1 Ŋirw. 3:7 - Ebaibul

⁷ Tokona nai Ekapolon Akuj kaŋ idau iyoŋ akituruwor ayoŋ eketiyan kon erwosit, elunyokin lorot a Daudi a papa kaŋ tari keriŋa ayoŋ arae ikoku ŋinidiocici. Nyayeni ayoŋ epite ŋolo apedorya akitiya.

1 Ŋirw. 3:7 Iomraidhean Croise

2 Sam. 5:2

Ani paaran eriŋa Saul ikipukat isua, iyoŋ ibu torik ŋajorei a Isirael, ido mam ituŋanan ibu iyoŋ tocaka. Abu Ekapolon tema neni kon, ‘Iyoŋ iruwor ekeyokon a ŋituŋa kaŋ a Ŋisirael, iyoŋ iruwor ekepukan kec.’ ”

1 Ŋakiro a ŋirwa 22:5

Tema Daudi, “Edit Solomon lokoku kaŋ, emam ŋuna eyeni iŋes akitiya nooi, ido Akai ŋina emaikina todukoe aŋuna ke Ekapolon, emaikina erae ŋina ailiilon nooi, ŋina eyenen, ŋina itopolooritae anakwapin a daadaŋ; aŋun, emaikina ayoŋ etemonokin aŋuna keŋ.” Aŋun, abu Daudi kitemonok ŋiboro ŋulu alalak nooi ŋulu edukere Akai ŋin eriŋa apaki ŋina etwania iŋes.

1 Ŋakiro a ŋirwa 22:9

Kiira, iuruuni iyoŋ ikoku ŋinisapat, eruwor iŋes ekile ŋolo emina ekisil. Ainakini ayoŋ iŋes kisila ka ŋimoe keŋ daadaŋ alowaetin ka akwap keŋ a daadaŋ; enyarao ekiro keŋ Solomon, ainakini ayoŋ iŋes ekisil ka akinapakina alo Isirael ŋirwa ŋulu ipukator iŋes.

1 Ŋakiro a ŋirwa 29:1

Tema nai erwosit Daudi neni a ŋituŋa a ŋulu atukokina daadaŋ, “Lokoku kaŋ lo Solomon ŋolo erae iŋes aseu Akuj, eriŋa iŋes edit, ido emam ŋuna alalak ŋuna eyeni. Epol etic nooi, anerae Akai ŋina ti apolon na, meere ŋina a ŋituŋa, nai erae ŋina ke Ekapolon Akuj.

Ŋikiru. 121:8

Ikidari Ekapolon iyoŋ apaki daadaŋ ŋina ilomarya kiŋa, kori ilomunia tooma; ameun tokona ka ŋikaru ka ŋikaru.

Ŋakit. 18:12

Ani eriŋa ituŋanan nyemunaara, ileleba akituro lotau keŋ, nai akitiditeuna mono emaikina eyakar ituŋanan eriŋa nyitopolooro.

Ekal. 10:16

Ekaŋ iyes ŋituŋa ŋulu erae erwosit kus esorokit ka ŋulu erae ŋikarikok kus ŋulu isyanakinete akitiya ŋasuban eriŋa ataparacu!

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 1:7

Nai abu Ekapolon okolimok ayoŋ tema, “Nyitema, ‘Eriŋa ayoŋ arae idya;’ anerae ilosi iyoŋ neni a daadaŋ a ŋulu ekeyakiyari ayoŋ iyoŋ, ido ibuni iyoŋ akirwor ŋakiro daadaŋ ŋuna akalimokini ayoŋ iyoŋ.

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Dan. 5:21

Aponi kiritarae iŋes alotuŋa a ŋuluce, aponi kisikwaanikinae ŋatameta keŋ ka ŋuna a etyaŋ. Abu iŋes kiboi aneni iboiyoto ŋityaŋ ŋulu ka ariet ŋulu ikwaan ka ŋisigirya, ido enyami ŋinya ikwa ŋaatuk, aponi akuwan keŋ kitopalalae a ŋakopi a ŋuna alokidiama, akitodol ŋina ayenunia iŋes atemar Akuj ŋina alokidiama iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Ekim. 27:17

ŋini iŋarenikini ikes elosete lojie, ido toboŋunio, ŋini iŋarenikini ikes aloticisyo kec a daadaŋ ikotere ŋituŋa a Ekapolon nyikwaanikin ka ŋamesekin ŋuna emam ekeyokon.”

Yoa. 10:9

Arae Ayoŋ epuke; ituŋanan ŋini elomuni kitoru neni kaŋ, eiun iŋes; elomuni iŋes tooma ka elomari kiŋa, toryamu akimuj.

Ŋikis. 31:2

tolimok ikes tema, “Erae tokona ŋikaru kaŋ amiat ka ŋatomoniarei, nyeriŋa apedorit arikit iyes ka akalimoki ayoŋ Ekapolon ebe, ‘Nyidokari iyoŋ ekekwaye Yorodan,’

1 Sam. 18:16

Nai apotu ŋituŋa a Isirael daadaŋ ka ŋituŋa a Yudaya tominakis Daudi, anerae arae Daudi abu torikono ikes lojiesyo, ido kinyaku ikes erikit emam ŋace.