1 Ŋirw. 3:28 - Ebaibul

²⁸ Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

1 Ŋirw. 3:28 Iomraidhean Croise

1 Ŋirw. 10:9

Akipuro toyai neni ke Ekapolon Akuj kon, ŋina alakari a ŋuna kon, ido ikiinak iyoŋ akiboikin lokicoloŋ ikwapei erwosit a ŋituŋa a Isirael. Aŋuna ka amina ka Akuj Ŋisirael ŋikaru ka ŋikaru, ikituruwo iŋes iyoŋ erwosit, ikotere itubi ŋakiro anakiyookino ka kitiyae ŋuna iyookino.”

1 Ŋirw. 3:27

Toboŋok nai erwosit tema, “Inakisi aberu ŋina ageuni akirworikin isapat eyari; nyiar iŋes, erae ŋin toto keŋ.”

1 Ŋirw. 4:1

Erwosit Solomon iŋes apolokinit akwap a Isirael daadaŋ,

1 Ŋakiro a ŋirwa 29:24

Apotu ŋikarikok daadaŋ ka ŋikajiok ŋulu etirok kaapei ka ŋidwe a Daudi ŋulusapa daadaŋ kiikis akitopoloorit Solomon ikwapei erwosit.

Esir 7:25

“Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Ŋikiru. 72:2

Elipit totubonok iŋes ŋituŋa kon anakiyookino, ido kipuka ŋulu a ŋican anakiyookino.

Ŋikiru. 72:4

Elipi toik erwosit ŋulu a ŋican alotuŋa, inak akiŋarakinet neni a ŋulu iitanito akiŋarakino, ka tomunya ŋulu etiŋito ŋulu a ŋican erono.

Awos. 14:31

Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Ŋakit. 16:10

Irworo erwosit ŋakiro ŋuna elimokinit Ekapolon iŋes kirwor, ido nyemaikina ŋakiro ŋuna irworo iŋes kitoroniyasi akiyookino.

Ŋakit. 24:21

Ikaakoku, kitopoloorite Ekapolon ka erwosit, nyicamu akimorikin ka ŋituŋa ŋulu eŋerito Ekapolon, kori erwosit;

Ŋakit. 25:2

Erae akililiŋiyanar ŋakiro akitopoloorit Akuj, nai erae akirworo a ŋirwosi ŋakiro ŋina itopolooritere ikes.

Ŋakit. 8:15

Erae aŋuna kaŋ ipukatotor ŋirwosi, erae aŋuna kaŋ etubioto ŋikepukak ŋakiro anakiyookino.

Ekal. 7:19

Einakini aosou agogoŋu neni a ŋini eos, ido iloi ŋin tari ŋikepukak ŋitomon ŋulu eya lotaun.

Isa. 28:6

einakini etau ŋolotubet ŋakiro anakiyookino neni a ŋini etubi ŋakiro ka agogoŋu neni a ŋulu ebwaŋete ŋimoe alopuke apaki ŋina ke ejie.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

1 Ŋikor. 1:24

Nai neni a ŋulu adau Akuj anyarare, kerae Ŋiyudayan kori Ŋigirik, erae Kristo apedor ka aosou ŋina ka Akuj.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

Ŋikol. 2:2

Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

Ŋikol. 2:3

Neni a Kristo iwuaitere ebari daadaŋ ŋolo ka aosou ka ŋolo ka ayenut.

Yos. 4:14

Akoloŋit ŋin, abu Ekapolon Akuj kituruwo Yosua ekarwon alokiŋaren Ŋisirael daadaŋ, tokera ikes iŋes ŋirwa daadaŋ ŋulu ayarya Yosua, tokera lopite ŋolopei sek kekeritotor Moses.

1 Sam. 12:18

Aŋun, abu Samuel tonyara Ekapolon, ido abu Ekapolon yau agiro ka akiru akoloŋit ŋin; kitopoloosi nooi ŋituŋa daadaŋ Ekapolon ka Samuel.