1 Ŋirw. 2:7 - Ebaibul

⁷ Kitoodiu arimao kon neni a ŋisapa a Barisilai a ŋolo alo Gilead, kimyek ikes toruwor ŋipei a ŋulu imujete ka iyoŋ alomesa kon, anerae apotu ikes ekesiryamut ayoŋ apaki ŋina aemitor neni alokaato kon Abusalom.

1 Ŋirw. 2:7 Iomraidhean Croise

Akisy. 40:14

Nai ani ŋina ejokyarotor ŋakiro aneni kon, totamunitetei ayoŋ daŋ, kitoodiu arimao kon neni kaŋ; tolimoroe ayoŋ daŋ neni a Parao, itolemu ayoŋ alokai a na.

2 Sam. 19:28

Amaikina tomunyarae ŋituŋa a ekal a papa kaŋ daadaŋ alokiŋaren kon, ekapolon kaŋ; nai ibu iyoŋ ikituruwo ayoŋ epei a ŋulu emujete alomesa kon. Anipedor tokona ayakar ayoŋ, ŋina apedorya akimaimaya erwosit?”

2 Sam. 9:10

Eruwor iyoŋ ka ŋidwe kon ŋulusapa ta ŋiketiyak kon itaanakinete iŋes emanikor, ido tolemikis iŋes akimuj alomanikor a ŋol, ikotere lopaapit a ekapolon kon eryamuni ibore ŋini imuji. Nai erubakini Mepiboses lopapait a ekapolon kon ikimuji kaapei ka ayoŋ alomesa ke epei a ŋinakoloŋit,” Apaki ŋin, ayakar Siba ŋidwe keŋ ŋulusapa ŋitomon ka ŋikan ka ŋiketiyak ŋatomoniarei.

2 Sam. 9:7

Tema Daudi neni keŋ, “Nyikuryaniar, anerae akarimaanikini ayoŋ iyoŋ aŋuna a Yonasan a papa kon ekenyakakini ayoŋ iyoŋ akwap a papaa kon a Saul daadaŋ, ido ikimuji iwon kaapei alomesa ke epei a ŋinakoloŋit.”

2 Ŋirw. 25:29

Aŋun abu Yeoiakim tolaca tari ŋilowi keŋ ŋulu sek alomabus ka abu toruwor ŋolo emujenene alokai ke erwosit jwi jwi anakiyar keŋ a daadaŋ.

2 Ŋirw. 25:30

Abu erwosit inanak Yeoiakim ŋisiliŋa ŋidi a ŋinakoloŋit ikotere iŋarakinor ŋirwa daadaŋ ŋulu eboiyo iŋes alo Babilon.

Esir 2:61

Aya daŋ nen ŋiletok a ŋisacaradotin, ikes ŋiletok ka Abaia, Akos ka Barisilai (ŋolo abu kiit nakoku a Barisilai a ŋolo arae ŋolo alo Gilead, ido anyaritae iŋes a ekiro kec,)

Ŋakit. 27:10

Nyimyeanakini ituŋanan ŋini erae ikone kon, kori ikone a ikauruunan kon; nyilot kai a iyenet kon erae kelwana apaki ŋina iryamunia iyoŋ ŋican. Ejok alosit neni a ikidunyet kon akilo alosit neni alwanan neni a iyenet kon.

Yer. 52:33

Aŋun abu Yeoiakin tolaca tari ŋilowi keŋ ŋulu sek alomabus ka abu toruwor ŋolo emujenene alokai ke erwosit jwi jwi anakiyar keŋ a daadaŋ.

Luk. 12:37

Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.