1 Ŋirw. 22:34 - Ebaibul

³⁴ Nai kebu esigarit epei ŋolo ka Aram topeto ekaleleŋeleŋet keŋ kicwanya Aab, toŋicar aloboro a ŋulu ke ejie a ŋulu anapit iŋes, togum iŋes. Tema erwosit neni a ekameton agaari keŋ, “Kibelekin, yaarae ayoŋ alojie, anerae akawani ayoŋ.”

1 Ŋirw. 22:34 Iomraidhean Croise

2 Sam. 15:11

Apotu Abusalom torukosi ka ŋikilyok ŋamiae ŋaarei alo Yerusalem. Arae Abusalom iŋes anyarit ikes nen, ido apotu ikes toloto nen emam pa eyenete ŋuna eyeunit Abusalom akitiyakin.

1 Ŋirw. 22:17

Tolimok nai Mikaia iŋes tema, “Abu ayoŋ eŋolik ŋituŋa a Isirael daadaŋ ielar lokamukumukui ikwa ŋamesekin ŋuna emam ekeyokon; ido abu Ekapolon tema, ‘Mam lu ekapolon kec; itemokino ikes tolot ŋinituŋanan lore keŋ a ekisil.’ ”

1 Ŋirw. 22:33

Ani eyenunete ŋikapolok ŋul atemar meere ŋol erwosit a Isirael, toboŋosi kimyekis akiwuapit Yeosapat.

1 Ŋirw. 22:35

Tomwanu ejie akoloŋit ŋin, torubak erwosit iboi anagaari keŋ igaŋitae iŋoliyarit neni ayakasi Ŋiramean. Toleleyasi ŋaokot keŋ aneni agumitae iŋes pena nagaari, ani edoli eboŋ, kiridak iŋes.

2 Ŋirw. 9:24

Tosodi Yeu kiketak nooi akau ŋina a ŋikaleŋeleŋe, togum Yoram popire akau, kiporo ekaleŋeleŋet todol loliŋa, totwanik Yoram tooma agaari keŋ.

2 Ŋakiro a ŋirwa 18:30

Apaki ŋin, keris erwosit ka Aram kicik ŋikapolok a ŋasigarya keŋ ŋulu a ŋagaari a ŋuna iritae a ŋaŋolei ebe, “Nyilot akitijiore ituŋanan idio ŋinicaryoit, kori ŋini itopolooritae, nai kitijioto erwosit a Isirael.”

2 Ŋakiro a ŋirwa 35:23

Toguma Ŋijipitian Yosia a ekaleŋeleŋet, tolimok Yosia ŋikapolok a ŋasigarya keŋ tema, “Yaarae ayoŋ a ne, akawani ayoŋ nooi.”

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Mika 6:13

Aŋun, esyaki ayoŋ amunaar iyoŋ, esyaki ayoŋ akitisilun iyoŋ aŋuna a ŋasecisya kon.

Akis. 9:9

Arapap ŋatorobwo kec a ŋarapeta a ŋuna etiyaunitae a ŋasuwa, eruye ŋolo a ŋabebenuk kec ekwaan ka eruye ŋolo a ŋagaari a ŋuna irito ŋaŋolei a ŋuna emaryaara lojiye.

1 Sam. 17:49

Kirepa Daudi akan locwee keŋ, tolemu amoru kiwuak nadoe, kisiidak topeto, topet Epilistait ŋol loreet; toloma amoru tooma ereet, toramakin kwap tobuburiyar.