1 Ŋirw. 22:5 - Ebaibul

⁵ Abu daŋ Yeosapat tema neni a erwosit a Isirael tema, “Kiŋitu mono ŋuna ebala Ekapolon.”

1 Ŋirw. 22:5 Iomraidhean Croise

1 Ŋirw. 22:4

Kiŋit erwosit a Isirael Yeosapat tema, “Ipedori iyoŋ arukor ka ayoŋ akitijiore ŋituŋa ŋulu eyakasi Ramos-Gilead a?” Toboŋok Yeosapat erwosit a Isirael tema, “Ikirae iwon ŋipei, erae ŋituŋa kaŋ ŋulu kon, erae ŋaŋolei kaŋ ŋuna kon.”

1 Ŋirw. 22:6

Aŋun, abu erwosit a Isirael tonyarau ŋikadwarak ŋulu aapikinit ekimar kec ŋamiae ŋaomwon, kiŋit ikes tema, “Ekokini ai? Alosi akitijiore ŋituŋa a Ramos-Gilead, kori nyalosi?” Toboŋokis ikes temasi, “Ape, anerae ikinyakakini Ekapolon iyoŋ Ramos-Gilead.”

2 Ŋirw. 1:3

Nai abu emalaika ŋolo ke Ekapolon kisirworik ekadwaran Eliya ŋolo alotaun Tisibe tema, “Tonyou, tolot kisiriamiya ŋituŋa ŋulu iyakit erwosit Aasia, kiŋit ikes tema, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a?’

2 Ŋirw. 3:11

Nai abu Yeosapat ŋolo arae erwosit a Yudaya tema, “Mam mono ekadwaran ŋolo ke Ekapolon eyai ne kiŋitae ŋuna eponito aneni ke Ekapolon a?” Toboŋok eketiyan epei ŋolo ke erwosit a Isirael tema, “Eyai ne Elisa lokoku a Sapat ŋolo paaran abukonokini ŋakipi nakan ke Eliya a ekadwaran.”

1 Ŋakiro a ŋirwa 10:13

Abu Saul totwana, anerae pa ekinyomit iŋes Akuj; pa ewuapit iŋes ŋakiro ŋuna ke Ekapolon, abu daŋ tolot neni a ŋimurok aanyun ŋuna kitiyakina.

Yer. 21:2

“Ekelipit ayoŋ iyoŋ kiŋit Ekapolon aŋuna kosi, anerae ikirikau iwon erwosit Nebukadinesar ŋolo a Babilon, acepaki epedori Ekapolon akitiya aumokinet aŋuna yok lopite ŋolo sek etiyaenenia, ido inak Nebukadinesar toboŋo aneni yok.”

Esek. 14:3

“Lokoku a ituŋanan, adaut ŋikilyok lu akiwuakin ŋitai kec neni a ŋakujo ka imyekinito ŋakujo erikorete ikes nasecit. Etamete mono ikes atemar aboŋokini ayoŋ ŋuna iŋikitasi ikes a?

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

Yos. 9:14

Apotu ŋikarikok a Ŋisirael tocamut akijaun akimuj ŋin, nai pa a eŋisito ikes Ekapolon ŋakiro ŋadi aŋuna ka akimuj a ŋin.

Ŋikat. 1:1

Ekaku a atwanare a Yosua, apotu Ŋisirael kiŋita Akuj temasi, “Ataŋae itipeiyorete ikiŋarenikis isua akitijikin Ŋikanaani?”

Ŋikat. 20:18

Toloto Ŋisirael kiŋaren kitipeiyosi Besel neni eŋituniata ikes ŋakiro aneni ka Akuj ebasi, “Ŋae alokidiŋ kosi itipeiyori ekiŋaren akitijikin ŋituŋa a ekabila a Benjamin?” Toboŋok Ekapolon tema, “Ŋituŋa ekabila a Yuda ikes itipeiyorete ekiŋaren.”

Ŋikat. 20:23

Kitipeiyosi Ŋisirael, kigworo neni ke Ekapolon apaaran daadaŋ akitodol eboŋ, kiŋita nabo ikes Ekapolon ŋakiro temasi, “Elosyo ba nabo isua diyete akicodor akitijikin ŋiyeneta kosi ŋituŋa a ekabila a Benjamin a?” Toboŋok Ekapolon ikes tema, “Toloto kitijikisi ikes.”

Ŋikat. 20:29

Aŋun, kiwuakis Ŋisirael ŋikilyok ŋulu irimokinito etaun Gibea kidiŋ.

1 Sam. 14:18

Tema Saul neni ka Aija, “Yau Asaduku ka Akuj laalo.” Akoloŋit ŋin, adakito Ŋisirael Asaduku ŋina ka Akuj anajore kec.

1 Sam. 23:2

Kiŋit Daudi Ekapolon tema, “Alosi ba etijik Ŋipilistin ŋul?” Toboŋok Ekapolon tema, “Ee, ape kitijik Ŋipilistin, toiu Keila.”

1 Sam. 23:4

Kiŋit nai nabo Daudi Ekapolon ŋuna emaikina iŋes kitiya. Toboŋok Ekapolon iŋes tema, “Ee, ape totiyaar Keila; anerae epotokini ayoŋ Ŋipislitin napedor kon.”

1 Sam. 30:8

Kiŋit nai Daudi Ekapolon ŋuna emaikina iŋes kitiya tema, “Atupakini ba ŋimoe ŋulu keremete ne? Apedori ayoŋ arukaun ikes a?” Toboŋok Ekapolon iŋes tema, “Totupak; anerae kire jik, irukauni iyoŋ ikes ka kire jik, inyakuni iyoŋ ŋituŋa ŋulu erikitoe.”