1 Ŋirw. 22:39 - Ebaibul

³⁹ Ŋiticisyo nai ka Aab ŋuluce daadaŋ ka ŋuna daadaŋ etiyat iŋes, ŋakiro ka akai a ŋina adukit iŋes a ŋikyal a ŋitome, ŋuna a ŋitaunio a daadaŋ a ŋulu kebu iŋes toduk, igiritae lokitaabo ŋolo a ŋakiro a ŋirwosi a Isirael.

1 Ŋirw. 22:39 Iomraidhean Croise

1 Ŋirw. 10:18

Kitiyau daŋ erwosit ekicoloŋ a ŋikyal a ŋitome, toburusik egolid ŋolo ajokan nooi lokicoloŋ ŋol.

1 Ŋirw. 10:22

Ayakar erwosit ŋameeli ŋuna alalak ŋuna alo Tarisis ŋuna kicurutaet ananam kaapei ka ŋuna a Iram. Ayaununeete ŋameeli ŋuna alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak, apeiyaunet kelunyar ŋikaru ŋiuni.

1 Ŋirw. 14:19

Ŋiticisyo a Yeroboam ŋuluce daadaŋ, epite ŋolo kejio ka epite ŋolo kipukator, igiritae lokitaabo ŋolo a ŋakiro a ŋirwosi a Ŋisirael.

1 Ŋirw. 15:23

Ŋiticisyo nai ka Asa ŋuluce daadaŋ, arwonu keŋ a daadaŋ ka ŋuna etiyat iŋes daadaŋ ta ŋitaunio daadaŋ ŋulu abu iŋes toduk, igiritae lokitaabo ŋolo a ŋakiro a ŋirwosi a Yudaya. Nai ani edoli ŋirwa ŋulu amojoŋia Asa, todyakakin ŋakejen.

1 Ŋirw. 15:31

Ŋiticisyo nai a Nadab ŋuluce daadaŋ ka ŋuna daadaŋ etiyat iŋes, igiritae lokitaabo ŋolo a ŋakiro a ŋirwosi a Isirael.

1 Ŋirw. 16:20

Ŋiticisyo nai a Simiri ŋuluce daadaŋ ka ayere ŋuna abu iŋes kitiya, igiritae lokitaabo ŋolo a ŋakiro a ŋirwosi a Isirael.

1 Ŋirw. 16:27

Ŋiticisyo nai a Omiri ŋuluce daadaŋ ŋulu etiyat iŋes, arwonu keŋ ŋina abu iŋes kitoodiu, igiritae lokitaabo ŋolo a ŋakiro a ŋirwosi a Isirael.

1 Ŋirw. 16:5

Ŋiticisyo nai a Baasa ŋuluce daadaŋ, ŋuna etiyat iŋes ka arwonu keŋ, igiritae lokitaabo ŋolo a ŋakiro a ŋirwosi a Isirael.

1 Ŋirw. 22:40

Abu Aab totwana, tonukae akuwan keŋ neni anukitae atapapaa keŋ; ido abu lokoku keŋ Akasia kilunyokin lokicoloŋ keŋ kipuka Isirael.

2 Ŋirw. 1:18

Ŋiticisyo ka Aasia ŋuluce daadaŋ, igiritae lokitaabo ŋolo a ŋakiro a ŋirwosi a Isirael.

2 Ŋirw. 15:15

Ŋiticisyo a Salum ŋuluce daadaŋ ka ŋakiro a ŋajiorei a ŋuna atuki iŋes aŋare igiritae lokitaabo ŋolo ŋakiro a ŋirwosi a Isirael.

Ŋikiru. 45:8

Eyai lokaasoi kon daadaŋ eure ŋolo akukunyon, eure ŋolo a eminae a ŋolo akukunyon ka ŋolo ka akimyet a ŋina akukunyon ta ŋolo a ekitoe a ŋolo enyaritae Kasia. Ilakara iyoŋ aŋuna a ŋieosyo a ŋulu eeoi eramyo ŋiboro ŋulu a ŋiunoi anakais ka apukan a ŋuna isibusitae a ŋikyal a ŋitome.

Esek. 27:15

Apotu ŋituŋa a Rodes kicurutata kaapei ka iyoŋ ka apotu ŋituŋa a ŋakwapin a ŋuna eya diyete anam toruworos ŋikagyelak ŋuluyenen ŋulu a ŋiboro kon; apotu ikes ikitacakis iyoŋ ŋikyal a ŋitome ka ŋakito ŋuna agogoŋok ba ba.

Esek. 27:6

Alokuyono a ŋulu a Basan, apotu ikes kitiyaut ŋakito ŋuna emetere ŋatubae; alokito a ŋulu enyaritae Sipres a ŋulu eyakasi Siprus, apotu ikes kitiyaut ŋakito ŋuna apesitae kwap ŋatubae kon ŋuna apesitae ŋikyal a ŋitome tooma.

Amos 3:15

Enyasuni ayoŋ ŋakais kec ŋuna edukitoe lotaunio ka ŋuna edukitoe lorerya, edaunosi ŋakais ŋuna edukitoe a ŋikyal a ŋitome, edaunosi ŋakais ŋuna apolok nooi.”

Amos 6:4

Ekaŋ iyes ŋulu iperete alokitaadae a ŋulu isibusitae a ŋikyal a ŋitome! Ekaŋ iyes ŋulu isaanaete alokicoloŋo a ŋuludupuk, tonyamete ŋikaalei ka ŋitak ŋulu anakunak.