1 Ŋirw. 2:5 - Ebaibul

⁵ “Nabo daŋ iyeni iyoŋ ŋakiro ŋuna abu Yoab lokoku Aseruya kitiya neni kaŋ, epite ŋolo abunio iŋes kisicania ŋikarikok ŋuluarei, ŋulu a ajore a Ŋisirael. Ikes Abiner lokoku a Ner ka Amasa lokoku a Yeser, ŋulu abu iŋes toar. Abu iŋes tobuko ŋoakot kec ŋirwa ŋulu esilitere, aŋuna ka akinyaŋia ŋoakot ŋuna aris kebukor apaki ŋina ajiere ido abu kitereŋ a ŋaokot a ŋun arokoba ŋina anapit iŋes anacir ka ŋamuk ŋuna anapit iŋes.

1 Ŋirw. 2:5 Iomraidhean Croise

2 Sam. 17:25

Apaki ŋin, keris Abusalom keseu Amasa apolokin ŋasigarya keŋ, kilunyokin lorot a Yoab. Arae Amasa lokoku ke ekile a ŋolo anyaritae Isira a ŋolo arae Esiraelit, ŋolo eisit Abigail nakoku a Naas, ido arae Abigail nakaato keŋ a Seruia a toto a Yoab.

2 Sam. 18:12

Nai tema ekile ŋol, “Ee, tari kerae kikiinakinete iyes ayoŋ ŋisilipae aliput, pa kacamu ayoŋ akiar lokoku a erwosit. Abu erwosit ikipupi isua ikicik iyoŋ ka Abisai ta Itai tema, ‘Aŋuna kaŋ, nyiar esorokit Abusalom.’

2 Sam. 18:14

Tema Yoab, “Nyecanicani ayoŋ apaki ŋina ikoni na ikirworo ka iyoŋ.” Abu Yoab tolemu ŋakwaaras ŋauni, kirusokinia Abusalom lotau, eriŋa eyari ineno alokuyon.

2 Sam. 18:5

Kicik erwosit Yoab ka Abisai ta Itai tema, “Aŋuna kaŋ, nyiryenyaanikis esorokit ŋol, Abusalom.” Apotu ŋajorei daadaŋ kiirasi erwosit iciki ŋikapolok kec ŋakiro ka Abusalom.

2 Sam. 2:13

Kepotu Yoab lokoku a Seruia ka ŋiketiyak a Daudi toloto nen, kiryamunos ka ikes nabwal ŋina a Gibeon. Kiboikin ajore apei abwal epeiwae, kiboikin ŋinace abwal lowae ŋoloce.

2 Sam. 2:18

Ayakasi lojie ŋol ŋidwe a Seruia ŋulusapa lu: Yoab ka Abisai ta Asael. Apirana Asael nooi ekwaan epirana ka agete.

2 Sam. 20:10

Nai pa kite Amasa ekileŋ anakan a Yoab, kirusok Yoab Amasa nakook, tolomut ŋiboro ka akook kiŋa pena kwap, ido abu totwan nyirucakina akirusokin. Torotokis nai Yoab ka Abisai lokaato keŋ a nen, toloto akiwuapit Seba lokoku a Biciri.

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

1 Ŋirw. 1:7

Kepotu Adoniya tocamunos ka Yoab lokoku a Seruia ta esacaradoti Abiasar. Tocamut ŋul akiri ka Adoniya.

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

Yer. 2:34

Kire, eya lolowi kus ŋaokot ŋuna iaryata iyes ŋikulyak ŋulu emam ŋakiro esecito tari pa kikamunito iyes ikes ebwaŋete ŋakais kus, nai tari kikote ŋakiro nen,

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Mat. 3:4

Anapit Yoana elou ŋolo etiyaunitae a ŋajul a ŋuna ke ekaal, tonapite arokoba anacir keŋ, kimuji emaase ka ao analoŋisat.

Ŋikis. 27:24

“‘Ilamam ituŋanan daadaŋ ŋini eari ikidunyet keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’