1 Ŋirw. 2:4 - Ebaibul

⁴ Nen nai isiyookinio Akuj akirot keŋ ŋina abu ekeik ayoŋ ebala, ‘Ani kiyok ŋiletok kon epite ŋolo eyaryata, toyarete eketopoloorito ayoŋ erae ŋulu ikinyoma alotai kec a daadaŋ ka anakiyar kec a daadaŋ, nyikipiyori iyoŋ aryamun ekile ŋolo iboikin lokicoloŋ kipuka Ŋisirael.’

1 Ŋirw. 2:4 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

2 Sam. 7:25

Ekapolon Akuj, alotooma ŋakiro daadaŋ ŋuna isileereu iyoŋ aŋuna a eketiyan kon ka ŋituŋa a ekal keŋ, kisiyook toruwor ŋuna a ŋikaru ka ŋikaru; kitiya lopite ŋolo idaunia iyoŋ akiikin,

1 Ŋirw. 1:48

tema ‘Kipuritetei Ekapolon Akuj a Isirael, ŋina nakoloŋit na ainaki epei a ŋidwe kaŋ akiboikin lokicoloŋ kaŋ ete ayoŋ.’”

1 Ŋirw. 11:36

Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

1 Ŋirw. 3:14

Ani kiwuap ŋakiro kaŋ, kiwuap ŋikisila kaŋ ka ŋakiciketa kaŋ, lopite ŋolo ewuapitor Daudi papa kon, akainakini nai ayoŋ iyoŋ akiyar ŋina aoyan.”

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

1 Ŋirw. 6:12

“Erae ŋakiro nu ŋuna ka Akai a na a ŋina iduki iyoŋ, ani ca kiwuap iyoŋ ŋikisila kaŋ, ŋuna atubunit ayoŋ ka tolot iwuapit ŋakiciketa kaŋ daadaŋ, esiyookini nai ayoŋ akiikinet kaŋ aneni kon, akiikinet ŋina abu ayoŋ eik Daudi papa kon.

1 Ŋirw. 8:23

Kilip tema, “Okoe Ekapolon, Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet ka amina ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot kon a ŋitai kec a daadaŋ.

1 Ŋirw. 8:25

Aŋun nai, okoe Ekapolon Akuj a Ŋisirael, kisiyook aŋuna a eketiyan kon a Daudi a papa kaŋ ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

1 Ŋirw. 9:5

ŋun nai eturubakinia ayoŋ, apukan kon alo Isirael ŋikaru ka ŋikaru, lopite ŋolo eikinitor ayoŋ papa kon Daudi abala, ‘Nyikiŋopikini iyoŋ aryamun ituŋanan ŋini ilunyokin lokicoloŋ kipuka ŋituŋa a Isirael.’

2 Ŋirw. 20:3

“Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

2 Ŋirw. 23:25

Amam sek ekiŋaren erwosit ece ŋolo ekoni Yosia ŋolo ewuapit Ekapolon a etau keŋ a daadaŋ ka anakiyar keŋ a daadaŋ ta anagogoŋu keŋ a daadaŋ anakiwuapit ŋikisila a Moses. Mam tari erwosit ece ŋolo abu min ekaku keŋ ŋolo etiyae ŋuna etiyat iŋes.

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 17:3

Arukito Yeosapat ke Ekapolon, anerae abu iŋes kiwuap ŋakiro ŋuna sek etiyae papa keŋ ekiŋaren, abu iŋes nyelot akilip neni a Baal,

2 Ŋakiro a ŋirwa 6:16

Aŋun nai, okoe Ekapolon, Akuj a Ŋisirael, kisiyook aŋuna a eketiyan kon a Daudi papa kaŋ, ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ, kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

2 Ŋakiro a ŋirwa 7:18

ŋun nai eturubakinia ayoŋ apukan kon alo Isirael ŋikaru ka ŋikaru, lopite ŋolo eikinitor ayoŋ papa kon Daudi abala, ‘Nyikiŋopikini iyoŋ aryamun ituŋanan ŋini ilunyokin lokicoloŋ kon, kipuka Ŋisirael.’

Ŋikiru. 119:9

Alipite epedoryata ŋisorok akiwuapakin ŋipitesyo kec erae ŋulu ajokak? Erae anakiwuapit akirot kon.

Ŋikiru. 37:22

anerae ikes ŋulu iterereŋit Ekapolon, eruwor akwap ŋina kec. nai ikes ŋulu icenen aneni ke Ekapolon, emunyaryo aneni a ŋuluce.

Ŋikiru. 37:9

anerae emunyar ŋulu aronok, nai ikes ŋulu ikinyomito Ekapolon, eruwor akwap ŋina kec.

Ŋikiru. 39:1

Abu ayoŋ olimu ebe, “Acoikini ayoŋ alotooma ŋuna etiyae, ikotere nyasec alotooma ŋuna erworo; nyalimuni ayoŋ ŋakiro ŋadi eapiyete ŋituŋa ŋulu aronok.”

Yer. 33:17

“Anerae alimu Ekapolon atemar nyicanakin Daudi ituŋanan ŋini ilunyokin lokicoloŋ keŋ kipuka ŋituŋa a Isirael,

Ŋilep. 26:3

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma,

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Mat. 22:37

Toboŋok Yesu iŋes tema, “Tomina Ekapolon Akuj kon ka ekonitau a daadaŋ, ka akonikiyar a daadaŋ ta a ŋakonitameta a daadaŋ.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Ŋikis. 7:12

Ani kiwuapa iyes ŋikisila ŋul ka kitiyata iwuapito ikes ejok, erubakini Ekapolon Akuj kus iricit jik acamunet ŋina ka amina keŋ, ŋina abu iŋes kikoŋ neni atapapaa kus;

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.