid ka esilipa.

2 Ŋakiro a ŋirwa 4:19

Aŋun, abu Solomon kitiyau ŋiboro lu daadaŋ ŋulu aya Kai ka Akuj: Namuroet ŋina etiyaunitae a egolid, ŋimesae ŋulu a ŋamugati aŋuna ka ayakau a Ekapolon,

2 Ŋakiro a ŋirwa 4:8

Abu daŋ iŋes kitiyau ŋimesae ŋitomon, kiwuak Kai ka Akuj, ŋikan lowae ŋolo alo Kwap Akai ka Akuj ka ŋikan lowae ŋolo alo Kuju. Kitiyau nabo ŋabesenio amiat ŋuna ewuasere alo Kai ka Akuj.

Yob 28:1

“Kire eyai neni ebokununeere esilipa ka eyai neni eliununuyere egolid.

Awos. 39:36

emesa keŋ ka ŋiboro daadaŋ ŋulu isitiyao alomesa a ŋol ta amugati ŋina ka ayakau ke Ekapolon.

Awos. 39:38

Yaut ikes Namuroet ŋina arae egolid bon etiyaunitere, yaut akimyet ŋina ke etal, akimyet ŋina itoboboere eure ŋolo ke ekinyate ka yaut anaŋga ŋina ke epuke ke Eema a ŋolo iryamununoi;

Awos. 40:26

Kiwuak Namuroet ŋina arae egolid bon etiyaunitere tooma Eema ŋolo iryamununoi alaalo anaŋga,

Esek. 40:39

Tooma agule ŋina ayai lopuke ŋol, ayakasi ŋimesae ŋiomwon, ŋiarei a ŋolowae, arae lomesae ŋul aarenenere ŋainakineta ŋuna epeyo, ŋuna a ŋasecisya ka ŋuna a akiilit anasecit.

Esek. 40:42

Ayakasi daŋ nen ŋimesae ŋiomwon ŋulu etyekunitae anamoru, esitiyao ŋimesae ŋul aŋuna a ŋainakineta a ŋuna epeyo, aapiyarit aoyau a ŋolomesa alosepyon ŋasentimitae ŋakanikauni, aapiyarit aoyau anakou ka neni iteotor ŋasentimitae ŋakanikauni ka aapiyarit aoyau alokwap tari kidiama asentimita apei. Ewuanakinio kidiama ŋimesae ŋul ŋiboro ŋulu esitiyao earyo ŋainakineta ŋuna epeyo ka ŋamuronisya ŋunace.

Esek. 41:22

namuroet ŋina itiyaunitae a ŋakito. Arae aoyau keŋ emita ka atutubet ka kiŋaren ta neni iteotor, arae ŋakito etiyaunitere ŋawaeta keŋ alokoonae ka neni awuar iŋes ta nawaetin keŋ daadaŋ. Abu ekile ŋol tema neni kaŋ, “Erae lo emesa ŋolo ewoi alokiŋaren Ekapolon.”

Esek. 44:16

Ikes bon emaikina tolomasi nakibois kaŋ ŋina asegan; ikes bon emaikina toapiyasi namuroet kaŋ akitiya etic a nen alokiŋaren kaŋ akisilip alo Kai ka Akuj.

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mat. 12:4

Abu iŋes toloma kai ŋinakilipet Akuj, tonyam amugati ŋina ainakinitae Akuj, ŋina etaleo iŋes ka ŋirukitos keŋ akinyam mati ŋisacaradotin bon.

1 Ŋikor. 10:21

Nyipedorete iyes akimat alokopo a ŋolo ke Ekapolon, ido tomata alokopo a ŋolo a ŋipyan daŋ. Nyipedorete iyes akimuj alomesa a ŋolo ke Ekapolon, ido kimuja alomesa a ŋolo a ŋipyan daŋ.