1 Ŋirw. 3:3 - Ebaibul

³ Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

1 Ŋirw. 3:3 Iomraidhean Croise

1 Ŋirw. 11:34

Kikote neni daŋ, nyalemari ayoŋ apukan daadaŋ anakan keŋ, nai emyekini ayoŋ iŋes kipuka ŋirwa daadaŋ ŋulu eyarya iŋes. Itiyakin ŋun ŋuna a eketiyan kaŋ a Daudi a ŋolo abu ayoŋ oseu, ido abu kiwuap ŋakiciketa kaŋ ka ŋuna atubunit ayoŋ.

1 Ŋirw. 11:38

Ani kiira iyoŋ daadaŋ ŋuna iyookino alokiŋaren kaŋ iwuapit ŋikisilakaŋ, ka ŋakiciciketa kaŋ, lopite ŋolo etiyaa Daudi eketiyan kaŋ, ikiruki iyoŋ ka ayoŋ, ido eturubakini ŋiletok kon erae ŋikepukak ekaku kon lopite ŋolo abunio eturubakinia ŋulu a Daudi. Akainakini ayoŋ iyoŋ ŋikabilae ŋulu alo Kuju Isirael.

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

1 Ŋirw. 11:6

Aŋun, abu Solomon kitiya ŋuna aronok alokiŋaren Ekapolon, abu nyiwuap Ekapolon anakiyookino, lopite ŋolo kebunio Daudi papa keŋ kiwuapya.

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

1 Ŋirw. 14:8

ido abu eela apukan aneni a ŋituŋa a Daudi aŋuna ka ainakin neni kon, nai nyikwaanikina iyoŋ ka Daudi eketiyan kaŋ, ŋolo abu kiwuap ŋuna abu ayoŋ ecik iŋes, abu iŋes ekewuap ayoŋ a etau keŋ a daadaŋ, itiyae ŋuna iyookino bon alokiŋaren kaŋ.

1 Ŋirw. 15:11

Abu Asa kitiya ŋuna eyookino alokiŋaren Ekapolon, lopite ŋolo abunio Daudi papaa keŋ kitiyaa.

1 Ŋirw. 15:14

Nai pa abu iŋes tolema ŋaduketa ŋuna aya nenimukur. Tari pa kelemarit ŋun, eyookino etau ka Asa aneni ke Ekapolon ŋirwa daadaŋ ŋulu ka akiyar keŋ.

1 Ŋirw. 15:3

Abu Abiyam kitiya aronis daadaŋ ŋina sek etiyato papa keŋ pa eyookino etau keŋ aneni ke Ekapolon ka Akuj keŋ, pa ekoni etau keŋ ŋolo a Daudi a papaa keŋ.

1 Ŋirw. 15:5

Arae ŋun aŋuna abunio Daudi toruwor ŋolo eyookino alokiŋaren Ekapolon, ido nyimyekina iŋes akiwuap adio a ŋakiciketa ke Ekapolon ŋirwa daadaŋ ŋulu ka akiyar keŋ, mati ŋuna ka atwanare a Uria bon a ŋolo arae Eitait.

1 Ŋirw. 22:43

Abu iŋes kiwuap ŋuna etiyae papa keŋ Asa; pa abu iŋes kimyek akiwuapit akitiya ŋuna iyookino alokiŋaren Ekapolon. Nai pa abu iŋes tolema ŋakiboisyo ŋunakilipet ŋakujo, ŋakiboisyo ŋuna adukitoe neni amukur, ido arubakinito ŋituŋa emuroete a nen ka eayeneneete ekinyate akicunyakin anakiboisyo a ŋunamukur a ŋun.

1 Ŋirw. 22:44

Abu Yeosapat torubak isilito ka erwosit ŋolo a Isirael.

1 Ŋirw. 3:14

Ani kiwuap ŋakiro kaŋ, kiwuap ŋikisila kaŋ ka ŋakiciketa kaŋ, lopite ŋolo ewuapitor Daudi papa kon, akainakini nai ayoŋ iyoŋ akiyar ŋina aoyan.”

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

1 Ŋirw. 8:25

Aŋun nai, okoe Ekapolon Akuj a Ŋisirael, kisiyook aŋuna a eketiyan kon a Daudi a papa kaŋ ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

1 Ŋirw. 8:61

Aŋun, inakinos nooi neni ke Ekapolon Akuj yok, kiwuapa ŋikisila keŋ ka kirica ŋakiciketa keŋ, lopite ŋolo iwuapyata nakoloŋit na.”

1 Ŋirw. 9:4

Nai iyoŋ Solomon ani kiwuap ŋakiro kaŋ lopite ŋolo ewuapitor papa kon Daudi a epeitau ka anakiyookino, ido kitiya ŋuna daadaŋ adau ayoŋ akicik iyoŋ, kiwuap ŋikisila kaŋ ka ŋuna atubunit ayoŋ,

2 Ŋirw. 12:3

Tari kikote nen daŋ, aponi nyelemar neni elipeneneere ŋakujo; apotu ŋituŋa torubakis emuroete ka einanakinete ŋainakineta a nen.

