1 Ŋirw. 4:33 - Ebaibul

³³ Abu iŋes tolimununu ŋirorwa a ŋikito akisyakin aneni a ŋolo enyaritae Cedar a ŋolo ayai Lebanon tari neni a ŋolo anyaritae Isop a ŋolo elemununio anarwatatain. Alimununui Solomon ŋirorwa a ŋityaŋ, ŋulu a ŋikieny, ŋulu a ŋiboorei a ŋulu elyato ka ŋulu a ŋikolya.

1 Ŋirw. 4:33 Iomraidhean Croise

1 Ŋirw. 4:32

Abu Solomon kirwor ŋakitadapeta ŋalipyo ŋauni ka totamu ŋieosyo aliput ka ŋikan.

1 Ŋirw. 4:34

Aponeneete ŋituŋa ŋice anakwapin a daadaŋ akiirar ŋuna ka aosou a Solomon, arae ŋul ŋulu eyakuunito ŋirwosi kec ŋulu keris kiirasi ŋakiro a aosou a Solomon anakwapin a daadaŋ anakwap.

2 Ŋirw. 19:23

Ibu iyoŋ kiyaku ŋituŋa akituro alokiŋaren Ekapolon. Ibala iyoŋ, ‘Aŋuna ayakar ŋagaari ŋuna alalak adau akidok ŋimoru ŋulu aoyak ŋulu a Lebanon. Ibala iyoŋ adau ayoŋ akiyep ŋikito a Cedar ŋulu aoyak, ka ŋikito a Sipres ŋulu ajokak nooi. Ibala ebe adau alomar nooi namon a Lebanon, adol tari lokito ŋulu ka amoni a ŋin ŋulu ajokak nooi.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Awos. 12:22

Tolemut ateni a ekitoe a ŋolo enyaritae Isop, kilumokis naokot ŋuna eya nabesen, ido kiosakis ŋaokot ŋun nakito ŋuna a ŋipukei. Mam iyes Ŋisirael ŋini emaikina tolomu alokai nakwaare tari ŋina iwalarya akwap;

Eete a Ŋie. 4:8

Bua orukosi ka ayoŋ alo Lebanon ateran kaŋ, bua orukosi ka ayoŋ alo Lebanon. Totiyaun alomoru Amana, totiyaun anaitae a emoru Senir ka Erimon, aneni iboiyoto ŋiŋatunyo ka alomoru a ŋulu eya ŋirisae.

Eete a Ŋie. 5:15

Ikote ŋakejen keŋ ŋipirin ŋulu itiyaunitae anamoru a ŋina enyaritae Alabasta, ŋulu esipokinitae nawoeta ŋuna itiyaunitae a egolid, ibus iŋes nooi ikwaan ka Lebanon, akwap ŋina eya ŋikito a Cedar ŋulu aoyak.

Ŋilep. 14:51

Tolemu nai akitoe a cedar, isop ka ausi ŋina kipurat-areŋan ta ikyeny ŋini idoŋit eyari ŋin, kilumok ŋul daadaŋ naokot a ikyenyit a ŋini aarakinio kidiama nakipi ŋuna keriŋa eokunio, ido towuat akai ŋawuatakinet ŋakanikaarei.

Ekim. 19:18

tolemu ituŋanan ŋini nyitoroniyaritae ekitoe ŋolo enyaritae Isop, kilumok nakipi, ido towuatak ŋakipi loeema ka loboro daadaŋ ŋulu eya tooma eema ka neni a ituŋanan a daadaŋ a ŋini ayai loeema ka a ŋini atapit akoit a ituŋanan, kori a ŋini atapit ituŋanan ŋini kearyo, kori akuwan a ituŋanan a ŋini etwanit, kori alyal.

Ekim. 24:6

Ikwaan ŋakiboisyo kus ka ŋakadipaalae ŋuna elolom nooi, ikwaan ka ŋimanikorin ŋulu eya diyete aŋolol, ikwaan ka ŋicucuka ŋulu edupit Ekapolon, ikwaan ka ŋikito a Cedar ŋulu eyakasi diyete ŋakipi.

Ŋibur. 9:19

Aŋun, abu Moses tolimok ŋituŋa ŋakiro daadaŋ ŋuna aponi kicikakinae iŋes lopite ŋolo egiritere Lokisila. Tolemu nai ŋaokot a ŋitak a ŋulu moŋin ka ŋuna a ŋamee kimorik ka ŋakipi. Ani irikakin, tolemu ateni ŋina aya ŋakwii alokitoe a ŋolo anyaritae Isop ka ŋajul ŋuna areŋak ŋuna a ŋamesekin, ido towuasya ekitaabo ŋolo a Ŋikisila ka ŋituŋa daadaŋ.