1 Ŋirw. 21:11 - Ebaibul

¹¹ Aŋun, apotu ŋikasikou ka ŋikapolok ŋulu a etaun a ŋolo eboiyo Nabos kitiyata ŋuna alimokinit Yesebel ikes anabaruwae a ŋuna egirakinit iŋes ikes.

1 Ŋirw. 21:11 Iomraidhean Croise

1 Ŋirw. 21:10

Tolemutu ŋikesitakinak a Nabos ŋiarei ŋulu erae ŋasyanisya, kisitakis Nabos aŋuna icenio Akuj ka erwosit; torikosi nai iyes iŋes kiŋa etaun tocaka a ŋamoru.”

1 Ŋirw. 21:12

Apotu ikes kiserata ŋuna ka akiredakin akiron ka apotu kisiboikis Nabos kiŋaren ŋituŋa.

2 Ŋakiro a ŋirwa 24:21

Abu Yoas toyeut ka ŋituŋa akiar Sakariya, ido apotu ŋituŋa tocaka Sakariya a ŋamoru lopite ŋolo alimokinia erwosit ikes. Toarakinae Sakariya nalapatu ŋina a Akai ka Akuj.

Awos. 1:17

Nai akerito ŋaberu ŋun Akuj, ido apotu nyitiyata ŋuna abala erwosit a Ijipit ikes kitiyata; apotu kimyekis ŋidwe ŋulusapa toyara.

Awos. 1:21

Aŋuna nai aponiata ŋakesidook ŋun tokeryata Akuj, abu Akuj inak ikes ŋidwe kec a ŋakulepek.

Ŋakit. 29:12

Ani kecamu ekepukan akiwuap ŋakiro ŋuna erae alyokonu, erokyata ŋikapolok daadaŋ ŋulu ipukatotor iŋes.

Ŋakit. 29:26

Iwarito ŋituŋa ŋulu alalak ajokis aneni a ekepukan, nai erae neni a Ekapolon eryamunia ituŋanan akiyookino.

Isa. 59:14

Neriŋa jik isua irworoe ŋuna ka akiyookino ka alwaketa aneni kosi ŋuna ka akiyookino, anerae edoŋo kwap alorotin a ŋulu ke etaun ŋakiro ŋuna a kire, emam akiwuapit ŋuna iyookino alotooma etaun.

Osea 5:11

Isicanitae Epuraim, amunaar iŋes anatubokino anerae atenikinit iŋes akiwuarit akiŋarakino aneni a ŋakujo aŋuna nyepedorete akiŋarakin.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Mat. 2:12

Aŋuna abunio Akuj kicik ikes anakiruja atemar nyeboŋosi neni eyai Erode, kitoro ikes lorot ece eboŋorete nakwap kec.

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

Ŋitic. 5:29

Nai toboŋokis Petero ka Ŋikiyakia temasi, “Itemokino isua opupete Akuj akilo ŋituŋa.

1 Sam. 22:17

Tema erwosit neni a ŋasigarya keŋ a ŋuna erimokinito iŋes kidiŋ, “Apesi toara ŋisacaradotin a Ekapolon, anerae ariwo ikes daŋ ka Daudi; ayenete ikes atemar asii Daudi, nai nyelimokina ikes ayoŋ ŋun.” Nai apotu ŋiketiyak a erwosit ŋul nyear ŋisacaradotin a Ekapolon.

1 Sam. 23:20

Tokona nai erwosit, apaki daadaŋ ŋina icamitor iyoŋ atiyaun nakwap kosi, ipedori abunore, ikitenit isua ainakin Daudi neni kon erwosit.”