1 Ŋirw. 7:39 - Ebaibul

³⁹ Kiwuak Iram ŋigaari ŋul ŋikan lowae ŋolo alo Kwap Akai ka Akuj, kiwuak ŋikan lowae ŋolo alo Kuju. Kiwuak etorube ŋolo ka anam lokoona ŋolo ayai Kwap-Kide Akai ka Akuj.

1 Ŋirw. 7:39 Iomraidhean Croise

1 Ŋirw. 7:38

Kitiyau Iram ŋabapwa ŋatomon a eburonis; apedoryo akilelebikin ŋinabapu ŋilitae ŋamiae ŋakanikauni a ŋatomonikanikauni, ido aapiyarit alolomu a ŋinabapu ŋimitae ŋiarei; ŋabapwa ŋun ŋunatomon, arae ŋuna a ŋigaari a ŋulutomon, a ŋinigaari abapu apei.

1 Ŋirw. 7:40

Abu daŋ Iram kitiyau ŋabapwa, ŋikitiyoi ka ŋabakulei. Aŋun, abu iŋes kirikak etic daadaŋ ŋolo etiyae alo Kai ke Ekapolon aŋuna a erwosit Solomon.

2 Ŋakiro a ŋirwa 4:10

Kiwuak neni asibit anam, neni ewuanakinio ŋakipi lokoona ŋolo alo Kwap-Kide Akai ka Akuj.

2 Ŋakiro a ŋirwa 4:6

Abu daŋ Iram kitiyau ŋabesenio ŋatomon ŋunakiloset, kiwuak ŋakan lowae ŋolo alo Kwap Akai ka Akuj ka ŋakan lowae ŋolo alo Kuju. Nabesenio ŋun elailaere ŋainakineta ŋuna epeyo. Arae ŋisacaradotin bon esitiyaete akiloŋar ŋakipi ŋuna ka anam a ŋina etiyakinitae nen.

2 Ŋakiro a ŋirwa 4:7

Kitiyau Uram-Abi a egolid ŋawoeta a ŋitaae ŋatomon, etiyaunitae ikes alopite a ŋolo sek kitamitere, ido abu kiwuak tooma Akai ka Akuj, ŋakan lowae ŋolo alo Kwap Akai ka Akuj ka ŋakan lowae ŋolo alo Kuju.

2 Ŋakiro a ŋirwa 5:1

Ani irikakini Solomon etic daadaŋ ŋolo adukio Akai ke Ekapolon, abu iŋes yau Kai ŋin ŋiboro ŋulu sek keris papa keŋ Daudi kitaleiyo, ŋiboro ŋul ikes lu: Esilipa, egolid ka ŋiboro ŋice daadaŋ, kiŋadak ikes lositowae ŋulu a Akai ka Akuj.