1 Ŋirw. 4:30 - Ebaibul

³⁰ Eloit nooi aosou a Solomon ŋina a ŋikilyok a daadaŋ a ŋulu aya kide akwap ka ŋina a daadaŋ a ŋulu aya Ijipit.

1 Ŋirw. 4:30 Iomraidhean Croise

Akisy. 25:6

Ani eriŋa Aburaam eyari, inak ŋidwe a ŋaberu keŋ a ŋuna pa eitit ŋainakineta, ido kirita ikes aneni a Isaka alokoku keŋ. Toloto ŋul lowae ŋolo alo Kide, nakwap ŋina ayai Kide.

Akisy. 29:1

Torotok Yakob a nen, tolot kiŋaren, todol nakwap a ŋituŋa a ŋulu eboiyete alowae a ŋolo alo Kide.

1 Ŋirw. 10:23

Aŋun, abarit ka aos erwosit Solomon nooi akilo ŋirwosi ŋuluce daadaŋ anakwap.

Yob 1:3

Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Ekal. 1:16

Abu ayoŋ otam bon otema, “Adau ayoŋ aryamun aosou ŋina apolon nooi, ŋina iloit nooi ŋina a daadaŋ a ŋulu sek ekiŋaren epukato Yerusalem eriŋa ayoŋ nyipuka. Adau ayoŋ aryamun aosou ŋina alalan nooi ka ayenut.”

Esek. 25:4

alosi ayoŋ tokona akipotokin iyes lotuŋa ŋulu alowae a ŋolo alo Kide, toruworos iyes ŋulu a ŋituŋa a ŋul. Isiboikinete ikes ŋajorei kec kidiŋ kus, igurokinete ŋiemae kec kidiŋ kus, enyamete ŋaraito kus ka emasete ŋakile kus.

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Mat. 2:1

Kedaun akidoun Yesu alo Betelem anakwap a ŋina a Yudaya, ŋirwa ŋulu araakar Erode erwosit, potu ŋikaosok ŋice alo Kide tari Yerusalem,

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Ŋitic. 7:22

Kitatamae Moses ŋakiro daadaŋ ŋuna ka aosou a ŋina ka akwap a Ijipit, togogoŋior iŋes alorwor ka aloticisyo keŋ.

Ŋikat. 6:33

Apotu nai Ŋimidian daadaŋ ka Ŋiamaleki ta ŋituŋa ŋulu alo Kide, tocunakinos todoka aŋolol Yorodan toloma nakadipaalat ŋina Yesireel.