1 Ŋirw. 6:29 - Ebaibul

²⁹ Kicienak Solomon narwatata ka Akai a ŋin daadaŋ nagulei alotooma ka alokiŋa ŋitorubei. Kicienak iŋes nen Ŋikerubim ŋulu a ŋakito a ŋiŋolya ka ŋulu a ŋatur a ŋuna eŋaara.

1 Ŋirw. 6:29 Iomraidhean Croise

1 Ŋirw. 6:18

Ecietae ŋakito ŋuna a Cedar ŋuna aya tooma Akai esibit ŋitwol ka ŋatur ŋuna eŋaara; arae ibore daadaŋ a nen ŋakito a Cedar bon pa atakanete ŋamoru.

1 Ŋirw. 6:28

Aburusikinit daŋ Solomon ŋitorubei ŋul egolid.

1 Ŋirw. 6:30

Toburusik daŋ iŋes egolid kwap ŋagulei ŋuna alotooma ka ŋuna alokiŋa Akai ŋin

1 Ŋirw. 6:32

Kicienak Solomon Ŋicerubim, ŋiŋolya ka ŋatur ŋuna aŋaara lopuke ŋol ŋolo atyakak ŋaarei, ŋolo etiyaunitae a ŋakito a olipa. Toburusik lotorubei a Ŋikerubim, ŋiŋolya ka ŋatur.

2 Ŋakiro a ŋirwa 3:14

Kitiyau Solomon anaŋga ŋina aya ŋiraŋgi lu: Ŋolopus, ŋolo kipurat-areŋan ka ŋausi ŋuna areŋak puu ta ŋuna amilimilak, kiwuanak ŋitorubei a ŋisubuna a ŋulu a ŋabebenuk nanaŋga ŋin.

2 Ŋakiro a ŋirwa 3:7

Kidelesik Solomon egolid nakito ŋuna arapito Akai alokidiama, lobarasanin, narwatatain ka lopukei ŋulu ka Akai ka Akuj, kicieanak ŋitorubei a ŋisubuna a ŋulu a ŋabebenuk narwatatain.

Ŋikiru. 103:20

Kipuro Ekapolon, iyes ŋimalaikan keŋ, iyes ŋikajiok ŋulu etirok, ŋulu iwuapito ŋakiciketa keŋ, iyes ŋulu iwuapito ŋakiro keŋ.

Ŋikiru. 148:2

Kipuro iŋes iyes ŋimalaikan daadaŋ, kipuro iŋes iyes ŋajorei ŋuna anakuj daadaŋ.

Ŋikiru. 74:6

Atubutuboosi ikes ŋiboro ŋulu icetae anakito ŋulu eya nakibois ŋin, isitiyaete ikes ŋaepe ka ŋinyoodoi.

Awos. 26:1

“Emaikina iyoŋ kitiyau Eema ŋolo iryamununoi a ŋanaŋgae a ŋatomon a ŋuna itiyatae ejok, a ŋuna amilimilak, a ŋunapusiyek, a ŋuna kipura-areŋak ka a ŋuna areŋak. Inak ituŋanan ŋini eyeni akiciere, kiciek Ŋisubuna loeema ŋol.

Awos. 36:8

Apotu ŋipiiryanotin daadaŋ alotooma ŋikadukok todukut Eema ŋolo iryamununoi kiwuakis ŋanaŋgae ŋatomon; etiyaunitae ŋanaŋgae ŋun erae ŋuna amilimilak ŋuna ajokak, ŋunapusiyek ka ŋunakipura-areŋak ta ŋuna areŋak, ido eciekinit ituŋanan ŋini eyeni akiciere Ŋisubuna nen.

Esek. 40:16

Ayakasi narwatatain ŋuna alokiŋa ŋidirisae ŋulucicik a ŋinagule ka ayakasi daŋ narwatatain ŋuna atyakito ŋagulei. Ecianakinitae narwatatain ŋuna alotooma epuke ŋitorubei ŋulu a ŋikito a ŋiŋolya.

Esek. 41:18

arae ŋitorubei a ŋiŋolya ka ŋulu a ŋisubuna a ŋulu a ŋabebenuk a ŋulu ecietae ikes emuleleiyaritere nen. Eyopoyopotoe ŋitorubei ŋul iwuanakinitae nen daadaŋ; ŋolo ke ekiŋol, min ŋolo a esubuna a ŋolo a ŋabebenuk. Ayakar ŋolotorube a esubuna a ŋolo a ŋabebenuk ŋireetin ŋiarei.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

Akis. 7:9

Ani kelunyar ŋun, abu oanyuwa asepic a ŋituŋa a ŋulu pa apedori idiotuŋanan akimarun. Arae ikes ŋulu a ŋibukui, a ŋikabilae, a ŋakwapin ka a ŋaŋajepa a daadaŋ. Apotu ikes towua alokiŋaren ekicoloŋ ŋolo a Imesek; tonapito ŋilowi ŋulu akwaŋak ka toyakatar ŋaten ŋuna a ŋaŋolya nakan kec.