1 Ŋirw. 22:49 - Ebaibul

⁴⁹ Apaki ŋin, tema Aasia lokoku ka Aab neni a Yeosapat, “Kimyek ŋiketiyak kaŋ toloto a ŋameeli ka ŋiketiyak kon.” Nai abu Yeosapat toŋer ŋakiro ŋun.

1 Ŋirw. 22:49 Iomraidhean Croise

1 Ŋirw. 10:22

Ayakar erwosit ŋameeli ŋuna alalak ŋuna alo Tarisis ŋuna kicurutaet ananam kaapei ka ŋuna a Iram. Ayaununeete ŋameeli ŋuna alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak, apeiyaunet kelunyar ŋikaru ŋiuni.

1 Ŋirw. 22:48

Abu Yeosapat kitiyau ŋameeli ŋuna kicurutaet ŋuna ekwaan ka ŋuna alo Tarisis, ikotere elosete Opir akiom egolid, nai apotu nyelot, anerae kepotu ŋameeli tobwaŋabwaŋaar edolete Esion-Geber.

1 Ŋirw. 22:50

Ekaku, abu Yeosapat totwana ikwapei atapapaa keŋ, ido aponi tonukae lotaun a Daudi neni anukitae atapapaa keŋ. Abu Yeoram lokoku keŋ kilunyokin lokicoloŋ keŋ kipuka Yudaya.

1 Ŋirw. 9:26

Abu Solomon kitiyau ŋameeli ŋuna alalak alo Esion-Geber, alodiyete Elos alokipetot ka anam a ŋina Areŋan, anakwap ke Edom.

1 Ŋirw. 9:27

Kiyakiya Iram ŋiketiyak keŋ a ŋameeli, arae ikes ŋikametok ŋameeli ŋulu ayenete anam ejok. Kiyakiyarae ikes kaapei ka ŋiketiyak a Solomon.

1 Ŋirw. 9:28

Toloto ikes nakwap ŋina anyaritae Opir, yaut ŋatalantae ŋamiae ŋaomwon ka ŋatomoniarei ŋuna a egolid, inakis erwosit Solomon.

2 Ŋakiro a ŋirwa 20:35

Apaki ace eriŋa Yeosapat ipukat Yudaya, abu iŋes kimorikinos ka erwosit ŋolo a Isirael ŋolo anyaritae Aasia ŋolo etiyae ŋakiro ŋuna aronok.

Ŋikiru. 48:8

Ikwapei aponere isua kiirarae, ikidau isua akiŋolikin ŋuna etiya Akuj; alotaun a ŋolo ke Ekapolon a ŋolo a ŋajoresyo, alotaun a ŋolo ka Akuj kosi a ŋolo erae Akuj iyokit ŋikaru ka ŋikaru.