1 Ŋirw. 2:3 - Ebaibul

³ kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

1 Ŋirw. 2:3 Iomraidhean Croise

2 Sam. 8:14

Kisiboik nai Daudi ŋasigarya keŋ Edom daadaŋ. Toruwor Ŋiedomi daadaŋ ŋiketiyak a Daudi. Inak Ekapolon Daudi akilounun ŋimoe keŋ aneni daadaŋ abunio iŋes kitijikinio ikes.

2 Sam. 8:6

Kisiboik nai Daudi ŋasigarya keŋ Damasko, nakwap a Ŋiarameani; ido apotu Ŋiarameani toruworos ŋulu epukat Daudi, kisyakis akitac ocur neni a Daudi. Abu Ekapolon inak Daudi akilounun ŋimoe keŋ aneni daadaŋ abunio iŋes kitijikinio ikes.

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

2 Ŋirw. 18:7

Arukito Ekapolon ka iŋes. Ŋuna daadaŋ abu kitiya, abu kitiya ejok nooi. Abu Esekia toŋer erwosit ŋolo ka Asiriya towou daŋ akitiyanakin iŋes.

1 Ŋakiro a ŋirwa 29:19

Inak Solomon lokoku kaŋ kiwuap anacamit a ekeetau a daadaŋ ŋakiciketa kon, ŋakiro ŋuna itubuni iyoŋ ka ŋikisila kon, ido kitiya ibore daadaŋ aŋuna ka adukokin Akai kon ŋina adau ayoŋ alemun ŋiboro ŋuluduket.”

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋikiru. 119:138

Iyookino ŋakiro ŋuna idau iyoŋ atubun; erae ŋuna ikinyoma nooi.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ŋilep. 8:35

Emaikina iyes kiboiyoto ŋirwa ŋikanikaarei apaaran ka akuwar alopuke ke eema a ŋolo ilipere, kitiyata ŋuna ecamit Ekapolon iyes kitiyata, ikotere nyitwaka; anerae ŋuna abu Ekapolon ekecikak ayoŋ ikes ŋun.”

Mal. 4:4

“Totamutu mono iyes ŋakiro ŋuna abu Moses eketiyan kaŋ ikitatam iyes, Ŋikisila ka ŋitalyo ŋulu abu ayoŋ oinak iŋes alomoru a ŋolo enyaritae Oreb, aŋuna a Ŋisirael daadaŋ.

Ŋikis. 29:8

Aponi iwon kikamarae akwap kec, ido okorakisi ŋituŋa a ekabila a Ruben ka ŋituŋa a ekabila a Gad ta atutubet apei a ŋituŋa a ekabila a Manase toruwor ŋina kec.

Ŋikis. 29:9

Aŋun, kiwuapa ejok ŋakiro ŋuna ka acamunet, ikotere itiyaete a aosou ŋakiro daadaŋ.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:45

Erae nu ŋakiro ŋuna elimunitoe ka ŋuna etubunitoe ta ŋikisila, ŋakiro ŋuna abu Moses tolimok Ŋisirael apaki ŋina aponiata alo Ijipit,

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.

Ŋikis. 4:8

Emam ŋituŋa a akwap ka adio ŋulu eyakar ŋakiro ŋuna etubunitoe, ŋikisila ŋulu iyookino ikwa ŋakiciketa nu ŋuna tokona alosi ayoŋ ainakin iyes nakoloŋit na.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Yos. 22:5

Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

Yos. 23:6

Aŋun, totitiny iyes anakiwuapit ŋakiro daadaŋ ŋuna igiritae lokitaabo ŋolo a Ŋikisila a Moses, kiwuapa ŋakiro ŋun ikotere nyigetakis, kitiyata ŋuna nyeriyan;

1 Sam. 18:14

Eloununui Daudi ŋimoe kec, anerae ayai Ekapolon kaapei ka iŋes.

1 Sam. 18:30

Torubakis ŋikarikok a ŋajorei a Ŋipilistin eŋaanarete ŋajorei; ŋapakio daadaŋ ŋuna aŋaununuyata ikes ŋajorei, eloununui Daudi ikes akilo neni eloununuyata ŋikarikok ŋajorei a Saul, aŋun, apotu ŋituŋa kituruut ekiro a Daudi.

1 Sam. 18:5

Abu Daudi tolot neni daadaŋ abu Saul kiyakiya iŋes ka abu kitiya ejok, aŋun, abu Saul kituruwo Daudi ekapolon a ŋasigarya. Tocamut ŋituŋa daadaŋ Daudi, tocamut tari ŋikapolok ŋulu epukatotor Saul.