1 Ŋirw. 21:3 - Ebaibul

³ Nai tema Nabos neni ka Aab, “Elipi ayoŋ atemar nyakacamak Ekapolon ayoŋ ainakin iyoŋ ibore ŋini abu ayoŋ erum aneni atapapaa kaŋ.”

1 Ŋirw. 21:3 Iomraidhean Croise

Akisy. 44:17

Nai tema Yosepu, “Toriwo ŋun aneni kaŋ, ikotere nyetiya ŋun! Ŋolo aryamunio ekopo aneni keŋ bon iŋes eruwor epito kaŋ, nai iyes, toloto kitipeiyosi neni a papa kus a ekisil.”

Akisy. 44:7

Kiŋita ikes iŋes temasi, “Kaanukiro irworor ekapolon kosi ŋakiro ŋuna ikote nen? Toriwo ŋun aneni a ŋiketiyak kon, ikotere nyitiyata ikes ŋakiro ŋuna ikote nen!

1 Ŋakiro a ŋirwa 11:19

Tema Daudi, “Nyikiryama ka akimat ŋakipi nu!” Tema nabo, “Emaikina mono ayoŋ omat ŋaokot a ŋikilyok a lu a ŋulu apotu tojala akiyar kec a? Apotu kire ikes todaŋa abukor ŋaokot kec anakiwom ŋakipi!” Aŋun, abu Daudi nyemat ŋakipi ŋun. Ŋakiro ŋun ikes apotu ŋikarwok ŋul ŋiuni kitiyata.

Yob 27:5

Nyikiryama ca jik ayoŋ ka alimun atemar irworosi iyes ŋuna iyookino; nyaŋeri ayoŋ ŋuna ka akiyookino kaŋ tari natwanare kaŋ.

Esek. 46:18

Nyemaikina ekepukan todemana ŋituŋa ibore ŋini erae ŋini kec, emaikina iŋes inak ŋidwe keŋ ŋulusapa ibore ŋini eruwor ŋini kec aloboro keŋ a elope, ikotere nai nyedemar idio alotuŋa kaŋ ibore ŋini erae ŋini kec.”

Ŋilep. 25:23

Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ.

Ekim. 36:7

ikotere nyeruwor akwap a ekabila a Ŋisirael a epei ŋina a ŋoloce, anerae itemokino Ŋisirael toyakatar akwap ŋina adau aruwor ŋina kec alokabilae atapapaa kec.

Ekim. 36:9

Mam akwap einakinio alokabila a epei lokabila ŋoloce, anerae itemokino Ŋisirael daadaŋ toyakatar akwap ŋina aponi tokorakinae ikes.’ ”

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋirom. 3:6

Mam jik! Ani pa kiyookino Akuj, ikokini nai iŋes etubokini akwap ai?

Ŋirom. 6:15

Nyo nai? Itemokino iwon oseca, anerae meere Ŋikisila ikipukato iwon, nai ikipukat ajokis ŋina ka Akuj a? Mam jik!

Ŋirom. 6:2

Mam jik! Nyepedori asecit akitap iwon, anerae ikipotu iwon otwaka alokiŋaren asecit, ikikokini nai iwon ikirubakini ikisecenene ai?

Ŋirom. 7:13

Akeepolou mono atemar ŋuna ajokak ŋuna erae Ŋikisila, ikes apotu yaut atwanare neni kaŋ a? Mam jik! Arae asecit abu kitiya ŋun. Abu asecit yau atwanare alotooma akisitiya ŋuna ajokak, ikotere eyenunere ibore ŋini kire erae asecit. Aŋun, alotooma akiciket, itoodiunitae asecit esecana nooi tari adepar.

Ŋirom. 7:7

Ikitemari nai tokona iwon Ŋikisila ikes erae asecit a? Mam jik! Nai arae Ŋikisila apotu eketeyenut ayoŋ ibore ŋini erae asecit. Pa kayenunit ayoŋ atemar erae akiŋobel icebore, kerae nyebasi Ŋikisila ebe, “Nyiŋobel.”

1 Ŋikor. 6:15

Iyenete iyes atemar erae ŋawat kus ŋinerin ŋulu ka akuwan a Kristo. Apedori nai ayoŋ atyakar ekiner epei anakuwan a Kristo, ido eturuwo ekiner ŋolo ka akuwan ka amalaat a? Mam jik!

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

Yos. 22:29

Nyikiryama ca ka akitepeg Ekapolon ka akiŋer nakoloŋit na akiwuapit ŋakiro keŋ, ido odukokisi Namuroet aŋuna a ŋainakineta a ŋuna epeyo ka ŋainakineta ŋuna a ŋikinyom, kori aŋuna a ŋamuronisya. Nyecamitae isua akiduk Namuroet ace, toyai bo sek ŋina ke Ekapolon Akuj kosi, Namuroet ŋina eyai kiŋaren tooma Eema keŋ.”

Yos. 24:16

Toboŋokis nai ŋituŋa temasi, “Nyikiryama ca isua ka akiŋer Ekapolon, kitiyanakinae ŋakujo ŋace!

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 24:6

Tema iŋes neni a ŋikajiok a ŋulu arukito ka iŋes, “Elipi ekeretak ayoŋ Ekapolon nyetiya ŋuna aronok neni a ekapolon kaŋ, a ŋolo arae Ekapolon abu toseu iŋes aruwor erwosit. Elipi nyaar ayoŋ iŋes, anerae Ekapolon iŋes abu toseu iŋes aruwor erwosit.”