1 Ŋirw. 22:14 - Ebaibul

¹⁴ Nai tema Mikaia neni keŋ, “Ikwapei eyarya Ekapolon erwori ayoŋ ŋuna akalimokini Ekapolon ayoŋ.”

1 Ŋirw. 22:14 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 18:10

Ikwaŋinapei eyarya Ekapolon Akuj kon, mam akwap, kori apukan ŋina nyiyakiyara Ekapolon kaŋ ituŋanan, ido akiwarun iyoŋ. Ani ketemasi ŋituŋa ka akwap ka adio, kori apukan ka adio ebe, ‘Emam iŋes a ne,’ etemari ŋini ikiwuarit iyoŋ lotuŋa ŋulu ka akwap a ŋin, kori ŋulu a apukan a ŋin kikoŋo ebe, ‘Nyiŋolikina isua iŋes.’

1 Ŋirw. 18:15

Tema Eliya neni keŋ, “Ikwapei eyarya Ekapolon ŋolo etiron, ŋolo etiyanakini ayoŋ, alosi ayoŋ kire jik, etoodiyar neni ka Aab nakoloŋit na.”

1 Ŋirw. 22:13

Tema ekiyakia ŋolo eyakitae anyarare Mikaia neni a Mikaia ebe, “Kiira nu, ikwaan ŋakiro ŋuna erwor ŋikadwarak ŋuluce, erae ŋuna italakarito erwosit, kirwor iyoŋ daŋ ŋakiro ŋuna ikwaan ka ŋuna kec, ŋuna italakarito erwosit.”

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Yer. 34:6

Abu nai ekadwaran Yeremia tolimok alo Yerusalem Sedekia erwosit a Yudaya ŋakiro ŋun daadaŋ,

Yer. 42:4

Tolimok ekadwaran Yeremia ikes tema, “Ejok nooi, alosi ayoŋ elip Ekapolon Akuj kus lopite ŋolo iŋitatar iyes, ido ŋakiro daadaŋ ŋuna ikiboŋokini Ekapolon iyes, akalimokini ayoŋ iyes, nyekemunoni ayoŋ iyes ŋakiro ŋadi.”

Ekim. 22:18

Nai tolimok Balaam ŋikapolok ŋulu eyakuunit Balak tema, “Tari kakainaki ayoŋ Balak akai keŋ ileleba esilipa ka egolid, nyetiyae ayoŋ ŋuna nyakalimokinit ayoŋ Ekapolon Akuj kaŋ, nyapedori ayoŋ akitiya ŋuna ekudyoko, kori ŋuna alalak.

Ekim. 22:38

Toboŋok Balaam Balak tema, “Abu ayoŋ neni kon tokona, nai ayakar mono ayoŋ apedori adio ŋina a ŋakiro a ŋadi a? Akirot ŋina akalimokini ayoŋ Ekapolon, iŋes emaikina ayoŋ olimu.”

Ekim. 22:8

Tolimok Balaam ŋikasikou ŋulu eyakuunit Balak tema, “Topero ne akuwar na, ani moi taparacu eketeyenikini ayoŋ iyes ŋakiro daadaŋ ŋuna akalimokini ayoŋ Ekapolon.” Kiriyata nai ŋikasikou ŋul ka Balaam.

Ekim. 24:13

‘Tari kakainaki ayoŋ Balak akai keŋ ileleba esilipa ka egolid, nyapedori ayoŋ akitiya ŋadikiro ŋuna nyakalimokinit ayoŋ Ekapolon, nyapedori ayoŋ akitiya ŋuna ajokak, kori ŋuna aronok ikwa acamitor ŋuna akalimokini ayoŋ Ekapolon ikes alimuni ayoŋ a?’

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.