1 Ŋirw. 20:13 - Ebaibul

¹³ Apaki ŋin, bu ekadwaran neni ka Aab a erwosit a Isirael tema neni keŋ, “Ebala Ekapolon ebe, ‘Ite iyoŋ ŋasigarya ŋuna alalak nu a? Ekemyekini ayoŋ iyoŋ kilou ikes nakoloŋit na, ido iyenuni iyoŋ atemar arae ayoŋ Ekapolon.’ ”

1 Ŋirw. 20:13 Iomraidhean Croise

2 Sam. 10:13

Aŋun, apotu Yoab ka ŋikilyok ŋulu arukitotor, kicodosi akisiiryakin Ŋiarameani; ido apotu Ŋiarameani tobwaŋas alokiŋaren Yoab.

1 Ŋirw. 18:39

Ani iŋolikinete ŋituŋa daadaŋ ŋun, toramakinos kwap, kijuuroto, temasi, “Erae Ekapolon Akuj kire! Erae Ekapolon Akuj kire!”

1 Ŋirw. 20:14

Kiŋit Aab iŋes tema, “Ŋae itiyakini ŋakiro ŋun?” Toboŋok ekadwaran ŋol tema, “Ekapolon irworo ebe, ‘Itiyakinete ŋisorok ŋulu itopolooritae anakwapin a akwap kon ŋun.’ ” Kiŋit nai Aab iŋes tema, “Ŋae isyakini akitijikin ŋinice?” Toboŋok iŋes tema, “Iyoŋ.”

1 Ŋirw. 20:22

Ekaku, bu ekadwaran neni a erwosit a Isirael tema, “Ape, tocunak ŋasigarya kon, toyenu ejok ŋuna emaikina iyoŋ kitiya, anerae ani moi iceere ebuni nabo erwosit ka Aram akirem iyoŋ.”

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

2 Ŋirw. 13:23

Nai, abu Ekapolon tominak ikes kisyonik. Totamu Ekapolon ikes aŋuna ka acamunet keŋ ka Aburaam ka Isaka ta Yakob, toesik amunyar ikes. Akitodol tari tokona, eriŋa Ekapolon nyiritara ikes aneni keŋ.

2 Ŋirw. 3:18

Erae ŋun ŋakiro ŋuna epataka aneni ke Ekapolon, ebuni daŋ iŋes akipotokin akwap a Moab nakan kus.

2 Ŋirw. 7:1

Toboŋok Elisa tema, “Kiira ŋakiro ŋuna irworo Ekapolon! Moi taparacu esaa lopei lo, igyelete iyes alopuke a Samaria ŋaganoi ŋuna ajokak nooi ŋuna a ŋakiloi a ŋauni ka ŋikinyom Ŋulu ikote erau ŋulu a ŋakiloi a ŋakanikapei a ecekel ke epei.”

2 Ŋakiro a ŋirwa 20:15

Tema Yaasiel neni a ŋituŋa, “Topupokisi iyoŋ erwosit Yeosapat ka ŋituŋa daadaŋ ŋulu iboiyete alo Yudaya ka Yerusalem. Irworo Ekapolon ŋakiro nu neni kus ebala, ‘Nyikuryaketa, kori nyikikadak aŋuna a ŋasigarya a ŋuna alalak nooi a ŋun, anerae meere iyes itijiyete ikes, nai Akuj.

2 Ŋakiro a ŋirwa 20:17

Meere iyes ijiete alojie a ŋol, kiboiyosi neni emaikina iyes kiboiyosi, towua a nen ititiny, iŋolikinete iyes Ekapolon ikilakuni iyes alomoe a ŋul, Okoe iyes ŋituŋa a Yudaya ka Yerusalem.’ Nyikuryaketa kori nyikikadak. Toloto moi taparacu kitijikis ikes, irukete iyes ke Ekapolon.”

Ŋikiru. 83:18

Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.

Awos. 14:18

Eyenunete Ŋijipitian atemar arae ayoŋ Ekapolon apaki ŋina eketopolooryata ayoŋ Parao ka ŋagaari keŋ ta ŋikametok ŋaŋolei keŋ.”

Awos. 16:12

“Adau ayoŋ akiirar akiŋuruŋura a Ŋisirael, tolimok ikes ebe, ‘Ani eboŋ, inyamete iyes akiriŋ, ido ani taparacu, inyamete iyes akimuj ŋina iitanito; nen nai iyenuniata iyes atemar arae ayoŋ Ekapolon Akuj kus.’ ”

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Esek. 20:14

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 20:22

Nai abu ayoŋ emyek akisican ikes, abu ayoŋ aŋuna ekiro kaŋ etiya ŋuna nyepedorere akiyanya ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Yos. 10:8

Tolimok Ekapolon Yosua tema, “Nyiker ikes. Adau ayoŋ akipotokin ikes neni kon. Mam ipei daŋ alokidiŋ kec ŋini epedori awoikin iyoŋ.”