1 Ŋirw. 7:14 - Ebaibul

¹⁴ Arae Iram lokoku ka apuserut a ŋina alokabila a Naputali, arae sek papa keŋ ŋolo alo Tiro, arae iŋes eketiyan ŋiboro a ŋasuwa a ŋuna a eburonis. Ayeni Iram nooi epite ŋolokitiyaet ka aos, ayeni akitiya ŋiboro a ŋasuwa a ŋuna a eburonis. Abu Iram bu neni a Solomon kitiya etic ŋolo amaikina iŋes kitiya daadaŋ.

1 Ŋirw. 7:14 Iomraidhean Croise

2 Ŋakiro a ŋirwa 2:14

ŋolo arae toto keŋ ŋina alo a Dan ka papa keŋ arae ŋolo alo Tiro. Itatamitae iŋes akitiya ŋiboro a egolid, a esilipa, a eburonis, a ŋasuwa, a ŋamoru ka a ŋakito. Eyeni akitiya ŋiboro a ŋiraŋgi a lu: A ŋolo kipurat-areŋan, a ŋolo pus ka a ŋausi a ŋuna areŋak puu ta ŋuna amilimilak. Eyeni sek iŋes nooi etic ŋolo ka akicieanakin ŋitorubei loboro, itiyauni ibore lopite ŋolo eyakar ŋinibore einakinio iŋes akitiyaun. Ebuni iŋes akitiya ka ŋituŋa a papa kon Daudi, ekapolon kaŋ.

2 Ŋakiro a ŋirwa 2:6

Nai, ŋae mono epedori adukokin Akuj Akai, anerae tari nakuj kidiama nooi etya neni etya, nyitemokino iŋes? Ŋae nai ayoŋ adukokini iŋes Akai, alemar akibois ŋina einanakinere iŋes ŋainanakineta?

2 Ŋakiro a ŋirwa 4:11

Kitiyau Uram-Abi ŋamoti ka ŋikitiyoi ta ŋabakulei. Aŋun, abu Uram-Abi kirikak etic daadaŋ ŋolo ka Akai ka Akuj ŋolo etiyae iŋes aŋuna ke erwosit Solomon. Abu kitiyau ŋiboro lu:

2 Ŋakiro a ŋirwa 4:16

ŋamoti, ŋikitiyoi, ŋaumae ka ŋiboro ŋuluce daadaŋ, ŋulu etiyaere alo Kai ka Akuj. Ŋiboro daadaŋ ŋulu abu Uram-Abi kitiyau aŋuna a erwosit Solomon aŋuna ka Akai ke Ekapolon, arae ŋulu etiyaunitae a eburonis a ŋolo epwasitae.

Awos. 28:3

Kisirwor ŋituŋa daadaŋ ŋulu epedorete akiirar ŋakiro, ŋulu adau ayoŋ ainakin aosou, tolimok ikes atemar kitiyaut ŋilowi ka Aron ŋulu ituruworere iŋes esacaradoti kaŋ.

Awos. 35:30

Tema nai Moses neni a Ŋisirael, “Kiirasi, adau Ekapolon aseun Besalel lokoku a Uri, lopapaait a Ur a ŋolo alokabila a Yuda.

Awos. 35:31

Adau Ekapolon akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore,

Awos. 35:35

Elelebik neni kec apiiryanut ŋinakitiyaet ŋiticisyo daadaŋ ŋulu egelegelya, ikwapei akiciere ŋiboro, akiram ŋitorubei, akisibus ŋinapito a ŋiraŋgi a lu: A ŋolopus, a ŋolo kipurat-areŋan areŋan ka ŋolo areŋan ta ŋolo amilimilan. Ainaki ikes apiiryanut ŋina edonyioto ŋilowi, ido aruwor ikes daadaŋ ŋulu eyenete nooi akiciere ŋiboro ka akiram ŋitorubei.”

Awos. 36:1

Apotu Besalel ka Oliab ta daadaŋ ŋulu abu Ekapolon inak apiiryanut ka aosou ŋina enunet epite ŋolokitiyaet ŋiticisyo daadaŋ ŋulu edukunere akibois ŋina Asegan, kitiyata daadaŋ ŋuna ecikit Ekapolon ikes akitiya.

Awos. 36:8

Apotu ŋipiiryanotin daadaŋ alotooma ŋikadukok todukut Eema ŋolo iryamununoi kiwuakis ŋanaŋgae ŋatomon; etiyaunitae ŋanaŋgae ŋun erae ŋuna amilimilak ŋuna ajokak, ŋunapusiyek ka ŋunakipura-areŋak ta ŋuna areŋak, ido eciekinit ituŋanan ŋini eyeni akiciere Ŋisubuna nen.

Isa. 28:26

Itiyaete ikes ŋun, anerae itatamitae ikes ejok; itatami Akuj kec ikes.