1 Ŋirw. 2:22 - Ebaibul

²² Toboŋok erwosit Solomon toto keŋ tema, “Kaanukiro iŋitar iyoŋ Abisag ŋina erae Asunamit toruwor aberu ka Adoniya? Nyo bo nyiŋitar aŋuna keŋ apukan daŋ? Anerae erae iŋes lokaato kaŋ ŋolokiyae; nyiŋit ŋun aŋuna keŋ bon nai kiŋit daŋ aŋuna ka Abiasar a esacaradoti ka aŋuna a Yoab alokoku Aseruya a ŋulu eriitotor iŋes.”

1 Ŋirw. 2:22 Iomraidhean Croise

2 Sam. 12:8

Abu ayoŋ okoinak iyoŋ ŋituŋa a ekal a ekapolon kon ka abu ayoŋ okoinak iyoŋ ŋaberu a ekapolon kon. Abu ayoŋ okoinak iyoŋ akipuka ŋituŋa a Isirael ka ŋulu a Yudaya. Ani kerae itokadito iyoŋ ŋul daadaŋ, kekeyatakinit ayoŋ iyoŋ ŋice ŋulu etya neni pei.

2 Sam. 16:21

Toboŋok Aisopel tema, “Ape kituruwo ŋaberu a papa kon ŋuna nyiitit ŋuna kon. Nakiro ŋun nai eanyuniata Ŋisirael daadaŋ atemar kimanakinosi iyoŋ ka papa kon, ido isimukekinosi ŋulu iriito ka iyoŋ daadaŋ.”

1 Ŋirw. 1:11

Abu nai Nasan kiŋit Basiseba toto a Solomon tema, “Eriŋa iyoŋ nyiirara atemar aruwor Adoniya lokoku ka Agis erwosit ka nyeyeni ekapolon yok Daudi ŋun a?

1 Ŋirw. 2:15

Tema Adoniya, “Iyeni roboca iyoŋ atemar arae sek apukan ŋina kaŋ, ido ayenete Ŋisirael daadaŋ atemar ayoŋ aruwor ekepukan, tokona, nyeriŋa apukan erae ŋina kaŋ, nai aruwor ŋina alokaato kaŋ. erae Ekapolon abu kituruwo apukan ŋina alokaato kaŋ.

1 Ŋakiro a ŋirwa 3:2

ŋolo a ŋiuni iŋes Abusalom, lokoku ka aberu a ŋina anyaritae Maaka, anakoku a Talmai a ŋolo arae erwosit a Gesur; ŋolo a ŋiomwon iŋes Adonia, lokoku ka aberu a ŋina anyaritae Agis;

1 Ŋakiro a ŋirwa 3:5

Ŋidwe lu ikes abu iŋes touru alo Yerusalem: Samua, Sobab, Nasan ka Solomon. Arae ŋuluomwon ŋul ŋidwe ka aberu a ŋina anyaritae Basiseba, anakoku ka Amiel.

Mat. 20:22

Toboŋok Yesu ikes tema, “Nyiyenete iyes ŋuna iŋitasi. Ipedorete iyes akimat ekopo ŋolo a ŋican ŋolo alosi ayoŋ akimat a?” Toboŋokis ikes temasi, “Ikipedori.”

Mar. 10:38

Tolimok Yesu ikes tema, “Nyiyenete iyes ŋuna ilipasi. Ipedorete iyes akimat ekopo ŋolo a ŋican lo ŋolo alosi ayoŋ akimat a? Kori ipedorete iyes akibatisao ikwaŋina ekebatisatere ayoŋ a?”

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.