1 Ŋirw. 6:32 - Ebaibul

³² Kicienak Solomon Ŋicerubim, ŋiŋolya ka ŋatur ŋuna aŋaara lopuke ŋol ŋolo atyakak ŋaarei, ŋolo etiyaunitae a ŋakito a olipa. Toburusik lotorubei a Ŋikerubim, ŋiŋolya ka ŋatur.

1 Ŋirw. 6:32 Iomraidhean Croise

1 Ŋirw. 6:18

Ecietae ŋakito ŋuna a Cedar ŋuna aya tooma Akai esibit ŋitwol ka ŋatur ŋuna eŋaara; arae ibore daadaŋ a nen ŋakito a Cedar bon pa atakanete ŋamoru.

1 Ŋirw. 6:23

Kitiyau Solomon anakito a Olipa ŋitorubei a Ŋikerubim, kitowo ikes alotooma akibois ŋina asegan nooi. Arae aoyau a ŋolotorube a Ŋikerubim a ŋul ŋimitae ŋiomwon ka atutubet.

1 Ŋirw. 6:29

Kicienak Solomon narwatata ka Akai a ŋin daadaŋ nagulei alotooma ka alokiŋa ŋitorubei. Kicienak iŋes nen Ŋikerubim ŋulu a ŋakito a ŋiŋolya ka ŋulu a ŋatur a ŋuna eŋaara.

1 Ŋirw. 6:31

Kitiyau Solomon anakito a Olipa agolyet a epuke ŋina atyakak ŋaarei, kiwuak nakito a epuke a ŋolo ka akibois a ŋina asegan nooi. Kiwuak kidiama epuke ŋol ŋakito ŋunadapal ŋuna alukum kidiama eepuke.

1 Ŋirw. 6:33

Kitiyau Solomon anakito a Olipa ŋakito ŋaomwon ŋuna ke epuke, kiwuak lopuke ŋolo apolon a agule a ŋina asegan.

2 Ŋakiro a ŋirwa 4:22

ŋasuwa ŋuna kituduŋeet ŋitaae, ŋabesenio, ŋakijikoi ŋuna apolok ka ŋisipiryae ŋulu elemere ŋatotol ŋuna enokete. Etiyaunitae ŋul daadaŋ a egolid bon a ŋolo ajokan. Aburusikinitae egolid lokekia ŋulu alokiŋa Akai ka Akuj ka ŋulu a Akibois a ŋina Asegan nooi a ŋina ayai tooma Akai ka Akuj.

Esek. 40:16

Ayakasi narwatatain ŋuna alokiŋa ŋidirisae ŋulucicik a ŋinagule ka ayakasi daŋ narwatatain ŋuna atyakito ŋagulei. Ecianakinitae narwatatain ŋuna alotooma epuke ŋitorubei ŋulu a ŋikito a ŋiŋolya.

Esek. 41:18

arae ŋitorubei a ŋiŋolya ka ŋulu a ŋisubuna a ŋulu a ŋabebenuk a ŋulu ecietae ikes emuleleiyaritere nen. Eyopoyopotoe ŋitorubei ŋul iwuanakinitae nen daadaŋ; ŋolo ke ekiŋol, min ŋolo a esubuna a ŋolo a ŋabebenuk. Ayakar ŋolotorube a esubuna a ŋolo a ŋabebenuk ŋireetin ŋiarei.