2 Ŋirw. 12:4

Kirworik Yoas neni a ŋisacaradotin tema, “Kidyatakisi ŋisiliŋa daadaŋ ŋulu eyaununuyo Kai ka Akuj apaki ŋina emurore. Acunio ŋisiliŋa ŋul apaki ŋina imarere ŋituŋa, apaki ŋina ikoŋeneneere ka ŋulu eauni ituŋanan Kai ka Akuj anacamit keŋ.

2 Ŋirw. 14:3

Etiyae iŋes ŋakiro ŋuna ajokak aneni ke Ekapolon nai pa eloit iŋes Daudi ŋolo arae papaa keŋ. Etiyae iŋes ŋakiro daadaŋ lopite ŋolo sek etiyaa Yeoas ŋolo arae papa keŋ.

2 Ŋirw. 14:4

Nai pa aponi toukonoroe neni elipeneneere ŋakujo, aŋun, torubakis ŋituŋa emuroete ka einanakinete ŋainakineta nakujo.

2 Ŋirw. 15:35

Tari kikote nen daŋ, aponi nyeukonor neni elipeneneere ŋakujo. Apotu ŋituŋa torubakis emuroete ka einanakinete ŋainakineta neni a ŋakujo a nen. Arae Yosam iŋes adukokini ekek ŋolo ekyara ŋolo ka Akai ka Akuj.

2 Ŋirw. 15:4

Tari kikote nen daŋ, aponi nyeukonor neni elipeneneere neni a ŋakujo. Torubakis ŋituŋa emuroete ka einanakinete a nen ŋainakineta neni a ŋakujo.

2 Ŋirw. 18:22

Ani nabo kitemasi iyes ayoŋ imecakinito iyes neni ke Ekapolon Akuj kus, meere mono ŋakiboisyo ŋuna eya nenimukur ka ŋamuroeta keŋ abu Esekia tobwaŋabwaŋa a? Pa abu iŋes kicikak ŋituŋa a Yudaya ka Yerusalem akilipenen a Namuroet a ŋina eyai Yerusalem a?

2 Ŋirw. 18:4

Abu iŋes tobwaŋabwaŋaiya neni elipeneneere ŋakujo ka ŋipirin. Touko daŋ epir ŋolo etaletoi. Tari emun ŋolo etiyaunitae a eburonis ŋolo koloŋ ewuakini Moses nen, abu iŋes tobilibili, anerae ariŋa Ŋisirael emuroete neni ke emun a ŋol akitodol apaki ŋin. Anyaritae ekiro ke emun aŋol Neusutan.

2 Ŋakiro a ŋirwa 15:17

Nai abu Asa nyelema ŋaduketa alo Isirael ŋuna aya neni amukur ŋuna elipere ŋakujo. Kikote neni daŋ, ekinyomit Asa alotau keŋ Ekapolon alorwa a daadaŋ a ŋulu ka akiyar keŋ.

Ŋikiru. 145:20

Iyokit Ekapolon daadaŋ ŋulu eminasi iŋes, nai emunyari Ekapolon ŋulu aronok daadaŋ.

Ŋikiru. 31:23

Tominakisi Ekapolon, iyes daadaŋ ŋulu inupito neni ka Akuj. Iuryarit Ekapolon ŋulu ikinyomito iŋes, nai isicaneneene ŋiketurok alopite a ŋolo emaikina kisicanere ikes.

Ŋilep. 17:5

Erae ŋun ikotere Ŋisirael eyaunete neni ke Ekapolon ŋamuronisya kec ŋuna earete ikes anariet. Emaikina ikes yaut neni ke esacaradoti lopuke ke eema a ŋolo ilipere, inakis Ekapolon erae ŋainakineta ŋuna ke ekisil.

Mat. 22:37

Toboŋok Yesu iŋes tema, “Tomina Ekapolon Akuj kon ka ekonitau a daadaŋ, ka akonikiyar a daadaŋ ta a ŋakonitameta a daadaŋ.

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

1 Ŋikor. 8:3

Nai ituŋanan ŋini emina Akuj, eyeni Akuj iŋes.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 10:13

ka akiwuap ŋakiciketa ŋuna ke Ekapolon Akuj kus ka ŋakiro ŋuna etubunit iŋes, ŋuna akalimok ayoŋ iyes nakoloŋit na aŋuna ka alakara kus a ŋikulepek.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 30:16

Ani kiwuapa iyes ŋakiciketa a Ekapolon Akuj kus, ŋuna ekecik ayoŋ iyes nakoloŋit na anamina Ekapolon Akuj kus, iwuapito ŋakiro keŋ ka iricito ŋakiciketa keŋ, ŋikisila keŋ ka ŋakiro keŋ ŋuna etubunit iŋes, iyarete nai iyes ka ipitunete, ido ikiterereŋi iyes Ekapolon Akuj kus anakwap a ŋina eapi iyes alomar akituruwor ŋina kus.

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Sam. 9:12

Toboŋokis ŋapesur temasi, “Eyai, eŋolopei alokiŋaren kus ŋol. Kiwonyakisi! Adolun iŋes lotaun kosi napei na, anerae earito ŋituŋa amuronot nakoloŋit na anakibois a ŋinamukur.