1 Ŋirw. 3:12 - Ebaibul

¹² akainakini ayoŋ iyoŋ ŋuna iŋita. Akainakini ayoŋ iyoŋ ŋatameta ŋuna ka aosou ŋuna eyenete ŋuna ajokak ka ŋuna aronok; mam ituŋanan ice ŋini ekoni iyoŋ kori mam ice ŋini ikoni iyoŋ ŋini eyakaun ekaku kon.

1 Ŋirw. 3:12 Iomraidhean Croise

1 Ŋirw. 2:6

Nai tokona, kitiya neni keŋ lopite ŋolo iyenia iyoŋ, nai nyimyek Yoab tonukae a ekisil.

1 Ŋirw. 2:9

Aŋun, nyimyek iŋes esibit nyesecit, Irae iyoŋ ekile ŋolo ios, iyenuni iyoŋ ŋuna kitiyakina neni keŋ. Emaikina iŋes tonukae iredito ŋoakot akou keŋ ŋina aŋakorwo nin.”

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

1 Ŋirw. 5:12

Abu Ekapolon inak Solomon aosou lopite ŋolo eikinitor. Toyakaun ekisil kidiŋ Kiram ka Solomon; tocamunos ŋuluarei akiboi a ekisil.

1 Ŋirw. 5:9

Iwokunete ŋiketiyak kaŋ ŋakito ŋun alo Lebanon tari nanam, ido iwokunete ŋakipi ŋakito ŋun ananam eeniyanara tari nakibois ŋina ikilimokini iyoŋ ayoŋ. Ani edolunete nen, tolacanakinae ŋaeneta ikotere epatana iyes akiwok. Eropit ŋolo acamit ayoŋ ikiinak iyoŋ ayoŋ iŋes akimuj ŋina a ekal kaŋ.”

1 Ŋakiro a ŋirwa 29:25

Abu Ekapolon kitopoloo Solomon nooi alokiŋaren Ŋisirael daadaŋ, inak iŋes apolou ŋina ailiilon, ŋina emam ekiŋaren erwosit alo Isirael ayakar.

2 Ŋakiro a ŋirwa 2:12

Tema daŋ Kiram, “Akipuro toyai neni ke Ekapolon Akuj a Isirael ŋina abu tosub nakuj ka akwap, ŋina adau ainakin erwosit Daudi ikoku ŋinisapat ŋini aoson, ŋini einakinitae aosou ka ayenut ŋuna ajokak ka ŋuna aronok, ŋini elosi akiduk Akai aŋuna a Ekapolon ka akai ŋina ka apukan aŋuna keŋ.

Neem. 13:26

Pa mono abu Solomon erwosit a Isirael tosec aŋuna a ŋaberu a ŋunagelae a? Anakwapin a ŋuna alalak, amam erwosit ŋolo ekwaan ka iŋes, ido amina Akuj keŋ iŋes, kituruwo Akuj iŋes erwosit, kipuka Ŋisirael daadaŋ, kikote neni daŋ, apotu ŋaberu ŋunagelae kiteseca iŋes daŋ.

Ŋikiru. 10:17

Okoe Ekapolon, iira iyoŋ akiitanit a ŋituŋa kon a ŋulu itiditeuna make. Isimukekini iyoŋ ŋitai kec, ipupokini iyoŋ ŋakiro kec.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Ekal. 1:16

Abu ayoŋ otam bon otema, “Adau ayoŋ aryamun aosou ŋina apolon nooi, ŋina iloit nooi ŋina a daadaŋ a ŋulu sek ekiŋaren epukato Yerusalem eriŋa ayoŋ nyipuka. Adau ayoŋ aryamun aosou ŋina alalan nooi ka ayenut.”

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Mat. 12:42

Akoloŋit ŋina ka atubokino, enyouni akepukan ŋina ka akwap a ŋina a Ceba atubokin iyes; anerae abu iŋes koloŋ tolot erot ŋolo aoyan nooi akiirar ŋakitatameta ŋuna ka aosou a Solomon a ŋolo arae erwosit. Nai eyai ne ŋolo epol akilo Solomon.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Ŋikis. 34:9

Kilelebun etau ŋolo ka aosou neni a Yosua a lokoku a Nun, anerae abu Moses kidokok ŋakan keŋ neni keŋ ka apotu Ŋisirael kiwuapa ŋakiro keŋ itiyaete lopite ŋolo ecikitor Ekapolon Moses.

Ŋikol. 2:3

Neni a Kristo iwuaitere ebari daadaŋ ŋolo ka aosou ka ŋolo ka ayenut.