1 Ŋirw. 22:8 - Ebaibul

⁸ Toboŋok erwosit a Isirael Yeosapat tema, “Eyai ekile epei ŋolo ikipedorya iwon akiŋitunia ŋuna ebala Ekapolon, erae ekiro keŋ Mikaia, lokoku a Imela. Nai nyacamit ayoŋ ekile ŋol, anerae nyedwarenene iŋes ŋakiro ŋuna eketalakarito ayoŋ, edwari ŋuna a ŋican bon.” Tema Yeosapat, “Nyemaikina erwosit irworo ŋakiro ŋuna ikote ŋun.”

1 Ŋirw. 22:8 Iomraidhean Croise

Akisy. 37:8

Kiŋita ŋikaitotoi keŋ iŋes temasi, “Ikipukae mono kire iyoŋ isua a?” Aŋun, toremokinos ikes Yosepu nooi akilo neni sek, aŋuna a ŋakirujaeta keŋ ka ŋakiro ŋuna erworo iŋes.

1 Ŋirw. 18:4

Apaki ŋina aarya Yesebel ŋikadwarak ŋulu ke Ekapolon, keris Obadia keya ŋikadwarak amiat kiwua anaturukanin a ŋaarei, ŋatomonikan a ŋinaturukan, inanari ikes ŋamugati ka ŋakipi a nen.)

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

1 Ŋirw. 19:14

Toboŋok Eliya tema, “Alelakinit ayoŋ nooi Ekapolon Akuj ŋina etiron, anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

1 Ŋirw. 22:13

Tema ekiyakia ŋolo eyakitae anyarare Mikaia neni a Mikaia ebe, “Kiira nu, ikwaan ŋakiro ŋuna erwor ŋikadwarak ŋuluce, erae ŋuna italakarito erwosit, kirwor iyoŋ daŋ ŋakiro ŋuna ikwaan ka ŋuna kec, ŋuna italakarito erwosit.”

1 Ŋirw. 22:18

Tema erwosit a Isirael neni a Yeosapat, “Pa mono akalimokinit ayoŋ iyoŋ atemar mam ŋakiro ŋuna ajokak ŋuna edwari iŋes aŋuna kaŋ mati ŋuna a ŋican bon a?”

1 Ŋirw. 22:27

Tolimok ikes atemar, ŋakiro ŋuna irworo erwosit ikes nu, ‘Kiwuakisi etuŋanan lo lojera, inanakis iŋes ŋamugati ŋuna ekudyoko kimuj ka ŋakipi ŋadikudyo, akitodol ŋina aboŋunio ayoŋ alojie emam ŋace.’ ”

1 Ŋirw. 22:7

Nai abu Yeosapat kiŋit erwosit a Isirael tema, “Mam mono ekadwaran a Ekapolon eyai ne ŋolo epedorere iwon akiŋitunia ŋakiro nu a?”

1 Ŋirw. 22:9

Tonyarau nai erwosit a Isirael epei a ŋikapolok a akwap keŋ tema, “Yau atipei Mikaia lokoku a Imela laalo.”

2 Ŋirw. 9:22

Ani iŋolikini Yoram Yeu, kiŋit tema, “Yeu ibunit iyoŋ a ekisil kori ejie?” Toboŋok Yeu tema, “Ikokini ekisil eyakaun ai toriŋa akilip neni a ŋakujo ka akikukuja ŋina koloŋ esyakini toto kon Yesebel eyai”

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Ŋikiru. 34:21

Eauni aronis atwanare neni a ŋulu aronok, ido emunyarosi ikes aŋuna ka aronis kec.

Ŋakit. 15:12

Nyecamununeete ŋituŋa ŋulu ejamuwarito ŋuluce alimokino atemar eroko ŋuna itiyaete ikes, nyecamunete tari alosit neni a ŋulu aosok.

Ŋakit. 29:10

Nyecamito ŋituŋa ŋulu italit akiar ŋituŋa arukit ka ŋulu iyookino, iwarito ikes epite ŋolo earyata ŋulu iyookino.

Ŋakit. 9:8

Akiman bon ikimani iyoŋ ituŋanan ŋini ejamuwarit ŋuluce kilimok iyoŋ iŋes aesikin ajamuwarit ŋuluce; ikiminakini iyoŋ ituŋanan ŋini aoson kilimok iyoŋ iŋes aesikin aronis.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 30:10

ŋulu elimonokinete eketeyenunan ebe, “Nyiyenut ŋakiro” ka neni a ŋikadwarak ebe “Nyidwara neni kosi ŋakiro ŋuna iyookino, tolimonokinae isua ŋakiro ŋuna ajokak, todwara neni kosi ŋakiro ŋuna ka alyokonu.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Yer. 36:23

Ani esyomi Yeudi ekitaabo edoli ŋilaino ŋiuni, kori ŋiomwon, togeu erwosit aduŋonor a ekileŋ keŋ neni edaunio akisyom kimasak nakim nibore ŋini enokakinitae akim akitodol ŋina ecunyarya iŋes ekitaabo daadaŋ anakim.

Yer. 38:4

Tolimokis nai ŋikapolok erwosit temasi, “Emaikina ekile lo toarae, anerae nyisimukekinit iŋes ŋasigarya ŋuna idoŋito lotaun kaapei ka ŋituŋa daadaŋ anakiro a ŋuna irworo iŋes neni kec. Nyemitakinit ekile lo akiyar a ŋituŋa, nai ecamit iŋes tomunyarae ŋituŋa.”

Amos 5:10

Iyes ŋulu itidiŋito ituŋanan ŋini isitakini ekasecan, iyes ŋulu iŋerito ituŋanan ŋini irworo ŋakiro ŋuna a kire,

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

Mika 2:7

Itami iyoŋ icenen Ŋisirael a? Adaun mono atitinyikinit aneni ke Ekapolon a? Epedori mono iŋes kire akitiya ŋakiro ŋuna ikote ŋun a? Nyirworo mono iŋes alotooma arimao neni a ŋulu itiyaete ŋuna iyookino a?”

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Mat. 10:22

Ikitoroniyarete ŋituŋa iyes aŋuna ke ekiro kaŋ, nai ŋini etitinyikini akitodol nasalunet, eiunio.

Yoa. 17:14

Ainak ayoŋ ikes akirot kon; etidiŋa ŋituŋa ŋulu ka akwap ikes, anerae nyerae ikes ŋulu ka akwap, ikwaŋinapei nyaraakar ayoŋ daŋ ŋolo ka akwap.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

Ŋigal. 4:16

Aruwor mono tokona ayoŋ emoit kus aŋuna ka alimokin iyes ŋuna a kire a?