1 Ŋirw. 22:43 - Ebaibul

⁴³ Abu iŋes kiwuap ŋuna etiyae papa keŋ Asa; pa abu iŋes kimyek akiwuapit akitiya ŋuna iyookino alokiŋaren Ekapolon. Nai pa abu iŋes tolema ŋakiboisyo ŋunakilipet ŋakujo, ŋakiboisyo ŋuna adukitoe neni amukur, ido arubakinito ŋituŋa emuroete a nen ka eayeneneete ekinyate akicunyakin anakiboisyo a ŋunamukur a ŋun.

1 Ŋirw. 22:43 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

1 Ŋirw. 15:11

Abu Asa kitiya ŋuna eyookino alokiŋaren Ekapolon, lopite ŋolo abunio Daudi papaa keŋ kitiyaa.

1 Ŋirw. 15:14

Nai pa abu iŋes tolema ŋaduketa ŋuna aya nenimukur. Tari pa kelemarit ŋun, eyookino etau ka Asa aneni ke Ekapolon ŋirwa daadaŋ ŋulu ka akiyar keŋ.

1 Ŋirw. 15:5

Arae ŋun aŋuna abunio Daudi toruwor ŋolo eyookino alokiŋaren Ekapolon, ido nyimyekina iŋes akiwuap adio a ŋakiciketa ke Ekapolon ŋirwa daadaŋ ŋulu ka akiyar keŋ, mati ŋuna ka atwanare a Uria bon a ŋolo arae Eitait.

1 Ŋirw. 22:42

Arae Yeosapat ŋikaru ŋatomoniuni ka ŋikan isyakini akipuka, ido abu iŋes kipuka Yudaya alo Yerusalem ŋikaru ŋatomoniarei ka ŋikan. Arae ekiro a toto keŋ Asuba, nakoku a Sili.

1 Ŋirw. 3:2

Apaki ŋin, ariŋa ŋituŋa itiyaete ŋamuronisya anakiboisyo a ŋunamukur aneni elipeneneere. Arae ŋun aŋuna amamukar Akai ŋina adukitoe aŋuna ka akilipya Ekapolon.

2 Ŋirw. 12:3

Tari kikote nen daŋ, aponi nyelemar neni elipeneneere ŋakujo; apotu ŋituŋa torubakis emuroete ka einanakinete ŋainakineta a nen.

2 Ŋirw. 18:22

Ani nabo kitemasi iyes ayoŋ imecakinito iyes neni ke Ekapolon Akuj kus, meere mono ŋakiboisyo ŋuna eya nenimukur ka ŋamuroeta keŋ abu Esekia tobwaŋabwaŋa a? Pa abu iŋes kicikak ŋituŋa a Yudaya ka Yerusalem akilipenen a Namuroet a ŋina eyai Yerusalem a?

2 Ŋakiro a ŋirwa 14:11

Kilip Asa neni ke Ekapolon Akuj keŋ tema, “Okoe Ekapolon, nyityakatyakat iyoŋ ŋituŋa akiŋarakin ŋulu ejioko ka ŋulu nyejioko, kiŋarakinae isua, okoe Ekapolon Akuj kosi, anerae neni kon ikiyarikinit isua, aponi isua alokiro kon akitijiore ŋituŋa ŋulu alalak lu. Okoe Ekapolon, irae iyoŋ Akuj kosi; nyicamak ituŋanan idio ikilouni iyoŋ.”

2 Ŋakiro a ŋirwa 15:17

Nai abu Asa nyelema ŋaduketa alo Isirael ŋuna aya neni amukur ŋuna elipere ŋakujo. Kikote neni daŋ, ekinyomit Asa alotau keŋ Ekapolon alorwa a daadaŋ a ŋulu ka akiyar keŋ.

2 Ŋakiro a ŋirwa 15:8

Ani iirari Asa ŋakiro ŋun, ŋuna adwari Asaria lokoku ka Oded, abu atitinyu min neni keŋ. Tolema ŋitorubei a ŋakujo anakwap a Yudaya ka Benjamin daadaŋ ta alotaunio a ŋulu abu iŋes kikama anakwap a ŋina a ŋikamukumukui, a ŋina ke Epuraim. Abu iŋes todukok nabo Namuroet ŋina ke Ekapolon kiŋaren ebarasan ŋolo ayai kiŋaren Akai a Ekapolon.

Ŋikiru. 101:3

Nyacamuni ayoŋ aronis eyai neni kaŋ. Aremokino ayoŋ ŋiticisyo a ŋulu ikiŋerito iyoŋ; nyacamuni ayoŋ ikes jik.

Ŋikiru. 125:5

Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.

Ŋikiru. 40:4

Erereŋ ŋulu ikinyomito Ekapolon ŋulu nyemisito ŋakiro a ŋiketurok, ŋulu nyiwuapito ŋuna koŋinae.

Awos. 32:8

Emyekis ikes atipei ŋuna abu ayoŋ ecik ikes, ido etiyaut aŋuna kec etorube a itaok aruwor akuj kec. Ilipete tokona ikes neni a itaok ka aya ŋamuronisya kec nen, ido ebasi, ‘Ŋisirael, akuj yok na ŋina paaran abu ikitipeunio iwon anakwap a Ijipit!’

Ŋakit. 13:1

Emina ikoku ŋini aoson akiiranar ŋakiro ŋuna etemari papa keŋ toesik akitiya, nai nyemina eketuron acamunun aesikin ŋuna aronok ŋuna ebookoi toesik.

Ŋakit. 4:27

Nyitiyae ŋuna iyookino ka ŋuna aronok, torubak itiyae ŋuna iyookino bon.