1 Ŋirw. 21:2 - Ebaibul

² Tema Aab neni a Nabos, “Inakinae ayoŋ emanikor kon ŋolo ke epiini, ikotere eturuwo ayoŋ iŋes emanikor kaŋ ŋolo a ŋidyas, anerae eapi iŋes alokai kaŋ. Ekelunyokini ayoŋ iyoŋ emanikor ece ŋolo ajokan, kori ani kejokak nu aneni kon, akainakini ayoŋ iyoŋ ŋisilipae ŋulu itemokino togyelere iŋes.”

1 Ŋirw. 21:2 Iomraidhean Croise

Akisy. 16:6

Nai tolimok Aburam Sarai tema, “Kiira, apese kon ŋin ŋina erae apito kon, eyai nakan kon; kitiya neni keŋ ŋuna ejokak aneni kon.” Totiŋ Sarai Agar erono nooi, todoki Agar aneni a Sarai.

Akisy. 3:6

Kiŋolik aberu ekitoe ejok aŋuna ka akimuj, tonira daŋ ŋakonyen keŋ; tonira iŋes ekitoe aŋuna ka aosou a ŋina ikiini. Tosodi todeŋu arait alokitoe a ŋol tonyam, inak ekile keŋ daŋ ŋolo arukito ka iŋes apaki ŋin, tonyam.

1 Ŋirw. 21:3

Nai tema Nabos neni ka Aab, “Elipi ayoŋ atemar nyakacamak Ekapolon ayoŋ ainakin iyoŋ ibore ŋini abu ayoŋ erum aneni atapapaa kaŋ.”

1 Ŋirw. 21:6

Toboŋok Aab iŋes tema, “Erae aŋuna abunio ayoŋ eŋisya Nabos ŋolo erae Eyesirelait ebe, ‘Togyelakinae ayoŋ emanikor kon ŋolo ke epiini, kori ani kejokak nu aneni kon kimyekinae ayoŋ ekelunyok iyoŋ emanikor ece.’ Nai tema Nabos neni kaŋ, ‘Mam nyakainakini ayoŋ iyoŋ emanikor kaŋ.’”

2 Ŋirw. 9:27

Ani iŋolikini erwosit Aasia ŋolo a Yudaya ŋakiro ŋuna etiyasi, kigaŋ agaari keŋ toem lowae ŋolo ayai etaun ŋolo anyaritae Bes-agan. Erisit Yeu iŋes ka abu tolimok ŋirukitos keŋ tema, “Toguma iŋes daŋ toara!” Togumakis ikes iŋes nagaari alorot a ŋolo elosi Gur, togumakis ikes iŋes diyete etaun ŋolo enyaritae Ibileam. Toem Aasia tari lotaun Megido totwana a nen.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Ekal. 2:5

abu ayoŋ eta ŋimanikorin ka etemonok neni kiboiyet, ido abu odupanak ŋikito daadaŋ ŋulu egelegelya nen ŋulu erayete ŋaraito.

Eete a Ŋie. 4:15

Ikwaan iyoŋ ka elelya ŋolo elelyanakini ŋimanikorin, akare ŋina a ŋakipi a ŋuna eteyarak, ŋakipi ŋuna eleleunito alo Lebanon.

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Luk. 12:15

Tolimok iŋes ŋituŋa daadaŋ tema, “Tocoikisi, kiyokito ŋawat kus anarorokanut a daadaŋ, anerae meere ebari itopoloe akiyar a ituŋanan.”

Ŋikis. 11:10

anerae akwap ŋina eapi iyes alomar akiboiyo, nyikwaan ka akwap ŋina a Ijipit ŋina iponiata iyes, akwap ŋina idupanakinete iyes ŋikinyom kus, ido tobukonokis ŋakipi esibit imanikor ŋini ke edya.

Ŋikis. 5:21

“Kori nyiŋobel ŋinituŋanan aberu a ekidunyet keŋ. “Kori nyiburak akai a ikidunyet keŋ, kori nyiŋobel akai a ikidunyet keŋ, kori emanikor keŋ, kori epito keŋ, kori apito keŋ, kori emoŋ keŋ, kori esigirya keŋ, kori ibore ca daadaŋ ŋini erae ŋini a ikidunyet keŋ.”

1 Tim. 6:9

Nai ikes ŋulu ecamito aruwor ŋikabarak elomarete nakitemyo ka ikamunete ŋaloketa ŋuna ke ekibure a ŋolo ka abaŋao a ŋolo awanan, ŋuna isibusokinete ikes toryamut ŋican ka akinyasuno.

1 Sam. 29:6

Tonyarau nai Akis Daudi tema neni keŋ, “Ekoŋi ayoŋ alokiro a Ekapolon a ŋolo eyari atemar, irae iyoŋ ituŋanan ŋini ekinyomit ayoŋ, ido ajok ayoŋ akiwuakin iyoŋ etiyata ka ayoŋ najore. Ameun akoloŋit ŋina ibunio iyoŋ neni kaŋ akitodol tokona, mam aronis aryamu ayoŋ aneni kon, nai nyikikinyomito iyoŋ ŋikarikok a ŋajorei a Ŋipilistin.

1 Sam. 8:14

Eai iŋes ŋimanikorin kus ŋulu ajokak ka ŋimanikorin kus ŋulu ke epiini ka ŋulu a ŋikito ka akimyet, inak neni a ŋiketiyak keŋ.

1 Sam. 8:6

Nai apotu ŋun nyitalakasi Samuel elimunete ikes ebe, “Inakinae isua erwosit ŋolo ikipukae isua.” Aŋun, abu Samuel kilip neni ke Ekapolon.